मराठी कोडं - रंभा, मेनका आणि उर्वशी! - पुढची आवृत्ती!

दुसरा प्रश्न हा मेनका नसणारीला विचारायचा आहे. जे पूर्वीच्या कोड्यात पहिल्या प्रश्नाच्या उत्तरावरून कळते. पण नवीन कोड्यासाठी पहिल्या प्रश्नाच्या उत्तरावरून कोण मेनका नाही हे कळत नाही.

>>मी जर तुला विचारलं की ही अप्सरा (ब कडे निर्देश करून) मेनका आहे का, तर तुझं उत्तर आर असेल का?<<
टेक्नीकली, हे दोन प्रश्न आहेत. या बेसीस वर पुढचं लॉजीक बाद...

टेक्नीकली, हे दोन प्रश्न आहेत. या बेसीस वर पुढचं लॉजीक बाद... >>>> नाही, ते उपप्रश्न आहेत. मुख्य प्रश्न एकच आहे. असे कितीही उपप्रश्न एकत्र करून त्यांचा एकच प्रश्न बनविता येतो.

हो.
उत्तर सांगा म्हणे पर्यन्त सांगु नका.

बऱ्यापैकी माथेफोड करून झाली आणि बऱ्यापैकी बाकी आहे.
दुसऱ्या प्रश्नात ही नक्कीच मेनका आहे हे कळायला हवे या दिशेने प्रयत्न सुरू आहेत.
मी आता पर्यन्त काय काय विचार केला आणि त्यात कुठं घोडं अडतंय हे नंतर इथे लिहीन, एकमेका साह्य करून कोणी सोडवले तर यासाठी.

आतापर्यन्तचा आढावा जो पुढे आपल्याला उपयुक्त ठरेल अथवा मला पुढील कोडे सुटले तर त्याचे स्पष्टीकरण द्यायला उपयुक्त ठरेल:

समजा अप्सरा रांगेत अशा क्रमाने आहेत : अ, ब, क

आपण अ ला प्रश्न विचारला: " 'ब मेनका आहे का?' याचे तुझे उत्तर होकारार्थी आहे का?"
जर याचे उत्तर जसे विचारल तसेच - म्हणजे इथे होकारार्थी - आले तर क नक्कीच मेनका नाही.
आणि याचे उत्तर जसे विचारले त्याच्या विरुद्ध आले - म्हणजे इथे नकारार्थी- तर ब नक्कीच मेनका नाही.
--------------

आणि
आपण अ ला प्रश्न विचारला: " 'ब मेनका आहे का?' याचे तुझे उत्तर नकारार्थी आहे का?"
जर याचे उत्तर जसे विचारले तसेच - म्हणजे इथे नकारार्थी - आले तरी क नक्कीच मेनका नाही.
आणि याचे उत्तर जसे विचारले त्याच्या विरुद्ध आले - म्हणजे इथे नकारार्थी - तरी ब नक्कीच मेनका नाही.

धन्यवाद चीकू.
माझ्या आधीच्या पोस्टवरून पुढे:
"'ब मेनका आहे का?'याचे तुझे उत्तर अमुक अर्थी आहे?"
असा प्रश्न विचारला तर रंभा आणि उर्वशी दोघीही एक तर त्याच अर्थी उत्तर देतात आणि तेव्हा क नक्कीच मेनका नसते.
किंवा दोघीही अमुकच्या विरुद्धार्थी उत्तर देतात तेव्हा ब नक्कीच मेनका नसते.
मेनका केव्हाही काहीही उत्तर देते.
जर आपण वरील प्रश्न अ ला दोन वेळा विचारला तर ती रंभा किंवा उर्वशी असेल तर दोन्ही वेळेला सारखेच उत्तर देइलच. उत्तर वेगळे आले याचा अर्थ ती मेनका आहे.
---------------------------------------

तर माझे आतापर्यंतचे (पूर्ण बरोबर नसलेले) उत्तर:

प्रश्न१: अ ला. "'ब मेनका आहे का?' याचे तुझे उत्तर होकारार्थी आहे का?"

आता अ त्यांच्या भाषेत काहीतरी उत्तर देईल समजा "साम".
आता साम म्हणजे होय किंवा नाही आपल्याला माहीत नाही.
सामचा अर्थ होकारार्थी असेल तर क नक्कीच मेनका नाही. नकारार्थी असेल तर ब नक्कीच मेनका नाही.
जर पुढे असे निदर्शनास आले की क नक्कीच मेनका नाही तर साम = होय,
किंवा पुढे असे निदर्शनास आले की ब नक्कीच मेनका नाही तर साम = नाही.

प्रश्न २: परत अ लाच: "'ब मेनका आहे का?' याचे तुझे उत्तर साम असे आहे का?"

आता आपण ज्या अर्थी आधी त्यांचे उत्तर आले त्याच अर्थी परत प्रश्न विचारला आहे.
अ जर रंभा किंवा उर्वशी असेल तर ती परत तेच उत्तर देईल.
मेनका असेल तर मात्र ती वेगळ्या शब्दात उत्तर देऊ शकते.
प्रश्न२ मधील परिस्थिती१: उत्तर वेगळे आले समजा "दाम".
याचा अर्थ अ नक्कीच मेनका आहे. कारण तीच त्याच अर्थी विचारलेल्या प्रश्नाचं उत्तर वेगळं देऊ शकते.
मग प्रश्न ३ ब ला : तू रंभा आहेस का याचे तुझे उत्तर साम असे आहे का? साम उत्तर आले तर ब रंभा आणि क उर्वशी. दाम उत्तर आले तर ती उर्वशी, ब उर्वशी क रंभा.

