प्राथमिक शाळा

आमच्या गावातील प्राथमिक शाळेला यंदा १०० वर्षे पूर्ण झाली आहेत. (भारत स्वतंत्र झाल्यावर बहुतेक ती जिल्हा परिषदेकडे आली असावी). माझे वडील याच शाळेत शिकले आहेत. तर या निमित्त या शाळेचे बरेच माजी विद्यार्थी जमले होते आणि सर्वानी ( गावकर्यांनी देखील ) शाळेच्या सुधारीकरणासाठी काही देणगी जमा करायला सुरवात केली. हे काम सध्या सुरु आहे. यातले माझ्याकडे आलेले काम पूर्णपणे शैक्षणिक / क्रीडा संदर्भातील आहे. यामध्ये विद्यार्थ्यांचा सर्वांगीण विकास कसा करता येईल याचा पथदर्शी प्लॅन करायचा आहे. विद्यार्थी संख्या पहिली ते सातवी २१० आहे. शिक्षक संख्या ७ आहे.