म्हैसुर

ह्या उन्हाळ्यात म्हैसुरच्या नजीकच्या जंगलात भ्रमंती केली. बांदीपुर,नागरहोळे आणि कबिनीच्या जंगलातील हत्ती, वाघ, गवा हे आकर्षण होतं शिवाय आता वीरप्पन नसल्यामुळे त्याच्या तावडीतुन सुटलेले सुळेवाले हत्ती दिसतीलच ही आशा होती.

म्हैसुरहून बांदीपुर, नागरहोळे आणि कबिनी ही तिन्ही ठिकाणं फारशी लांब नसली तरी वेगवेगळ्या दिशेला आहेत, तेव्हा प्रत्येक वेळेस म्हैसुरला भोज्जा करुनच जावे लागणार होते. तेव्हा मध्ये म्हैसुरलाच मुक्काम करुन म्हैसुरही पाहून घ्यायचे ठरवले. लगेच त्यादॄष्टीने आंतरजालावर शोधाशोध चालू केली. त्यात रंगनथिट्टु पक्षी अभयारण्याबद्दल माहिती मिळाली.