वृत्तान्त - अमितव गटग -ठाणे -११ मे

निम्म्याहून अधिक मंडळी कविताप्रेमी असल्याने अधूनमधून कवितांचा विषय निघत होता.
त्यावर मी दरवेळी 'मी कवितांपासून चार हात लांब असते' हे माझं तुणतुणं वाजवत होते.

ऋतुराजचं कामाचं क्षेत्र, कामाचं स्वरूप याबद्दलच्या गप्पा हा कालचा हायलाईट पार्ट होता. बरीच नवी माहिती मिळाली.

माझेमन, ये-जा केलेलं आवडेल. अहोजाहो नको, (आंटी मत कहो ना चालीवर वाचावे :हाहा:)

आंब्याची पेटी वि. वाजवायची पेटी, वाजवायची पेटी कॅनडाला कशी न्यायची, पेटी फोल्ड कशी करतात (फोल्ड होणारी पेटी - यावरून 'पूर्वी हे नव्हतं, स्वातंत्र्यपूर्व काळात....' असा माझा चेहरा झाला होता) - हा पण एक टॉपिक झाला.

हेडर मधलं अवघड text बघून गप बसले होते.
धागा आल्याबरोबर पाहिला होता मी
.
छान झालंय गटग
वृत्तांत मस्त
सगळे photo एकदम refreshing आणि प्रसन्न.
.
स्वगत: पुणे gtg ला ह्यापेक्षा जास्त मेंबर आणावे लागणार तर.>>> हे दडपण च आता...
पुणेकरांनो इथे सुद्धा सांगून ठेवतेय.
यायचं आहे गटग ला नक्की.
तारीख : १८मे, रविवार
वेळ : सकाळी नऊ वाजून २० मिनिटे.
मला किंवा वाड्यावर कुणालाही संपर्क करा विपु/ई-मेल करून.
.

मुंबईकर उत्साही म्हणून आधीच performance pressure देत असतात गटग च्या बाबतीत.
आपल्याला आणखी दणक्यात गटग करायचा आहे
.
पुणे गटग चा धागा काढला आहे
कोण कोण येणार सांगा तिकडे जाऊन
https://www.maayboli.com/node/86705

यातल्या कुणालाही प्रत्यक्षात भेटलेलो नसलो तरी एकदा फोटोत कोण कोण आहे कळल्यावर त्यातले कोण म्हणजे कोण असेल याचा अंदाज बरोबर ठरला!!

माझेमनने छान सविस्तर वृत्तांत लिहिलाय.

अरे वा मस्तच. एकदमच मोठ्ठे गटग झालेले दिसते!

मग या भरत शनिवारी पुण्यात. लापी समजा ही पुणेकरांची

वृत्तांत - वृत्तान्त शब्दातील चूक सुधारून येते. धन्यवाद भरत. त्यासाठी तुम्ही हे गटग योजिले होते की काय वाटते आहे.

आलेच.

माझ्या नावापुढे सर लावलेल्या आणि यापुढे लावणार्‍यांचा घाऊक निषेध आणि अनुल्लेख. Angry <<
हे विधान मी ही उसने घेऊन +1 म्हणतो.

तर आम्ही (अनेकवचन) बोरिवलीहून दादर , ठाणेच कशाला पुण्यालाही येऊ की Wink <<
अरे वा.. पुण्यालाही जाताय तर..

मनीमोहोर या दिसण्याबोलण्याहसण्यात माझ्या एका मावसबहिणीच्या डिट्टो कॉपी आहेत. त्यांनी या गटगची आठवण बरेच दिवस राहील याची सोय करून दिली. डिट्टो अ'निरु'द्ध यांच्यासाठीही. <<

डिट्टो अ'निरु'द्ध यांच्यासाठीही. -- हे काही कळलं नाही.
तुम्ही त्यांना मावसबहिणीचा फोटो दाखवलात. मला माझ्यासारख्या कोणाचा फोटो दाखवला नाहीत किंवा तसं काही बोलणंही झाल्याचं आठवत नाहीये.
की उपरोक्त वाक्गंगौघात अशी काही चर्चा झाल्याचं माझ्या काना-मनातून वाहून गेलंय ??

