कृष्णा

*शीर्षक :- मी अन तू.........*

तुझ्यातला मी
माझ्यातली तू
कृष्णा मी
अन राधा तू

भाळली मला
भाळलो तुला
दोन जीवांचा
एकजीव झाला

नभातला चंद्र
नभात इंद्रधनू
भासते मला
अप्सरा जणू

कोमल काया
तुझ्या यौवनाची
वीज चमकावी
माझ्या स्पर्शाची

हरवून गेलो
तुझ्यात मी
गुंतलो इतका
तुझ्यात मी

अदाकारी तुझ्या
लाजण्यातली
वेगळीच जादू
तुझ्या असण्यातली

साथ अशी दे
सखे मला तू
एकाच जन्मात
सात जन्म तू

नमस्ते मित्र मैत्रिणींनो,
ही कृष्णाची आरती माझ्या बाबांच्या काकांनी तयार केली आहे.
आम्ही ती अनेक वर्ष घरी म्हणतो. तिचा प्रसार व्हावा हि इच्छा आहे.
तुम्हाला आवडल्यास तुम्हीही म्हणू शकता.

जय देव जय देव जय गोपाळा कृष्णा
तव गीतामृत पाने निवते भव तृष्णा || धृ ||

नीती न्याय दयादिक गुण जनी लोपोनि
अधर्म अन्यायाही त्रासली जब अवनी
दुष्टा निर्दालाया तव जगी अवतरुनि
सुष्टा रक्षियले त्वा सत्पक्षा धरुनी || १ ||