Admin-team यांचे रंगीबेरंगी पान

मायबोली अनेकांसाठी फक्त साहित्य वाचनाचे संकेतस्थळ नसून रोजच्या वापरातली एक उपयुक्त सुविधा(Utility) झाली आहे.

बरेच जण विविध धाग्यांवर वेगवेगळ्या विषयांवरील प्रश्न विचारतात. बरेच मायबोलीकर त्यांना योग्य उत्तरेही प्रतिसादामधे देतात. पण त्या एकंदर धाग्यामध्ये योग्य ते उत्तर सर्व प्रतिसादांमध्ये सापडणं कठीण होतं. जेंव्हा एकाच प्रश्नाला अनेक उत्तरे असू शकतात तेंव्हा त्यातले कुठले जास्त चपखल असेल हे ठरवणेही कठीण असते.

मायबोलीवर जाहिरात करून मायबोलीला पाठींबा देणारे जाहिरातदार "त्रिशूल बिल्डर्स" यांच्याकडून आलेलं हे प्रशस्तिपत्र. मायबोलीवरची ऑनलाईन जाहिरात त्यांनी कुठल्याही वेबसाईटवर पहिल्यांदाच केलेली जाहिरात होती.

हेमंत बुद्धीवंत,
त्रिशूल बिल्डर्स,
राजीव गांधी शिरोमणी पुरस्कार आणि इंदिरा गांधी सद्भावना पुरस्काराचे मानकरी.

पुढच्या शनिवारी (२३ एप्रिल, २०११) सगळ्यांच्या विचारपूशीची साफसफाई करण्यात येईल. तुमच्या विचारपूशीत असलेले १ जानेवारी २०११ अगोदरचे सगळे संदेश काढून टाकले जातील.

यात काही अडचण येणार असेल तर कृपया इथे लिहा. या अगोदरची सफाई २९ मे २०१० ला केली होती.

सर्व मायबोलीकरांना गुढी पाडवा व नववर्षाच्या हार्दिक शुभेच्छा!!!

प्रकाशचित्र सौजन्यः अमृता

डिसेंबरच्या सुरवातीला मायबोलीचा "छोट्या जाहिराती" हा विभाग तातडीने बंद केला होता. हा विभाग नुकताच पुन्हा सुरु केला आहे. प्रशासनात पारदर्शकता असावी यासाठी काय झाले हे सांगणे आम्हाला आवश्यक वाटते.

मायबोलीवरील छोट्या जाहिराती काही काळासाठी बंद होत्या. तो विभाग आता पुन्हा सुरू झाला आहे.
या दुव्यावर तुम्हाला जाहिराती पहता येतील. http://jahirati.maayboli.com/

तसेच आता कानोकानीप्रमाणेच मायबोलीवरील सदस्यखात्याने तुम्हाला जाहीरातीमध्ये देखील नवीन लेखन करता येईल.

कार्यक्रम (event) हा लेखनप्रकार आता सर्व ग्रूपमध्ये उपलब्ध केला आहे. तसेच त्यात नाव नोंदणीची नवीन सुविधा देण्यात आली आहे.

जर तुम्ही त्या कार्यक्रमात सहभागी होणार असाल तर त्या धाग्यावर नाव नोंदणीमध्ये आपले नाव नोंदवा. तुमचे मायबोली सदस्य नाव तिथे आपोआप दिसेल. तुमच्या व्यतिरिक्त इतर व्यक्ती (मायबोलीकर नसलेले) येणार असल्यास तिथे लिहू शकता. फोन नंबर ऐच्छीक आहे.

तुम्ही नाव नोंदणी केल्यावर तुम्हाला एक इमेल येईल तसेच कार्यक्रमाच्या एक दिवस आधी आठवणीसाठी एक इमेल मिळेल.

मायबोलीने या गणेशचतुर्थीला १४ वर्षे पूर्ण केली. गेल्या एका वर्षात (गेल्या गणेशचतुर्थीपासून या गणेशचतुर्थीपर्यंत) आपण काय केले याचा हा एक मागोवा.

गेल्या एका वर्षात प्रकर्षाने जाणावलेली गोष्ट म्हणजे नवीन निघालेल्या/निघत असलेल्या मराठी वेबसाईटस. या सगळ्या वेबसाईटचं मायबोलीकडून स्वागत ! इतर भाषांच्या तुलनेने, मराठीत अजूनही खूपच कमी वेबसाईट्स आहेत आणि जितक्या जास्त तितक्या मराठी भाषिकांसाठी चांगलेच आहे.

गेल्या वर्षाच्या तुलनेत या वर्षाचा मुख्य उद्देश नवीन उपक्रम सुरु करण्यापेक्षा आहेत ते जास्त लोकप्रिय करणे, पाया जास्त भक्कम करणे असा होता. त्यामुळे फारसे नवीन उपक्रम सुरु केले नाहीत.

मायबोलीवर विविध उपक्रम गेली अनेक वर्षे सातत्याने चालु आहेत. हे सर्व मायबोलीकरांनी आपला वेळ देउन केल्यामुळेच शक्य आहे. बर्‍याच स्वयंसेवकानी ह्या समित्यात काम केलं आहे. अनेक जणांना यांत भाग घेण्याची इच्छा आहे. ह्या सर्वांचं व्यवस्थापन करणं हेच एक मोठं काम आहे.

मला सांगायला आनंद होत आहे की रुपाली महाजन (रुनी पॉटर) यांनी या जबाबदारीचा स्विकार केला आहे. आजपासून सर्व उपक्रमांच्या स्वयंसेवक व्यवस्थापनाचं काम त्या बघतील. त्यांनी याआधी गणेशोत्सवाच्या मुख्य संयोजकपदाची जबाबदारी सांभाळली आहे. तसेच मदत समितीतही त्या सहभागी आहेत.

त्यांना या नवीन जबाबदारीसाठी अनेक शुभेच्छा!!