मस्त वृ आणि फोटो

मी मिस केले. ट्राय करेन म्हंटल होतं पण तरी जमणं कठीण हे एकीकडे माहिती होतं. पुन्हा योग असेल तर भेट होईलच तोपर्यंत व्हॉ ॲ गृपवर भेटत राहू (गृप सोडत नाहीस तोपर्यंत :P)

(दादर मला जवळ होतं हा प्लीज नोट पण ठाणे सगळ्यांना कॉमन सोयीच ठिकाण होतं हे मात्र बरोबर)

@लले, ते एक सोबो गटग कधीचं पेंडींग आहे त्याच काय ते घे एकदा मनावर.

अरे वा मस्तच गटग झालं कि.
कोण कोण आहे हे माहिती नसल्याने कोण कोण आहे हा अंदाज बांधण्याचे टाळले.
ऋतुराज आणि झकासराव यांच्यात नेहमीच कन्फ्युजन होतं. इथे झकासराव यांचे नाव नसल्याने ते ऋतुराजच असावेत.

भारी झालेलं दिसतंय की गटग! चट् मंगनी/मन्गनी पट् ब्याह!
मायबोलीवर गटगंचा सीझनच आल्यासारखं वाटतंय.

बाकी वृत्तांत/वृत्तान्त संदर्भात असहमती नोंदवून ठेवते, म्हणजे मलाही गटगमध्ये सहभागी झाल्याचा थोडासा आनंद मिळेल.
अंत शब्द अन्त असा लिहीत नाहीत, मग देहान्त/ वेदान्त असं लिहायची सक्ती असू नये.
वृत्तान्त असं लिहायची त्याहून असू नये - हा काही वृत्ताचा 'अन्त' नाही.
खेरीज शब्दकोशांत दोन्ही प्रकारे लिहिलेला दिसतो आहे हा शब्द.

मंजूडी शेवटच्या फोटोत निराळीच दिसते आहे.
ओह, ती सावली आहे का!

स्वाती आणि भरत, तुम्ही 'गंगाराम आणि गाढव' गोष्टीची आठवण करून देत आहात. मी एकदा बदलून झाले.

भरत, चालेल.

अस्मिता, तुला तरी किती घाई!

अमितव भारतात यायच्या आधीच आमची मेलामेली झाली होती आणि व्हाॅटस्ॲप नंबर्सचीही देवघेव झाली होती.

शनिवारी संध्याकाळी अमितव यांचा रविवारी भेटायचं ठरतंय असा निरोप आला. ठिकाण दादर ठरत होतं आणि ऋतुराज, कविन यांना जमत होतं.

तेवढ्यात ऋतुराजचा निरोप आला की रविवार संध्याकाळचं गटग ठरतंय आणि ठिकाण दादर किंवा बोरिवली असणार आहे.
नंतर प्रत्यक्ष फोनवर संभाषणही झालं त्यात त्याची वेगवेगळ्या माबोकरांसोबत चर्चा चालू असून जागांची टोलवाटोलवी चालू असल्याचंही कळलं.
अमितवही स्वतंत्रपणे चर्चा करत असल्याचंही कळलं.
त्यात माझेमन आणि भरत ही नांवं ॲड झाली होती.
मी, मी कुठेही यायला तयार आहे, ठरलं की कळव असा निःसंदिग्ध होकार देऊन मोकळा झालो.
नंतर काहीच निरोप न आल्यामुळे ‘काय अपडेट्स’ या विचारणेवर ‘उद्या संध्याकाळ, टेंटेटिव्हली दादर’ असं कळलं.

त्याच रात्री तिन्ही रेल्वेमार्गांवर रविवारी मेगाब्लाॅक असल्याची सुवार्ता कळली ती साहजिकच ऋतुराजला फाॅरवर्ड केली कारण दहिसर, बोरिवलीचे माबोकरही ॲड होत होते.

अमितवना ऋतुराजबरोबर संपर्कात आहे, हे कळवलं होतंच.

