दानपेटी

१९८० पासून राम मंदिर प्रश्न आपल्या सर्वांच्याच कानावर सतत पडत असतो. राम मंदिर विषय निघाल्यावर संबंधित घटनाक्रम ( १९८६ कुलूप उघडणे, रथयात्रा, दंगली, ढाचा पाडणे, अनेक दंगली, रक्तपांत, मंदिराचे निर्माण कार्य, भूमीपूजन, जोशांत उद्घाटन) माझ्या डोळ्यासमोर येतो. मंदिर निर्माण होण्याच्या अगोदरच्या काळांत, अनेक दशके, देणग्या गोळा करण्याचे काम सातत्याने सुरु होते, आणि पुढेही ते सुरुच रहाणार आहे.

देवापुढे नसो
कधी दानपेटी
रित ही ओखटी
वाटे मज ॥
असतो का कधी
देवाचा तो धाक
म्हणे पैसा टाक
कधी का तो ॥
असो धर्म पेटी
स्थळ चालविण्या
सोय ही करण्या
येणा-याची ॥
परंतु तयात
गोवू नये देवा
ऑफरिंग नावा
ठेवूनिया ॥
बाह्य मार्गावरी
पेटी ती ठेवावी
पावती फाडावी
हवी तर ॥
नको त्या धनिका
व्हीआयपी सेवा
जणू काही देवा
लाडका तो ॥
सुटो वहिवाट
ऐसी जनरीत
एकाच रांगेत
सारे राहू ॥
विक्रांता दिसतो
पैशांचा बाजार
जणू तो संसार