बंगाली साहित्य

क्षितिजापर्यंत पसरलेलं, चंद्र चांदण्या तारे जडलेलं, आपलं उत्तरीय सावरत रजनीने आकाशाचा निरोप घेतला. लालिमा भरल्या नयनांनी उषेने सृष्टीवर दृष्टी टाकली आणि विश्व उजळून निघालं. माझ्या कल्पनाविश्वात गुरुदेव रवींद्रनाथ टागोर यांचा रूप डोळ्यासमोर आलं.

गुरुदेव रवींद्रनाथ यांच्या जीवन कार्याचा आणि साहित्याचा महासागर खऱ्या अर्थाने रत्नाकर आहे .अगणित रत्नांनी भरलेला ! त्यांच्या व्यक्तिमत्वाचा अभिन्न भाग म्हणजे त्यांचं निसर्गाशी नातं! ७ मे या त्यांच्या जयंती निमित्त या पैलूकडे बघूया.