गंमतखेळः सवालजवाब

Oh तेरी असे आहे होय ते

महि म्हणजे पृथ्वी वाटलं मला.

घ्या!

ऋतुराज, बरोबर.

अमित, महि = पृथ्वीच आहे (जमिनीवर आपटल्यामुळे कानाला लागले).

जबरी कोडी आणि उकलही. काही येईना मला.

नाजुक नार पतिसह झोपे
अंगी अंग मिसळून
सारे जग हे जागृत असता
पती बसे खाऊन
पतिव्रता परि तिला बोलती
म्हणती सती महान
अशी कोण ती सांगा
किंवा जावे इथुन निघून

आर रेटेड कोडं आहे की हे तर.

तारा?

माधव, स्त्रीलिंगी करायला चांदणी म्हणता येईल.

इथे 'पतिव्रता परि तिला' वाचे पर्यंत मला 'पती बसे खाऊन' म्हणजे पतिदेव सारे जग जागे असताना चिप्स खाऊन सोफ्यावर बसून टीव्ही बघत आहेत असं व्हिज्युअल आलेलं डोळ्यासमोर.
म्हटलं पती खातोय तरीसुद्धा तिला पतिव्रता म्हणताहेत म्हणजे पतिव्रता टेस्टचे नियम काय असतील?

नाही. माधव यांनी एक लक्षण बरोबर ओळखले आहे.

कंदिलाची वात?

चंद्र?
सूर्यामुळेच प्रकाशमान असून दिवसा दिसत नाही म्हणून?

>>> पती बसे खाऊन
म्हणजे पती तिला खातो की ती पतीला, हे संदिग्ध आहे.

रात्रीच्या अंधाराच्या कुशीत तारा (चांदणी) असतो. (आता इथे सेम जेंडर म्यारेज आहे - ते चालवून घ्या)
तोच तारा (सूर्य) दिवसा मात्र अंधाराला खाऊन टाकतो.
तारा - पंच पतिव्रतांपैकी एक

असा अर्थ लावला मी.

सूर्य आणि रजनी?
दिवसा सूर्य तिला खातो/झाकोळतो.

मानव, बरोबर. कंदिलाचीच असं नाही, तेल असलेल्या कोणत्याही दिव्याची वात.
दिवा उजळुनी प्रकाश देतो
वात समज गे पत्नी
तेल पतीला जाळुन जगते
ऐक सतीची महती
तेल संपता वातही जळते
स्वतः होउनी सती

मस्त!

माझं उलट लॉजिक झालं कंदिल- वात
अरे, बरोबर आहे.
-------------
दिवसा कंदिल, चिमणीची वात आत ओढुन घेतात, म्हणुन पती खातो.

कुणीही द्या कोडं पुढचं. मला अशी कोडी माहित नाहीत.

ओह बरं बरं. बघा! तीच खाते आहे पतीला!

तीच खाणार. तिने खाल्लं तरी पण तिलाच पतिव्रता म्हणतात. त्याने तिला खाल्लं तरी तिला पतिव्रता म्हणायला नरसिंह अवतार घ्यायला लागेल
द्या पुढचं.

मी देऊ का? हे सवालजवाब मला माझ्या आईच्या खूप जुन्या डायरीत मिळाले.

हे सोपं आहे.

बालपणी जिस तीस वार
ती तारुण्यामधि चारच वार
वृध्दपणी हो साठ वार
अशी अन्नपाणी ना घेई नार

सावली?

बरोबर.
सूर्योदयी जी तीस वार
ती ऐन दुपारी चारच वार
सायंकाळी लांबत जाते
अशी अलौकिक छाया नार

मस्त!

मस्त.

सही!

असा कोणता आवाज आहे जो वर्षातल्या फक्त दोन महिन्यांत ऐकू येतो?

वारी.. जानेवारी फेब्रुवारी

थंडीचा - थंडी वाजतेय म्हणतो म्हणून.?

एकदाच आल्या आहेत पोस्टी तर बक्षीस विभागून द्यावे.

माझ्या डोक्यात ऐ हा स्वर (आवाज) होता - चैत्र आणि वैशाख!
(कॅलेन्डर हिंदू हे… )

पण ते स्पष्ट न केल्यामुळे ‘वारी’ (हा आवाज आहे?!) उत्तर ॲक्सेप्ट करू.