सांज्याच्या पोळ्या

सुरेख! करून पाहीन

अरे व्वा, किती छान पाकृ लिहिली आहे .
बऱ्याच वर्षापूर्वी मी बंगलोरला होते, तेंव्हा तिकडे जाताना आई या पोळ्या करून द्यायची. तिकडची कंपनीतील मित्र वाट बघायचे आईच्या पोळ्या यायची. आई सुद्धा खूप द्यायची पोळ्या.
या पाकृ निमित्ताने त्या सर्व आठवणी परत आल्या.

माझ्या एका मावशीला ह्या पोळ्या खूप आवडायच्या त्यामुळे तिच्या करता नेहमीच व्हायच्या.
रवा वापरण्या ऐवजी तेव्हा सोजी, जात्यावर गहू दळून काढलेला जाडसर रवा वापरल्या जायचा.

खूप छान पाकृ
खरंच विसरली होती
अशात होत नाही करणं सांज्याची पोळी
आता आठवलीये तर करेन कदाचित

घरी पेढे खूप उरलेले असले की करते मी अजूनही. गुळ थोडा कमी आणि पेढे मिसळून.

किती सुंदर दिसत आहेत! चव जाणवली मेंदुला.

ममो, खव्याच्या पोळ्या करा ना एकदा.

मी कालच केल्या होत्या. सोबत तूप आणि कैरीचे ताजे लोणचे ! मस्त लागतात.

प्रचंड आवडीचे पक्वान्न!

मला करुन पाहायच्यात. न कधी खाल्ल्या न कधी पाहिल्या.

रेसिपी दिल्याबद्दल धन्यवाद ग.

खूप आवडीची पोळी
मात्र सांजा करून कधी केल्या नाहीत
शिल्लक शि-याच्या केल्यात ब-याचदा
शिरा नीट भरता यावा म्हणून थोडा मिक्सरमध्ये फिरवून घेते मी
नुसतं तूप घालून छान लागतात
पण लोणचं किंवा लसूण खोब-याच्या चटणी बरोबर खूपच छान लागतात

पोळ्या मस्तच दिसतायत. पटकन खावीशी वाटतेय उचलून!

सोबत तूप आणि कैरीचे ताजे लोणचे ! मस्त लागतात.>>+1 माझं भयंकर आवडीचं पक्वान्न!
माझ्या बाबांना पुरणपोळीचं सोसत नसे, पूर्ण पथ्य होतं. अजिबात खात नसत. त्यामुळे सांजापोळी खूप वेळा असायची. घरचं आंब्याचं लोणचं आणि तुपाने माखलेली सांजापोळी. स्वर्ग!

मस्त! मला खूप आवडतात सांज्याच्या पोळ्या. किती तरी वर्षांत खाल्ल्या नाहीत. आता करते एकदा!

छान दिसतायत पोळ्या .

सुरेख दिसतायेत.

आई बरेचदा करायची पण साखर घालून करायची, गूळ जास्त छान लागत असणार, करून बघेन.

मस्त दिसतायत पोळ्या..माझी आई अगदी अशाच करते..

रेसिपी दिल्याबद्दल धन्यवाद हेमाताई. छान दिसतायत पोळ्या , करून पाहीन नक्की.

रेसिपी नेहमीप्रमाणे छान लिहिली आहे. पोळ्या सुंदर दिसताहेत.

मी एकदाच खाल्ली आहे आणि मला आवडली नव्हती. आता विचार करता वाटतं. रव्याला स्वतःची अशी काही चव नसते. त्याला नटवावं लागतं. शिर्‍याला भरपूर तुपाने एक चव येते. शिरा पुरणाच्या तुलनेत सौम्य चवीचा. तो आवरणात गेला की आणखी सौम्य होतो. त्यामुळे काहीतरी मस्त खाल्लं असं वाटत नाही.

अवांतर - मी वाचलेले पुस्तक या धाग्यावर तुमच्या मोहर या पुस्तकाबद्दल अभिप्राय लिहिला आहे.

