स्वामी स्वरुपानंद (पांवस)

ज्ञानेश्वरी नित्यपाठ - स्वामी स्वरूपानंद (पांवस)

पूजनीय स्वामीजींनी जी काही ग्रंथसंपदा निर्माण केली त्यातील हा अतिशय छोटेखानी ग्रंथ - ज्ञानेश्वरीतील निवडक १०९ ओव्या असलेला - "ज्ञानेश्वरी नित्यपाठ". केवळ १५-२० मिनिटात या ओव्या वाचून होतील इतका हा सुटसुटीत ग्रंथ. मात्र अर्थाकडे ध्यान देऊन शांतपणे या ओव्या वाचत गेल्यास आपल्या नित्याच्या जीवनालाही जागृती प्रदान करणारा असा एक समर्थ ग्रंथ आहे.

परमहंस स्वामी स्वरुपानंद -एक अलौकिक जीवन

स्मरण तयाचे होता साचे चित्ती हर्ष न मावे |
म्हणुनी वाटते पुनः पुन्हा ते पावन चरण नमावे || स्वामी स्वरुपानंद ||
स्वामीजी स्मर्तृगामी (मनापासून त्यांचे स्मरण करायचा अवकाश, ते दर्शन देणारच) असल्याने त्यांचे प्रसन्न दर्शन भाविकांना कायमच परमात्म्याचीच आठवण करुन देते.