महाराष्ट्रातील राजकारण

उद्धव ठाकरे मुख्यमंत्री झाल्यापासून एकनाथ शिंदे अदृश्य शक्तीच्या सांगण्यावरून शिवसेना फोडायच्या उद्योगाला लागले. आता हे शिंदे ठाकरेंचेच होते. तसेच ते वाझेही ठाकरेंचेच. त्यांच्याशीही तेव्हाच अदृश्य शक्तीने वेशांतर करून संपर्क साधला नसेल कशावरून?
अँटिलाच्या बाहेर जिलेटिनच्या काड्या ठेवण्यामागचं आणि मनसुख हिरेनला मारण्यामागचं मोटिव्ह काय होतं?
या प्रकरणी फडणवीसांनी (विधानसभेत ?) भाषण करताना सचिन वाझेचाच या प्रकरणाशी संबंध आहे हे अगदी स्वतः प्रत्यक्षदर्शी साक्षीदार असल्यासारखं वर्णन करून सांगितलं होतं.

तेव्हा सचिन वाझे अडचणीत आला होता की कोणी त्याला चक्रव्यूहात पाठवलं होतं?

सुशांतसिंग प्रकरणात ५०-६० थियरीज आहेत - सलमान खान , रिया चक्रवर्ती, आदित्य ठाकरे. त्यात एक थियरी हेही ठाकरे सरकार अस्थिर करण्यासाठी घडवून आणलं अशी एक थियरी मांडायला काय हरकत आहे?

पालघर साधूंबद्दल बोलताना आमदार राम कदम किती भावुक झाले होते , बघा.
https://youtu.be/mUwX95okvj4?si=0dMRSPgQSLcbZnrn
या प्रकरणाच्या चौकशीबाबतही गंमतीजमती आहेत. जरा वेळाने लिहितो

पालघर साधू प्रकरणी काँग्रेस प्रवक्ते सचिन सावंत यांनी ऑक्टोबर अखेरीस एक पत्रकार परिषद घेतली होती . तिथे मांडलेले मुद्दे

पालघरमधील साधूंच्या दुर्दैवी हत्येचा तपास मविआ सरकारने केला होता. ही हत्या मुले पळविणाऱ्या टोळीच्या अफवेमुळे गैरसमजातून झाली हे स्पष्ट होते. मरण्यापूर्वी स्वतः साधूंनी त्यांना जमाव चोर समजत आहे हे पोलिसांना सांगितले हे प्रथम तपासणी अहवालात स्पष्ट नमूद आहे. गडचिंचले गावात दहा वर्षे भाजपा ची सत्ता असून आरोपींमध्ये काही भाजपाचे कार्यकर्ते होते असे असूनही भाजपाने मात्र या प्रकरणाचा राजकीय फायदा उठवण्यासाठी यामागे मोठे कारस्थान असल्याचा बोभाटा केला होता. मविआचे सरकार अनैतिक पद्धतीने घालवल्यानंतर एकनाथ शिंदे यांच्या नेतृत्वाखाली महायुती सरकारने ही केस सीबीआय ला सोपवली. धर्मवीर २ चित्रपटात महाविकास आघाडी सरकार पाडण्यासाठी ही घटना कारणीभूत असल्याचे दाखवण्यात आले आहे.

याच अनुषंगाने महायुती सरकारने ११ ऑक्टोबर २०२२ रोजी हे प्रकरण सीबीआयकडे देत असल्याचे सुप्रीम कोर्टात सांगितले. परंतु त्यानंतर जवळपास चौदा महिन्याच्या कालावधीनंतर ६ फेब्रुवारी २०२४ ला सरकारने त्याचा आदेश काढला. या आदेशान्वये तपास करावयाची कलमे चुकीची असल्याचा साक्षात्कार राज्य सरकारला त्यानंतर अजून सव्वा वर्षानंतर झाला. २२ मे २०२५ रोजी मुळ आदेशाचे शुद्धीपत्रक काढून कलमे बदलण्यात आली आणि या आदेश व शुध्दी पत्रकान्वये ८ ऑगस्ट २०२५ ला केंद्र सरकारने सीबीआयकडे हे प्रकरण सोपवण्यात आले. त्यानंतर १६ ऑक्टोबर २०२५ रोजी सीबीआयने पालघर मधील कासा पोलीस स्टेशनमध्ये नोंदवलेले तीन एफआयआर पुन्हा नोंदवले. सरकारने सीबीआयकडे हे प्रकरण देण्यात तीन वर्षे एवढा वेळकाढूपणा का केला, असा प्रश्न उपस्थित करून पालघर हत्या प्रकरणाची राजकीय गरज संपली आहे का, धर्मवीर -२ याचे उत्तर देतील का?

