लॉकडाऊन जरा शिथिल होऊ लागल्यावर केलेला माझा पहिलाच प्रवास होता तो. त्या प्रवासाला नुकतेच एक वर्ष पूर्ण होऊन गेले आहे. त्या निमित्ताने लॉकडाऊननंतरच्या त्या पहिल्याच प्रवासाच्या आठवणी....
कोयनेतून प्रवास
आज कोल्हापूर पुण्यादरम्यान काही फास्ट पर्याय उपलब्ध झाले आहेत. पण शुक्रवारी ते पर्याय उपलब्ध नसल्याने कोयनेला पसंती दिली. तसे पाहिले तर या प्रवासासाठी पूर्वी कोयना ही माझी पहिली पसंती असे. कारण सगळा दिवसाचा प्रवास आणि पूर्वी या गाडीला तशी गर्दी कमी होती. त्यावेळी कोयना पुणे-कोल्हापूर प्रवास पूर्ण करण्यासाठी ९ तास ३५ मिनिटे घेत असे. त्यातही ती बऱ्याचदा लेट होत असे. पण गेल्या सात-आठ वर्षांत या मार्गावर इलेक्ट्रॉनिक सिग्नलिंग यंत्रणा बसविल्यामुळे या मार्गाची क्षमता वाढलेली आहे. परिणामी कोयनेचाही वेग वाढून प्रवासाचा कालावधी साडेसात तासांवर आला आहे.
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.