दुसर्‍या दिवशी पत्नी आणि मुलीने ब्रेकफास्टला बाहेर जायचंय हा फतवा काढला.
मी ठाणे क्लबमधलं ViVi सुचवलं ते एकमताने फायनल झालं.
८.३० ला ViVi मधे स्थानापन्न झाल्यावर, काय मग.. कुठपर्यंत आलंय तुमचं गटगचं.. अशी विचारणा झाली.

तोच प्रश्न मग ऋतुराजला विचारल्यावर, अजून काही ठरलं नाही, सांगतो…असं उत्तर आलं.

ViVi चा अँबियन्स पहाता, ठाणेकरांची वाढती संख्या पहाता आणि दहिसरवाल्यांना, क्या दादर क्या थाना..
असा विचार करुन ViVi चे बसल्या जागेवरुन काही फोटो घेतले आणि ऋतुराजला पाठवले..

म्हटलं, By Chance ठाण्याला भेटायचं ठरलं तर हे ठिकाण चालेल का ?
एसीही आहे, कदाचित निवांतपणाही मिळू शकेल.. अगदी माॅलसारखी गर्दी न व्हावी..
Pool Side हा बोनस..

तासाभरातच त्याचा ठाणे, संध्याकाळी ६.०० आणि हेच रेस्टॉरंट फायनल झाल्याचा निरोप आला.

मग ह्या दोन टेबल्सचं बुकिंग करुन ॠतुराज आणि अमितवना कळवलं..

बाकी तिथे काय बोलणी झाली ती बाकीच्यांच्या वृतान्तात आलेलं आहेच.

हा एक निघता निघता तरणतलावाच्या पल्याडहून काढलेला फोटो..

निरू, त्या वेटरला प्रत्येक फोटो मध्ये इंटिरिअर आलंच पाहिजे ही त्याच्या मॅनेजरने शिकवण दिली असणार बहुतेक

विवि गटग वृत्तान्त : १
काही दिवसांपूर्वी अमितव यांनी वाड्यावर "मे महिन्यात भारतभेटीस येणार आहे, तेव्हा मुंबई-ठाण्यात आणि पुण्यात गटग करूयात" असे सुचवले होते त्याला मुंबईसाठी मी, माझेमन आणि निरुदा यांनी अनुमोदन दिले होते. मग गुरुवारी-शुक्रवारी भारतात येण्यासाठी निघाल्याची बातमी पण वाचली. पण लगेच पोचल्या पोचल्या गटग ठरेल असे काही वाटले नव्हते त्यामुळे अमितवला मी निवांत फोन / मॅसेज करणार होतो. शनिवारी आमच्या घरचा सालाबादप्रमाणे लालबागवरून मसाला कुटून आणला, सोबत आई आणि बायको असल्याने डोक्याचा वेगळा कुटाणा झाला होता. त्यामुळे संध्याकाळी घरी येऊन चहा घेतो न घेतो तोच अमितवचा मेसेज पाहिला. रविवारी शिवाजी मंदिराला "असेन मी नसेन मी" नाटकाला चाललोय भेटायला जमेल का? मी म्हटलं हो, आणखी कोणकोण येतंय तर कळलं मीच पहिला भिडू. मग माझेमन येणार म्हणून त्यांचा कॉन्टॅक्ट आहे का विचारले, तर तो माझ्याकडे नव्हता. मग अनिरुद्ध यांना मेसेज केला. एका वविच्या ग्रुपवर विचारलं कोण कोण येतंय म्हणून, तर कविनला दादरला जमणार होते. रविवार संध्याकाळ, दादर नक्की झाले. निरुदाशी बोलणे झाले.
रविवारी सकाळी निरुदांनी विवि चे फोटो टाकले. एवढी भारी जागा पाहून मी लगेच अमितवला फोटो पाठवले कि ही जागा ठाण्यात आहे. तोवर भरत, ललिता-प्रिती आणि ममोताई पण येणार होत्या मग दादर सोडून ठाण्याच्या विविला संध्याकाळसाठी जागा बुक केली. अजूनही माझेमनचा कॉन्टॅक्ट झाला नव्हता. संध्याकाळी पाच वाजता ठाण्याला जायला निघालो, फाउंटन जवळचे ते दळभद्री ट्राफिक नव्हते म्हणून आनंदी होतो. तेवढ्यात मला फोन आला "हॅलो, ऋतुराज का? मी माझेमन". अमितवने त्यांना माझा नंबर दिला होता कि दहिसरवरून एकत्र या म्हणून, पण मी आधीच निघालो आणि मग माझेमन थोडा वेळात निघाल्या. जरा डुलका काढावा म्हटलं तर कधी नव्हे ते ड्रायवर स्वतःहून गप्पा मारायला लागला. तो अगदी गजराज राव सारखा दिसत होता. डिट्टो. युद्ध संपलं का? झेलमच पाणी सोडलं का? ठाणे बोरिवली बोगद्याचे काम सुरु झालं का? मला काय विचारतोय ... मग म्हटलं मै जरा सोता हूं तर उलट म्हणे असे तिन्हीसांजेला झोपू नये.... मग त्याने पंपावर गाडीत गॅस भरून घेतला. तरीही अगदी वेळेत पोचलो. तीन हात नाक्याजवळच्या ठाणे क्लब मध्ये हे विवि बिस्ट्रो आहे. बाजूला तरण तलावाचे निळेशार पाणी,आत सुंदर सजावट, उत्तम प्रकाशयोजना आणि ते सांद्र का काय ते संगीत. त्यामुळे आपण भारी जागेत आलोय याची खात्री पटली. लगेच नुसत्या जागेचे दोन चार फोटो काढून घेतले. तोवर निरू आलेच होते. आम्ही जे टेबल बुक केलं होत त्यावर बऱ्याच साळकाया माळकाया बसल्या होत्या, त्या काही हटेनात, मग आम्हाला दुसरीकडे तसेच टेबल लावून दिले. जागेची निवड अगदी उच्च आणि भारी होती - ऑल क्रेडिट टू निरुदा. लगेचच अमितव, भरत आणि ललिता-प्रिती आले. नमस्कार चमत्कार झाले इतक्यात ममो ताई आल्या. आता सगळे एकदम गप्पा मारायला सज्ज झाले.

