रोज

आयुष्याने दिलेल्या पचपचीत अनुभवांमध्ये मीठमसाला टाकून त्या किस्सेकहाण्या लोकांना सुनवतोय ! हसतोय आणि हसवतोय ! येण्यार्‍या आयुष्यात काही तरी सुरस आणि चमत्कारीक घडेल, बस्स या आशेवर जगतोय ! पण आज मात्र मी जे सांगायला जाणार आहे त्यात असत्याचा अंश कणभर सुद्धा असणार नाही. जेवढे पिळाल तेवढी त्यातून सत्याचीच धार बाहेर निघेल. आयुष्याने दिलेला एक अनुभव जसाच्या तसा मी आज तुमच्याबरोबर शेअर करायला जात आहे... का? ते मला स्वतालाही ठाऊक नाही...

तर हि गोष्ट आहे इसवीसन ..,,.. चला राहूद्या थेट प्रसंगावरच नेतो

**********************************************************

रोज

हा 'रोज' रोजच येतो
हवं तर तुम्ही टाळून पहा,
भिंतीवरचं कॅलेंडर जाळून पहा,
हा 'रोज' रोजच येतो

तुम्हाला वाटो न वाटो, पटो न पटो,
'रोज' हा रोज श्वास घेतो,
'रोज' रोज काही ना काही देतो,
'रोज' नेहमीच विनापरवानगी नेतो

रोज काही ना काही घडते,
रोजच एक नवीन गाठ पडते,
एक जोडले की दुसरे मोडते,
सुटलेली गाठ...पिळ मागेच सोडते

रोज भास अन रोज आस,
त्याच त्याच आठवणींचा रोजरोज त्रास,
आठवणी सुखरूप अन 'रोज' नीटनेटका
'रोज'च्या गर्दीत मी नेहमी एकटा

'रोज' उथळ, 'रोज' गहिरे
'रोज' कोण?