स्वातन्त्र्य

जिने पाहीला सूर्य अंधार रात्री
धन्य ती जिजाऊ शिवजन्मदात्री

उन्मत्त यवनांचे इथे राज्य होते
धर्म-न्याय-निती इथे त्याज्य होते
मदाने तयांच्या गांजली धरित्री

साडेतीनशे वर्ष अंधार होता
क्रूर लांडग्यांचा मुक्त संचार होता
इतरांपरी जी थिजली ना गात्री

गांजल्या जिवांना जीने हात दिला
स्वराज्य-स्वधर्म नवा मंत्र दिला
स्वातंत्र्य घोष उठे मध्यरात्री

शहाजीस बंदी करी आदिलखान
चिंता परी ना झुकू देई मान
खानास मात - दिल्लीस मैत्री

अफजल गर्जे दिन दिन दिन...
तुळजा भवानीवरी घाली घण
फडील अफजल शिवबा ही खात्री

शिवबास जी राष्ट्रकार्यास धाडी
म्हणे - अफजुल्ल्यास संपूर्ण गाडी