मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
उठाव
Submitted by @गजानन बाठे on 10 October, 2019 - 09:31
उठाव
झोपडीत माझ्या नव्हता दिवा,
गर्द अंधारी खचलो नाही.l
लाख होती छिद्रे छताला,
ज्योत तेवती विझली नाही.
भय,संशय,भूत येवूनी गेले,
माणसास मी डरलो नाही.
झालेत उठाव बंडखोर मनाचे,
तहास कधी मी झुकलो नाही
गमावण्यास ही नव्हते काही
म्हणून कदाचित हरलो नाही.
कटात काजवे सामील काही,
वार झेलले पण मिटलो नाही.
©गजानन बाठे
विषय:
शब्दखुणा:
