डाॅ.कुमार1 यांचे जाहीर आभार.

डाॅ.कुमार1 यांचे जाहीर आभार.

आपल्या मायबोलीवर वैद्यकीय विषयावर अतिशय अभ्यासपूर्ण लेखन करणारे डाॅ.कुमार 1 - हे आपणा सर्वांना सुपरिचित आहेतच.

याच डाॅ.नी हार्ट अॅटॅकवर शिक्का मोर्तब करणारे ट्रोपोनिन यावर एक लेख इथे लिहिलेला आहे - जो मी आधीच वाचलेला होता.

मला (शशांक पुरंदरे) जेव्हा काही महिन्यांपूर्वी घरीच हार्ट अॅटॅक आला तेव्हा त्या वेदनांच्या तीव्रतेमुळे मला पूर्णपणे कळलेले होते की हा हार्ट अॅटॅकच आहे. पण ज्या रुग्णालयामधे माझा ईसीजी व बीपी तपासले तेथे हे दोन्हीही नाॅर्मल आल्याने तेथील डाॅ. हे ह्रदय दुःख हे काहीतरी मानसिक स्ट्रेसमुळे झालेला त्रास आहे असे म्हणत राहिले. तासाभराने परत काढलेला ईसीजी ही नाॅर्मल आल्याने व मी पूर्ण वेदनामुक्त होऊन माझ्या पायावर उभा राहिल्याने तर ते डाॅ. हा हार्ट अॅटॅक नाहीच्चे यावर ठाम होते.

पण मी मात्र तो ट्रोपोनिनचा लेख वाचलेला असल्याने ती टेस्ट कराच म्हणून हटून राहिलो. पण ती टेस्ट हार्ट अॅटॅकनंतर सहा तासांनी करायची असते म्हणून डाॅ.नी मला घरीही पाठवले. व जेव्हा रात्री दहाच्या सुमारास मी ती टेस्ट तिथेच केली तेव्हा ती स्ट्राँग पाॅझिटिव आली व मला लगेच cardiac i. c. u. तच हलवले.

वैद्यकीय दृष्ट्या मी तसा स्टेबल असल्याने लगेचच दुसर्‍या दिवशी अँजिओग्राफी केली ज्यात ह्रदयाला रक्त पुरवठा करणार्‍या रक्त वाहिन्यात चार मेजर ब्लाॅकेजेस आढळले. त्यामुळे त्यात चार स्टेंट टाकून माझा जीव डाॅ.नी वाचवला.

हे सगळे त्या ट्रोपोनिनमुळेच लक्षात आले. या करता या डाॅ.कुमार यांचा तर मी आजन्म ऋणीच आहे.
असेच वैद्यकीय विविध विषयांवरचे लेख लिहून डाॅ.नी सर्व सामान्यांचे प्रबोधन करीत रहावे ही डाॅ.ना नम्र विनंती.

सर्व मायबोलीकरांना उत्तम आरोग्यासाठी ह्रदयपूर्वक अनेक शुभेच्छा.
सर्वेपि सुखिनः सन्तु सर्वे सन्तु निरामयः

धन्यवाद !
--------------------------------------------------------
डाॅ.कुमार1 यांचा लेख
ट्रोपोनिन : ‘हार्ट अ‍ॅटॅक’ वर शिक्कामोर्तब https://www.maayboli.com/node/65025