पुण्यात अरण्येश्वर देवळाजवळ एका फूडशॉपी मधे सांजापोळी, आंबासांजापोळी पॅकेट्स विकत मिळतात. मी आणल्या होत्या 2वेळा, आवडल्या होत्या.
(ही जाहिरात नाही, दुकानाचं नाव लिहिलेलं नाही.)

एकदा साबांनी अजिबात तूप न घालता रवा शिजवून तो पुरणजाळीतून घोटून पोळ्या करायला लावल्या होत्या मला. कणभरही तूप नाही, आणि तो चिट्ट चिकट गोळा पुरणजाळीतून काढून एकजीव करणं याने मी रडकुंडीला आले होते. आणि 20-25 पोळ्या होत्या, कमी नव्हेत! मी तेव्हाच ठरवलं की पुन्हा नाहीच.

१ दा ही खाल्ल्या नाहीत. पण शिरा घातलेल्या सांजोर्या खाल्यात, फार सुबक लागतात.
सांजा तिखट(उपमा) असतो ना.. सांज्याच्या पोळ्या का म्हणतात ह्या ला?

… . न कधी खाल्ल्या न कधी पाहिल्या.…

+ १

खव्याचे सारण भरलेल्या चाखल्या आहेत.

साटोरी चाखली आहे, त्याचे टेक्श्चर आवडले होते. ह्या साटोरीपेक्षा वेगळ्या लागत असणार चवीला.

रेसिपी अहो आईंना पाठवतो ही, असे नजाकतीचे काम त्याच करू शकतील.

किती सुंदर झाल्यात तुमच्या पोळ्या.. अप्रतिमच! मला खूप आवडतात आणि आता मुलालाही आवडतात. लहानपणी आई करायची आता बऱ्याच वर्षात घरी केलीच गेली नाहीये.. आता करून पाहते नक्की.. मुलुंडला एका पोळी भाजी केंद्रात उत्तम मिळतात पण त्या साखरेच्या असतात बहुतेक. माहेरी गेले की एकदा तरी आणल्या जातातच. आता गुळाच्या करूनच बघते लगेच आज उद्यात..

प्रज्ञा, बारीक रव्याच्या केल्या तर पुरण यंत्रातून काढाव्या लागत नाहीत. मी नेहमी बारीक रव्याच्या करते . शिरा कोमट असताना चांगलं मळून घेतले की सहज होतात पोळ्या.

फोटोतील पोळ्या अगदी सुरेख दिसतायेत.
हा प्रकार आमच्याकडे फार करत नाही.
बाकी गोड फार आवडत नसल्याने पुरणपोळी, सांज्याची पोळी, गूळ पोळी यांना माझा पास.
पण याबरोबर जे इतर चमचमीत पदार्थ असतात ते फार्फार आवडतात. जसे की कटाची आमटी, कुरडई, भजी, चटणी, लोणची......

पोळ्या एकदम मऊसूत दिसतायत.. पटकन एक तुकडा तोडून खावा असं वाटले. गोड खूप आवडते.. वेळ मिळाला कि करून बघेन.. कायी होळिगे ( खोबऱ्याच्या पोळ्या ) पण करून बघायच्या आहेत.

सुरेख पोळ्या ममो.
तोंडाला पाणी सुटले.

सुरेख दिसतायत पोळ्या .आईने एकदा केल्या होत्या आवडल्या होत्या . वरची रेसिपी वाचून कराव्याश्या वाटत आहेत.दुधापेक्षा नारळाच्या दुधाबरोबर मलापण जास्त आवडतात.

मस्त दिसतायत. मी खाल्ल्या आहेत, पण आता कार्ब + कार्ब + साखर + फॅट हे कॉम्बिनेशन मला मनालाच झेपेनासं झालं आहे.
पुरण/गुळाच्या पोळ्यांना निदान डाळ/तीळ वगैरेंची 'सेव्हिंग ग्रेस' असते असं वाटतं.

छान दिसतायत. मी कधी खाल्ल्या नाहीत, फक्त ऐकून आहे.