प्रश्न२ परिस्थिती २: समजा प्रश्न २ चेही उत्तर साम असेच आले.
याचा अर्थ १. क नक्कीच मेनका नाही.
२. क नक्कीच मेनका नाही याचा अर्थ आपण पहिला प्रश्न जो विचारला होता त्याचे उत्तर ज्या अर्थी विचारला (होकारार्थी) त्याच अर्थी आले असले पाहिजे. म्हणजेच साम=होय.

तर आता आपल्याला क ही नक्की मेनका नाही हे माहीत आहे आणि साम = होय हे माहीत आहे (म्हणजेच दुसरा त्यांचा जो शब्द असेल त्याचा अर्थ नाही असा आहे.).
आणि आपल्याकडे आता एकाच प्रश्नाची संधी आहे ओळखायला.
इथं सध्या घोडं अडलंय.

यावरून कुणाला पुढे किंवा वेगळेच काही सुचते का बघा.
मी पण या किंवा वेगळ्या दिशेने प्रयत्न करेन.

मी पण प्रयत्न करतो

ओके चीकू.

>>पहिले दोन प्रश्न विचारल्यावर मेनका कोण आहे हे नक्की कळतं.>> हं, इंटरेस्टींग. मी काहीतरी मिस करतोय.
परत प्रयन्त करत आहे.

अद्याप नको. २४ तासांनी द्या.

सुटले नाही, दोन प्रश्नांत नक्की मेनका कोण हे ओळखणे जमले नाही.
तर द्या मोठी हिंट.

सध्या एव्हढीच हिंट राहु द्या.
लागेल तेव्हा मोठी हिंट विचारेन.

खूप कठीण कोडं
माझं डोकं नाही चालत.

एवढंच कळालं एखादं टपोरी पोरगं असतं प्रधानच्या ऐवजी तर तिघीनां जे1 झालं का विचारत बसलं असतं

सॉरी पण मला उत्तर अजिबात कळेना.
म्हणून टिपी

मी आता पर्यँत विचार केला त्यानुसार:
जर त्या माहितीतल्या भाषेत उत्तर देणार असतील तर:
आपण एका प्रश्नात फक्त एवढी माहिती काढु शकतो की अमुक एक नक्कीच मेनका (किंवा रंभा किंवा उर्वशी) नाही. या पेक्षा जास्त माहिती पहिल्या प्रश्नात मिळेल असा प्रश्न मला सुचला नाही.
तेव्हा दोन प्रश्नात जर मेनका नक्की कोणती हे शोधाचे असेल तर पहिल्या प्रश्नात एक नक्कीच मेनका नाही कळले पाहिले आणि दुसऱ्या प्रश्नात दुसरी नक्कीच मेनका नाही हे कळले पाहिजे म्हणजे तिसरी नक्कीच मेनका आहे.
पहिला प्रश्न अ ला विचारल्यावर आपल्याला समजा कळले की ब नक्कीच मेनका नाही. तर दुसरा प्रश्न (अजुन कोण नक्कीच मेनका नाही हा) आपल्याला ब लाच विचारावा लागतो म्हणजे त्यावरून आपल्याला अ किंवा क नक्कीच मेनका नाही हे कळते. त्या ऐवजी आपण तो प्रश्न जर क ला विचारला तर अ नक्कीच मेनका नाही किंवा ब नक्कीच मेनका नाही असे कळु शकते. अ मेनका नाही कळले तर ठीक पण जर परत ब नक्कीच मेनका नाही कळले तर आपल्याला दोन प्रश्नात फक्त ब नक्कीच मेनका नाही एवढीच माहिती मिळेल आणि तीन प्रश्नात कोडे सुटणार नाही. तेव्हा आपल्याला त्या होय/नाही भाषेत किंवा मूळ कोड्या सारख्या आर/पार या भाषेत उत्तर देणार असतील तर आपण दुसरा प्रश्न नक्की मेनका नसणारीला विचारू शकु.

आणि आपल्याला त्यांच्या भाषेतले शब्द माहीत नसतील तर दुसरा प्रश्न आपण पहिल्या प्रश्नावरुन कळलेल्या मेनका नसणारीलाच खात्रीने विचारू शकत नाही.
(आणि हे बूलियन अल्जेब्रा कोडे असल्याने निरुत्तर करणारा प्रश्न तर चालणार नाही.)

तेव्हा काय उत्तर असेल याची खूप उत्सुकता आहे, तरी पण तुम्ही म्हणता ती मोठी हिंट द्या. बघतो त्यावरून काही सुचते का.

आपण पहिला प्रश्न एकीला विचारला, आणि मग त्याचे उत्तर काहीही येवो त्यावर अवलंबून न राहता दुसरीला दुसरा प्रश्न विचारला आणि मग दोन उत्तरांच्या आधारे नक्की कोण मेनका (किंवा रंभा किंवा उर्वशी) आहे हे कळले तरच हे कोडे सुटेल.
म्हणजे आधी त्या आपल्याच साध्या होय/नाही या भाषेत उत्तर देत असतील तरीही अशा प्रकारे कोडे सुटायला हवे.
तसे सुटले तरच नविन आवृत्तीतले कोडे सुटेल.

मी "अमुक प्रश्नाचे उत्तर तू आमच्या भाषेतील अकारविल्ह्यानुसार आधी येणाऱ्या शब्दाने देणार का?" (आणि पुढल्या प्रश्नात अकारविल्ह्यानुसार नंतर येणाऱ्या शब्दाने देणार का) अशा प्रकारच्या कॉम्बिनेशन प्रश्नांचा विचार केला.
पण वरील पोस्ट मध्ये म्हटलेले लॉजिक बसेल असे उत्तर अथवा दिशाही मिळाली नाही.

तेव्हा आता तुमचा पहिला प्रश्न द्यावा.