मराठी कोडं - रंभा, मेनका आणि उर्वशी! - पुढची आवृत्ती!

चीकू मला वाटते "अमुक प्रश्नाचे उत्तर तू आमच्या भाषेतील अकारविल्ह्यानुसार आधी येणाऱ्या शब्दाने देणार का?"
या प्रश्नाने उत्तर अकारविल्ह्यानुसार आधी येणाऱ्या शब्दाचा अर्थ काय आहे यानुसार रंभा किंवा उर्वशीपुढे विरोधाभास निर्माण होतो.
ते कसे चालेल?
उदा. आधीचाच प्रश्न अ ला विचारला "ब मेनका आहे का याचे उत्तर तू आमच्या भाषेतील अकारविल्ह्यानुसार आधी येणाऱ्या शब्दाने देणार का?"

समजा ब ही मेनकाच आहे.
आणि त्याच्या भाषेतून शब्द आहेत उस आणि कूस.
समजा उस = हो, आणि कूस = नाही.

आता अ रंभा असेल तर ती उत्तर देईल "उस". कारण तो शब्द अकारविल्ह्यानुसार आधीही आहे आणि त्याचे होय असे उत्तर दोन्ही प्रश्नांचे योग्य उत्तर आहे.

पण उस चा अर्थ नाही असेल आणि कूसचा हो.
ब मेनका आहे का? उत्तर कूस.
याचे उत्तर अकारविल्ह्यानुसार आधी येणाऱ्या शब्दाने देणार का? उस आधी व कूस तर नंतर आहे. म्हणजे यासाठी नाही म्हणायला जावे "उस" उत्तर देऊन ते अकारविल्ह्यानुसार आधी येते. पण ते आधी येत असेल तर हो म्हणजे "कूस" म्हणायला पाहिजे. पण ते तर नंतर येते. विरोधाभास. ती उत्तर देऊ शकणार नाही.

हीच परिस्थिती अ उर्वशी असेल आणि उस = होय असताना येते.

चीकू या प्रश्नावर मी बराच खल केला आहे आधीच.
"तू मेनका आहेस का?"याचे उत्तर रंभा, नाही असे आणि उर्वशी होय असे देते.
"तू मेनका आहेस का याचे उत्तर तू होय असे देणार का?"
याचे उत्तर दोघीही नाही असे देतात.
तर "तू मेनका आहेस का याचे उत्तर तू नाही असे देणार का?" याचे उत्तर दोघेहीही हो असे देतात.
(थोडक्यात उत्तर ज्या अर्थी आहे का विचारले त्याच्या विरुद्धार्थी.)

प्रश्न: जर मी तुला तू मेनका आहेस असे विचारले तर त्याचे उत्तर तुमच्या भाषेत हो आणि नाही यांना जे शब्द आहेत त्यातील माझ्या भाषेतील अकारविल्ह्यानुसार आधी येणाऱ्या शब्दाने देणार का?

अ जर रंभा आहे:
अकारविल्ह्यात आधी येणारा त्यांचा शब्द होय या अर्थी असेल
तर ती नाही म्हणजे अकारविल्ह्यात नंतर येणारे कूस असे उत्तर देऊन प्रश्नाचे तिच्या स्वभावाला अनुसरून सत्य उत्तर देते.
पण अकारविल्ह्यात आधी येणारा त्यांचा शब्द नाही या अर्थी असेल तर ती उत्तर हो म्हणजे कूस असे द्यायला गेली तर ते तर अकारविल्ह्यात नंतर येते. आणि नाही म्हणजे उस असे उत्तर द्यायला गेली तर तर ते अकारविल्ह्यात आधी येते.
मग हा विरोधाभास नव्हे का, ती निरुत्तर होते.

माझे काही चुकतेय का यात?

जर हा विरोधाभास होत नाही असे तुम्ही कन्फर्म करत असाल तर मग तसे मानुन पुढे विचार करेन.

चीकू, ओके तो विरोधाभास नाही असे मानुयात.

तरीही माझ्या विचारांनुसार:
या प्रश्नाचे उत्तर रंभा किंवा उर्वशी अकारविल्ह्यानुसार नंतर येणाऱ्या शब्दानेच देणार.
पण मेनका काहीही उत्तर देऊ शकते.

जे उत्तर आले ते अकारविल्ह्यानुसार आधीचे आहे की नंतरचे हे आपल्याला कळायला मार्ग नाही.

मग या पहिल्या प्रश्नाच्या उत्तरावरून पुढला प्रश्न कुणाला विचारावा याची काहीच दिशा मिळत नाही.

तर आता तुम्ही तुमचा दुसरा प्रश्न काय ते सुद्धा सांगा.