शिवसेना आणि राष्ट्रवादी काँग्रेस फोडून झाले. काँग्रेसमधले अनेक नेते आपलेसे केले. आता स्थानिक स्वराज्य संस्थांच्या निवडणुकांच्या तोंडावर भाजपने शिंदेसेनेतलेच नेते पळवायला सुरुवात केली. आजच्या मंत्रिमंडळ बैठकीवर शिंदेसेनेच्या मंत्र्यांनी बहिष्कार टाकल्याची बातमी आहे. एकटे शिंदेच हजर होते. हे सगळे मंत्री निवडणुकीच्या कामासाठी आपापल्या मतदारसंघात आहेत इति बावनकुळे.

पार्थ पवार प्रकरणात स्वतः महसूल मंत्री बावनकुळेंनीच स्टँप ड्युटी कशी लागते असा प्रश्न आपल्याच अधिकार्‍यांना विचारला.

दुसरीकडे बहुधा मनसेसोबत आघाडी तत्त्वांत बसत नसल्याने काँग्रेस मुंबई मनपा निवडणूकीत आघाडी करणार नाही.

भाजपचे मूळ समर्थक एकच प्याल्यातल्या सिंधूसारखे आहेत. नवरा कसाही वागू लागला तरी कशी या त्यजू पदाला? नवरा अट्टल दारुडा झाला, त्याच्यामुळे पोटचं पोर मेलं तरी त्याचा दोष तळीरामाला.
उद्या भाजपने पहलगामच्या दहशतवाद्यांना पक्षात घेतलं आणि डोंबिवलीतून उभं केलं तरी हे त्याला मत देतील.

अंजू, हे तुम्हांला उद्देशून नाही. तुम्ही भाजपच्या खटकलेल्या गोष्टींबद्दल किमान इथे लिहिता तरी!

सावंतवाडीहून भाजपने नगराध्यक्ष पदासाठी श्रद्धा सावंत भोसले यांना तिकीट दिलं. त्यांचे आजेसासरे भाजपचे आमदार होते आणि पती भाजप युवा मोर्चाचे प्रदेश उपाध्यक्ष आहेत.
भाजपचा घराणेशाहीला विरोध आहे.*

* अटी लागू.- घराण्याचे नाव गांधी नेहरू , यादव, असे काही असेल तरच विरोध.

त्या बाई मूळच्या गुजराती आहेत म्हणे.

भाजपचा घराणेशाहीवर आरोप

त्यांचा म्हणा. राजघराण्यातल्या आहेत.

अन्जू, ते तुम्हांला उद्देशून नाही, हे मी आधीच लिहिलंय.

--
लोकसत्तेच्या बातमीत म्हटलंय की मंत्रिमंडळ बैठक सुरू असताना शिंदेसेनेचे मंत्री मंत्रालयातल्याच अन्य एका दालनात बसून होते. आपले कार्यकर्ते , माजी नगरसेवक पळवणे आणि आपल्या खात्यांना निधी न मिळणे या त्यांच्या तक्रारी आहेत. ते फडणवीसांना भेटले तर कार्यकर्ते पळवायला तुम्हीच आधी सुरुवात केली असा त्यांनाच उलट दम मिळाला.

लोकांनी भाजपा महायुतीला मतदान केले तर मराठी माणूस मुंबईचा महापौर करेल हे खात्रीने सांगू शकते का असा प्रश्न आशिष शेलार यांना विचारला गेला. त्यावर शेलार म्हणाले की, बिल्कुल मुंबईचा महापौर हिंदू होणारच, भाजपाचा महापौर हिंदू असेल त्यावर पत्रकाराने मराठी माणूस होईल का असा प्रश्न उपस्थित केला तेव्हा मराठी आणि हिंदू वेगळा आहे का असा प्रतिप्रश्न शेलारांनी विचारला. परप्रांतीय भूमिकेला आम्ही मान्यता देत नाही. मुंबई मराठी माणसाची आहे आणि मुंबईत काम करणारा मुंबईकर आहे. त्यामुळे हिंदू महापौर बनेल असं सांगत त्यांनी मराठी माणूस हा उल्लेख टाळण्याचा प्रयत्न केला.
--
एकनाथ शिंदे अमित शहांकडे तक्रार घेऊन गेलेत की महाराष्ट्र भाजप विशेषतः रवींद्र चव्हाण पैसे देऊन आमचे नगरसेवक व स्थानिक नेते फोडत आहेत. # पन्नास खोके नॉट ओके?
--
काय हाटिल काय डोंगर काय झाडी फेम शहाजी बापू पाटील काय म्हणतात बघा

जनप्रतिनिधी - विशेषतः आमदार , खासदार तुमच्या कार्यालयात येतील तेव्हा उठून उभे राहावे, त्यांच्याशी नम्रपणे वागावे इ. सूचना असलेला जी आर महाराष्ट्र शासनाने काढला आहे.