#मराठीलेखन

ऑफिसची मीटिंग कधी संपेल याची वाट पाहत होतो. "राहिलेले मुद्दे आपण ऑनलाइन मीटिंगमध्ये डिस्कस करू," असं सांगून मुंबईच्या ऑफिसमधील माझी पहिलीच मीटिंग शेवटी संपवली.
दुपारचे दोन वाजले होते. ऑफिसमधून बाहेर पडलो आणि पुण्याला जाणारी बस पकडण्यासाठी रिक्षा स्टँडकडे निघालो. तेवढ्यात कानावर 'वाशी जंक्शन' असे शब्द पडले आणि अचानक एक गोष्ट आठवली.
आपली कॉलेजमधली मैत्रीणही इथेच कुठेतरी एका कॉलेजमध्ये लेक्चरर आहे.
सोळा वर्षांपूर्वी आमची शेवटची भेट झाली होती. त्यानंतर फक्त अधूनमधून सोशल मीडियावर एखादा-दुसरा मेसेज, एवढंच काय ते बोलणं.