चीकू मला सुटत नाहीये तरीही.
चीकू दुसरा प्रश्न कोणता आणि कोणाला विचारणार ते सुद्धा सांगा.

मी हा विचार करून झाला आहे. या प्रश्नांनी मला कोडे पूर्ण सुटले नाही.
यात जर ब ने दिलेले उत्तर अ ने दिलेल्या सारखेच असेल तर ब नक्कीच मेनका आहे, कारण रंभा व उर्वशी त्या मेनका नसल्याने विचारलेल्या अर्थाच्या विरुद्धार्थी उत्तर देतील, सारखे उत्तर मेनकाच देऊ शकते. मेनका कोण आहे हे कळले की दुसऱ्या कुठलीलाही एक प्रश्न विचारून ती रंभा आहे की उर्वशी हे कळते, दोन कोण हे कळल्या की तिसरी कोण हे कळते.

पण समजा वेगळे उत्तर आले.
त्यात दोन शक्यता:
१. ब ने दिलेले उत्तर हे अकारविल्ह्यानुसार दुसरे आहे: म्हणजे अ ने दिलेले उत्तर अकारविल्ह्यानुसार पहिले आहे. याचा अर्थ अ नक्कीच मेनका आहे. कारण ती रंभा किंवा उर्वशी असती तर तिने विचारलेल्या प्रश्नाच्या (अकारविल्ह्यानुसार पहिल्यांदा येणाऱ्या शब्दाने देणार का) विरूद्धार्थाने दिले असते. वरील प्रमाणे मग दुसऱ्या कुठलीलाही एक प्रश्न विचारून कोडे सुटते.

२. ब ने दिलेले उत्तर अकारविल्ह्यानुसार पहिले आहे:
याचा अर्थ अ ने अकारविल्ह्यानुसार दुसरे उत्तर दिले होते.
म्हणजे ती रंभा-उर्वशी किंवा मेनका कुणीही असु शकते.
आणि ब ने अ सारखे उत्तर न दिल्याने ती सुद्धा रंभा-उर्वशी किंवा मेनका कुणीही असु शकते.

प्रश्न१: अ ला. समजा उत्तर आले "ख".

आपल्याला माहीत नाही की "ख" अकारविल्ह्यानुसार पहिले आहे की दुसरे.
मेनका कुठलेही उत्तर देऊ शकते. अकारविल्ह्यानुसार पहिले अथवा दुसरे.

प्रश्न २: ब ला "तू मेनका आहेस का याचे तुझे उत्तर "ख" आहे का"?
"ख" हेच उत्तर आले तर ब मेनका आहे.

आता दुसरा शब्द "क" असु शकतो किंवा "ग".
"क" हा अकारविल्ह्यानुसार "ख" च्या आधी आहे, "ग" हा नंतर आहे.

उत्तर "ग" असे आले. तर अ चे "ख" उत्तर हे अकारविल्ह्यानुसार आधी आहे. म्हणजे अ मेनका आहे.

उत्तर "क" आले. म्हणजे अ चे "ख" हे उत्तर अकारविल्ह्यायानुसार दुसरे आहे. मेनका काहीही उत्तर देत असल्याने ती सुद्धा ख असे उत्तर देऊ शकते. ती क असेच उत्तर का बरं देणार?

चीकू, मेनका मी सत्य बोलणार की असत्य हे आधी ठरवते आणि मग प्रश्नाचं उत्तर देते हे काही पटले नाही. ती प्रश्न आला की तिच्या स्वभावानुसार त्याचं मनाला येईल ते कधी सत्य आणि असत्य उत्तर देईल.
तू मेनका आहेस का? होय. याच तू उत्तर अमुक असं देणार का? देईन किंवा नाही पण. आता माझ्या आलं हो, दिलं हो.
हाच प्रश्न परत परत विचारला, तर मनात आलं तेव्हा याच प्रश्नाचं उत्तर कधी हो देईन , कधी नाही देईन,प्रत्येकवेळी हो देईल आणि प्रत्येक वेळी नाही असे सुद्धा देईन.

जर मेनका पुढे प्रश्नकर्ता आला की आधी ठरवते मी आता सत्य बोलणार की असत्य आणि मग प्रश्न त्या घेतलेल्या रोल प्रमाणे प्रोसेस करून उत्तर देत असेल तर मग या सर्वच आवृत्तीच्या कोड्याला विशेष अर्थ रहात नाही.

त्यात आवृत्ती १
त्या उत्तर आपल्याच भाषेत देतात: होय/नाही
तू मेनका आहेस का याचे उत्तर हो आहे का?
मेनका नेहमी होय असेच उत्तर देणार.

