कालची रात्र सरता सरत नव्हती
कदाचित तुझ्यावर कविता बनत होती
मागच्या जन्माची पुण्याई वा असतील भाग्य थोर
माझा भाऊ म्हणून लाभला आम्हास नंदकिशोर
कधी लाभेल तुला सुखाचा सागर तर कधी दुःखाच्या लाटा
मी सदैव पाठीशी असेन घेऊन सुखी शिदोर्यांच्या वाटा
तुझं आयुष्य असुदेत सदैव फुलां प्रमाणे बहरणारं
सोबत असेन मी बनून रोपट संकटाना मात देणारं
Future च plannig करताना मागे वळून पाहू नको
हा पण तुझी एक बहिण आहे हे मात्र कधी विसरू नको
गेली सासराला ताई दिस सुखात जाईना
तुझा घोगरा आवाज आता कानात येईना॥ धृ ।।
ताई मांडवाच्या दारी
तुजी वरात थांबली
व्हटावर हाक आली
आमी घशात कोंबली
आता रडायाचं न्हाई यकामेका सांगताना
डॊळ्यामंदी पाणी आलं तरी बाह्यर येईना ॥ १।।
वसरीतल्या झोक्याला
तुझ्यासंगं झुलायाचं
यड लागलं जात्याला
तुझ्यासंगं फ़िरायाचं
तुझ्या हातानं बांधल्या सार्या गवर्या शेणाच्या
चुलीमंदी जाळायाला आई तयार व्हईना ॥२।।
तुझ्याईना सुना सुना
आडावरचा रहाट
बगुण्याच्या बादलीचं
रोज रड्तं चर्हाट
ये ना ताई भेटायाला हाका मारायाच्या किती
गाय गोठयातली काळी आज चाराबी खाईना ॥३।।
शांता कुंभारीण ताई
तुला इचारीत व्हती
माझ्या प्रेमळ बहिणीसाठी लिहिलेली हि खास कविता...
तू माझी बहिण
मी तुझा भाऊ
प्रेमाचं हे नातं
असंच अतूट ठेवू !!
नको कसला स्वार्थ त्यात
नको जराही राग
प्रेमाच्या ह्या बंधनात
असू दे प्रेमाचीच बात !!
असो थोडा रुसवा
असावा जरा धाक ,
प्रेमाच्या ह्या बंधनात
सोडू नको कधी साथ !!
तू माझी बहिण
मी तुझा भाऊ
प्रेमाचं हे नातं
असंच अतूट ठेवू !!
दु:ख तुझे सारे
मजपाशी येवो
सु:खाने आनंदाने
तुझे जीवन सरो !!
तुझी माया तुझं प्रेम
निरंतर असं राहो
प्रेमाचं हे नातं
असंच दृढ होवो !!
तू माझी बहिण
मी तुझा भाऊ
प्रेमाचं हे नातं
असंच अतूट ठेवू !!
संकेत य. पाटेकर
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
