रामकुमार : शब्दखूण

आज माझ्या मुलीचा(श्रेया) चौथा वाढदिवस आहे.
आपल्याला कविता आवडली नाही तर सगळा दोष माझा,
आणि आवडली तर सारे श्रेय तिला भेट!
====================================
प्रेमवेडा आरशा, तो कोण होता?
थेट माझ्यासारखा तो कोण होता?...१

ही कुणाच्या सोबती नियती निघाली?
ध्येयपंथी चालला तो कोण होता?...२

उंच आकाशी उडाला स्वप्नपक्षी
काल होता पेटला तो कोण होता?...३

तो पुढे, मागे तयाच्या कारवा हा
मार्ग ज्याचा एकला तो कोण होता?...४

काल ज्याने दाविलेली गोड स्वप्ने
तू नव्हे तो_नायका, तो कोण होता?...५

मज घरातुन काढले बाहेर रात्री
अन् पहाटे झोंबला तो कोण होता?...६

गुलमोहर:

शब्दखुणा:

शेअर करा

मी ध्यास घेतलेला

Submitted by रामकुमार on 7 March, 2011 - 13:15

ना चित्तरंजनाचा मी ध्यास घेतलेला
भवदु:खभंजनाचा मी ध्यास घेतलेला....१

जे दाखवील सृष्टी मिटवून पाकळ्या;त्या-
अभिजात अंजनाचा मी ध्यास घेतलेला....२

मज दाविशी असूरा, भेसूर दंतपंक्ती
रात्रीस मंजनाचा मी ध्यास घेतलेला....३

कोणी न या अभाग्या शक्तीविना विचारी
रामा,प्रभंजनाचा मी ध्यास घेतलेला....४ (प्रभंजन=हनुमान)

हे भाग्य!स्वार्थ माझा बनतो परोपकारी
व्याधीविभंजनाचा मी ध्यास घेतलेला....५ (काफियात अंतर्भूत झालेले स्वरचिन्ह-अ ऐवजी इ)
------------------------------------
संगीत ऐकतो ना शब्दात रम्य रमतो
भावार्थ गुंजनाचा मी ध्यास घेतलेला....६ (टीप:गुंजनाचा-कच्चा काफिया)

गुलमोहर:

शब्दखुणा:

शेअर करा

इंगळी

Submitted by रामकुमार on 5 March, 2011 - 23:39

दिसता चुका कुणाच्या मी पांघरीत गेलो
अपराध जीवनाचे चित्ती पुरीत गेलो!....१

'बाजारहाट इथला सर्वांस फायद्याचा'_
मानून रोज फसवे सौदे करीत गेलो!....२

साधीच चाल त्यांची ते बाण साफ होते
पण मी मऊपणाने वांदे करीत गेलो!....३

कुंभात व्यर्थ फुटक्या माया भरीत गेलो
मी फोल पौरुषाची नाती स्मरीत गेलो!....४

हैराण रंगवेडा व्याकूळला वसंत
रक्ताळ काळजाचे पाणी करीत गेलो!....५
========================
जाणीव इंगळीची होण्या उशीर झाला
वेडात वैद्यकांचे पत्ते पुसीत गेलो!....६

रामकुमार

गुलमोहर:

शब्दखुणा:

शेअर करा