II इति विवि गटग वृत्तान्त प्रथमोध्याय: समाप्त II

निरू, त्या वेटरला प्रत्येक फोटो मध्ये इंटिरिअर आलंच पाहिजे ही त्याच्या मॅनेजरने शिकवण दिली असणार बहुतेक Proud <<
असणारच बहुतेक..
आपले सगळ्यांचे फोटो वेटरने काढलेयत. पण सकाळचे जागेचा प्रपोगंडा करणारे फोटो मी काढलेले आहेत..

ॠतुराज, भारी चाललाय वृतान्त.
पहिल्या अध्यायावरुनच कल्पना आली.
आपल्या भगवद्गीतेत १८ अध्याय आहेत हे तुलाही माहिती असेलंच..

अरे मस्त झालेलं दिसतंय गटग. जागाही छान वाटते आहे.
अमित, भरत, निरु सर, माझेमन आणि ऋतू - खूप भारी लिहिले आहेत वृत्तांत. मजा आली वाचायला.

धाग्याच्या हेडर मधली टीप २ आवडली

वाह सुरेख जागा आहे.

सर्वांच्या पोस्टसही खुसखुशीत.

@लले, ते एक सोबो गटग कधीचं पेंडींग आहे त्याच काय ते घे एकदा मनावर. >>> मी याचीच वाट बघत होते

रोज रात्री किमान अर्धा तास पुस्तक वाचायचं हा तिच्याकडून शिकलेला धडा मी आजपासून आचरणात आणायचा प्रयत्न करेन >>> वा! आगे बढो...
तो व्यायामाचा एक धागा आहे धावूगल्ली, तसा वाचनाचा काढायला हवा- 'आज काय वाचलं, किती वेळ वाचन केलं'.
पूर्वी एक 'वाचनकट्टा' नावाचा वाहता धागा होता खरं... त्याला जिवंत करायला हवा पुन्हा.