आवृत्ती२: त्यांच्या भाषेत आर/पार शब्द आहेत.
तू मेनका आहेस का याचे उत्तर आर आहे का?
मेनका नेहमी आर असेच उत्तर देणार.

एका प्रश्नात मेनका कबूल करतेय मी मेनका आहे, आणि कितीही वेळा विचारा तेच उत्तर.

मानव यांच्या विचारांशी सहमत. मीसुद्धा विचार करताना मेनकेचे उत्तर हे प्रश्न विचारण्यापूर्वीच तयार असते असे समजून विचार केला होता. तीचे उत्तर कोणत्याही प्रकारे प्रेडिक्ट करता येत नाही असे मी समजून होतो.

मेनका आधीच आपला रोल ठरवत असेल तर आधीच्या आवृत्तीचं उत्तर 'नक्की कोण मेनका नाही शोधणं आणि पहिल्या प्रश्नाचं उत्तर विचारलंय त्या अर्थीच (उदा. याचे तुझं उत्तर आर आहे का, याचे आर उत्तर असे) आले असताना क नक्कीच मेनका नाही असा निष्कर्ष काढणं हे सुद्धा' काना मागुन घास घेतल्या सारखे होईल. कारण मेनका आधीच आपला रोल ठरवत असेल तर आर उत्तर आलं याचा अर्थ ब नक्कीच मेनका आहे असा सरळ निष्कर्ष बिघतो आणि मग पुढल्या एका प्रश्नात कोडे सुटते. तुम्ही त्या दिलेल्या उत्तरात ही शक्यता गृहीत धरली नाहीय. पार उत्तर आले तर मात्र क मेनका नाही हाच एक निष्कर्ष निघतो आणि पुढे दोन प्रश्न लागतील.

आणि मेनका आधीच आपला रोल ठरवत असेल तर सोपा मार्ग मग होतो रंभा कोण आहे हे शोधणे.
अ ला प्रश्न: ब रंभा आहे का? याचे तुझे उत्तर आर आहे का?
आर उत्तर आले तर ब नक्कीच रंभा आहे, तिला पुढला प्रश्न विचारुन कोडे सुटेल.
पार उत्तर आले तर ब नक्कीच रंभा नाही.
मग पुढला प्रश्न अ लाच क रंभा आहे का याचे तुझे उत्तर आर आहे का?
आर उत्तर आले क नक्कीच रंभा आहे तिला तिसरा प्रश्न विचारून कोडे सुटते.
पार ऊत्तर आले क नक्कीच रंभा. ब पण नाही. म्हणजे अ च रंभा आहे, तिला तिसरा प्रश्न विचारुन कोडे सुटते.

हेच नव्या आवृत्तीला लागु:
प्रश्न१ अ ला: ब रंभा आहे का, याचे तुझे उत्तर आमच्या भाषेतील अकारविल्ह्यानुसार आधी येणाऱ्या तुमच्या शब्दाने देणार का?

समजा त्यात उत्तर आले ख. याचा अकारविल्ह्यानुसार कुठला क्रम आपल्याला माहीत नाही. दुसरा शब्द क (अकारविल्ह्यानुसार ख च्या आधी) किंवा ग असु शकतो (अकारविल्ह्यानुसार ख च्या नंतर).

प्र२ अ ला : क रंभा आहे का याचे तुझे उत्तर ख आहे का?
उत्तर ख आले (ज्या अर्थी उत्तर आहे का त्या अर्थीच आले) तर क नक्कीच रंभा आहे, तिसरा प्रश्न तिला विचारुन कोडे सुटते.

उत्तर ग आले. म्हणजे अ चे आधीचे उत्तर अकारविल्ह्यानुसार आधी असणाऱ्या शब्दाने होते म्हणजेच ज्या अर्थाने उत्तर आहे का विचारले होते, त्या अर्थानेच. म्हणजे ब नक्कीच रंभा आहे तिला तिसरा प्रश्न विचारून कोडे सुटते.

उत्तर क आले: याचा अर्थ दुसऱ्या प्रश्नाचे उत्तर विचारले त्याच्या विरुद्धार्थी आले, क नक्कीच मेनका नाही.
आणि आधीचे ख उत्तर अकारविल्ह्यानुसार दुसरे आहे म्हणजे ते ही विचारले त्याच्या विरुद्धार्थी म्हणजे ब सुद्धा नक्कीच रंभा नाही. अ हीच रंभा आहे. तिला तिसरा प्रश्न विचारून कोडे सुटते.

हे कोडे संपले असेल तर नवीन येऊ द्यात. विचार करायला मजा येते.

चीकू मजा आली पण डोक्याला ताप द्यायला.
आता दुसरे द्या आणि मग गॅप देऊन परत ताप देणारे.