देशोदेशीच्या चवी

एकदा ब्लू झोनबद्दल वाचत होते. ब्लू झोन म्हणजे जगाचे असे भाग जिथल्या माणसांचं सरासरी आयुष्य इतर जगातल्या माणसांपेक्षा जास्त आहे. जिथं माणसं दीर्घायू आहेत, नव्वदी पार केलेले लोक बरेच आढळतात अशा जगातल्या जागा. या ब्लू झोनमध्ये ग्रीसचा एक भाग आहे.
ब्लू झोनमधल्या लोकांच्या दीर्घायुष्याची जी साधी सोपी रहस्ये आहेत त्यातलं एक आहे भरपूर भाज्या आणि फळांचं सेवन. त्यांच्या आहारात कच्च्या भाज्या आणि फळे मुबलक प्रमाणात असतात.

सिंगापोर म्हणजे खवैय्यांची पंढरी. भारतीय, चिनी आणि मलाय खाद्यसंस्कृती इथे गुणगोविंदाने नांदतात. त्यांची स्वतःची स्वभाववैशिष्ट्ये तर आहेतच पण त्यांच्या एकमेकांशी झालेल्या संगमातून काही नव्या आणि चविष्ट खाद्यपदार्थांनीही जन्म घेतला आहे.