वृत्तांत फोटो गप्पा सगळे मस्त झाले. मज्जा केली एकंदर सगळ्यांनीच…

काय मस्त जागा आहे.
भारी गटग

लास्टच्या फोटोत भरत सर कसलेच क्यूट हासताहेत.

झकास झालेले दिसते गटग. पाहुणे खुश आहेत म्हणजे संयोजक जिंकले

वृत्तांत हळू हळू वाचतो आहेच. ती जागा मात्र फारच आवडली. सुंदर आहे एकदम. कधी तरी मुंबई गटग जमले तर तिथेच करावे असा विचार मनात येऊन गेला अर्थात ते जमणार कधी हे काय माहिती

वृत्तांत हळू हळू वाचतो आहेच. ती जागा मात्र फारच आवडली. सुंदर आहे एकदम. >> +१
वृत्तांत फोटो गप्पा सगळे मस्त झाले. मज्जा केली एकंदर सगळ्यांनीच…>>+१

गटग मस्त झालेले दिसते! मजा आली सर्वांचे वृ वाचून. फोटोही मस्त. अमितला ३-४ वेळा तरी भेटलोय. ललिता-प्रीति ला मी भेटलोय असा माझा समज आहे व तिला खात्री नाही. मंजुडीला भेटलोय की नाही लक्षात नाही पण तिचा फोटो मी ओळखला. इतरांची ओळख परेड करणार होतो पण स्क्रोल करताना अमितची "स्थायी समिती- संगीत खुर्ची" पोस्ट वाचली व कळालेच. हे रेस्टॉरंटही फार मस्त दिसत आहे अशा दीर्घ गटग करता. केवळ त्याकरता सुद्धा कधीतरी ठाण्याला यायची तयारी आहे (म्हणजे भारतात आल्यावर, इथून नव्हे ) तीन हात नाक्याजवळच आमच्या ऑफिसची एक डिविजन पूर्वी होती, मी तेथे ३-४ महिने काम केले आहे. पण मधे एकदा मी त्या भागातून गेलो तेव्हा तो भाग ओळखलाच नाही.

खाण्यापिण्याचे कोणीच काही वर्णन केलेले नाही, की मी वरवर वाचले ते बघतो पुन्हा एकदा. पहिल्या पानावर फक्त एक कॉफीचा दरवळ आहे.

अमितचा मुंबईत पोहोचल्याचा मेसेज व हा धागा इतक्या पाठोपाठ आले की मला वाटले अमित घरी जायच्या आधीच एक गटगला आला काउण्टरजवळ अमितच्या दोन जंगी बॅगा ठेवल्या आहेत व इतर कुतुहलाने तेथे पाहात आहेत, एक दोन वेटर्स त्या एका हाताने उचलून शक्तीप्रदर्शन करत आहेत ई इमॅजिन केले

ललिताप्रितीला भेटायची मला फार इच्छा होती. तिचं चौफेर वाचन, काही चांगलं वाचलं की धागा काढून लिहिणं आणि एकुण समाजविषयक पोटतिडकीने मत मांडणे >>> अमित या वाक्यात "इच्छा होती" च्या नंतर एक "पण" आहे असे मला आधी वाटले "दिग्गज" बद्दल मात्र सहमत.

तो तिने सकाळी झोपेतून उठल्यावर किंवा उठायच्या आधीच वाचला >>>

लाघवी... हा शब्द हल्ली लिहिण्याची पद्धत आहे म्हणे >>>> इंग्रजीत अशाच समर्पक कॉमेण्ट्सना "Touche" म्हणतात बहुतेक (ई च्या डोक्यावर ती फ्रेंच मात्रा)

किल्ली कडून भरतचा नंबर ही ऋतुराजने मिळवला >>> विविध लोकांचे नंबर तिच्याकडून मिळत असतील, तर तिचा आयडी एकदम चपखल आहे

आम्ही सोडलो तर मोठ्याने बोलणारे लोक तिकडे येत नाहीत >>>

फार श्रीमंत असल्याचा फील आला काल एकुणच >>> जोक्स अपार्ट, याच्याशी टोटली सहमत आहे. मलाही असेच वाटले आहे नेहमी मी कोठे गेल्यावर जेव्हा गटग झाले आहे तेव्हा.