चाल

लहानपणीच्या काही आठवणी व तसेच मायबोलीवरील काही धागे वाचून एक गाणे दुसर्‍या गाण्याच्या चालीवर म्हणता येईल त्याची यादी करावी असे वाटले. एखाद्या गाण्याचे शब्द न बदलता त्या गाण्याची चाल जर दुसर्‍या गाण्याच्या चालीवर चपखल बसत असेल तर सांगावे..

जर दोन गाणी एकाच चालीवर बेतली असतील तर मात्र वगळावीत. उदाहरण म्हणजे "होली आयी होली आयी" हे मशाल मधले गाणे आणि "जांभूळ पिकल्या झाडाखाली" ही दोन्ही गाणी एकाच चालीवर आहेत. (संगीतकार ही एकच - पं. ह्रदयनाथ मंगेशकर)

मला माहित असलेली उदाहरणे... (दोन्ही गाणी एकमेकांच्या चालीवर म्हणता येतात)

चाली लावणे हा माझा छंद आहे आणि आजवर मी बर्‍याच चाली लावलेत...गाण्याचं रीतसर शिक्षण झालेलं नसलं तरी आजवर ज्येष्ठ आणि श्रेष्ठ गायकांपासून ते हल्लीच्या नवोदित गायकांपर्यंत अनेकांची गाणी कान देऊन ऐकत आलोय. ह्या सगळ्याचे जे तरंग मनात उमटतात, त्यातुनच मग जेव्हा कविता वाचनात येतात तेव्हा त्यांच्यासाठी सहजपणे मनातल्या मनात चाली तयार होतात...मी स्वतः एकेकाळी चांगल्या आवाजाचा गायक होतो पण आता वयोमानानुसार माझा तो आवाज राहिलेला नाहीये मात्र गाण्याचं वेड मात्र कमी झालेलं नाहीये...आणि म्हणूनच जमेल तसे गाण्याचा मी सतत प्रयत्न करत असतो.