ड्रीम ईलेव्हन नावाचे जुगार - निषेध धागा

मला माझ्या आजूबाजूच्या लोकांमध्ये पैशापेक्षा आपले अंदाज आजमावण्याकरता खेळणाऱ्यांची संख्या जास्त दिसते
सगळ्यांनाच क्रिकेटवर गप्पा मारायला मायबोलीसारखा प्लॅटफॉर्म किंवा कट्ट्यावरचे मित्र मिळतातच असे नाही मग त्यांच्यासाठी ही चांगली सोय आहे!
पैसे न लावता खेळता येणाऱ्या अनेक फ्री लीग्जही आहेत तिकडे

पण मला या सगळ्यापेक्षा ESPN ची सुरुवातीची फॅंटसी लीग जाम आवडायची.... त्यात पूर्ण टूर्नामेंटमध्ये मिळून लिमिटेड चेंजेस मिळायचे आणि Points accumulate होत जायचे.... खेळाडूंच्या प्राईसेस आणि संघाचे बजेट हे गणित जुळवतानाही कस लागायचा..... जास्त आव्हानात्मक होते ते

Guys.. don’t!

सर, आपल समाज सुधारक कार्य चालू ठेवा. आधी मद्य आता जुगार.
पण हे कसे थांबवता येणार? महाभारत कालापासून चालत आल आहे.

उत्पन्न जर मिळत असेल तर सरकारला असले ऑनलाईन जुगारही मान्य आहेत, भले लोकांचे संसार बरबाद झाले तरी चालतील.

एक सुजाण नागरिक म्हणून आपण काय करू शकतो यावर चर्चा झाली पाहिजे.

अत्यंत समयोचित आणि सुंदर लेख

सरांचे सर पण करतात जाहिरात मला वाटलं सर पण गेले सरान सोबत खेळायला

हा धागा म्हणजे सुरक्षा कवच म्हणून काढल्यासारखा वाटतोय. उद्या कोणी म्हणले की नुसते दारू वर का बोलता, माय इलेव्हण बद्दल का बोलत नाही ?
तेव्हा तुम्ही हा एकदोन प्याराग्राफ असलेला सपक धागा दाखवणार - बघा धागा काढलेला...

म्हणजे दारू बद्दल बोलताना कायम तुम्ही इत्यादी ईमोजी वापरता ते इथे जाणवले म्हणून असे वाटले.

तसे नसेल तर वाईट मानू नका.

एवढ्या मोठ्या राष्ट्रीय समस्येवर धागा काढल्याबद्दल आणि आम्हाला जागरूक केल्याबद्दल धन्यवाद.
तसेही क्रिकेटवर वांझोट्या गप्पा मारणारे आपल्याकडे ढिगाने आहेतच कि, काहींना गप्पा मारून मोठेपणा मिळतो तर काहींना ११ जणांची टीम लावून काही पैसे मिळतील याची आस धरण्यात मजा वाटते, तर काहींना पुचाट धागे सोडून जन जागरण केल्याचे समाधान मिळते.

कवट्या नाही. (तू मुद्दाम लिहिले आहेस हे समजते.)
कवठ्या महाकाळ
कवठे महांकाळ नावाचे आमच्या कडे एक गाव आहे. ते जावूदे.
मला जुगार आवडतो. देवाशी / दैवाशी कुस्ती आहे ती.
दोन घटका करमणूक. त्याच्या आड का येता सर!

वेळ जातोय. पैसा जातोय. युवा पिढीची क्रयशक्ती बरबाद होतेय. जुगाराने कसे लोकं बरबाद होतात, होऊ शकतात हे आपणा सर्वांना माहीत असेलच.. >>जुगार न खेळताच टीवीवर रोज तासनतास क्रिकेट बघितल्याने वेळ, पैसा, युवा पिढीची क्रयशक्ती बरबाद होत नाही का हो सर?

छंद आणि व्यसन यात गल्लत होतेय का? >> ऑफकोर्स गल्लत आमच्यासारख्या पामरांकडूनच तर होणार सर! तुच्याकडून झोपेत डाव्या हाताची करंगळी सुद्धा चुकून हलली तर त्यात गर्भितार्थ लपलेला असतो हे सगळ्या मायबोलीला ठाऊक आहे.
त्यामुळे तुमचा तो छंद बाकीच्यांचे ते व्यसन... हं! येऊच द्या अजून.

प्लीज ईथे तसे करू नका >> नाही हो नाही बिल्कूल नाही. कर्ता करविता तुम्हीच तर आहात सर. तुमच्यापुढे म्या पामराची काय कथा.
चुकून दोन शब्द लिहिण्याची हिंमत केली ..माफी असावी.

सरांनी तुम्हाला उदार मनाने माफ केले आहे.

उबो
मी ट्रोल नाही.
मी सरांचा (डोळस) भक्त आहे. आम्ही "हाडा"चे भक्त नाही/आहोत.

हल्ली ऋन्मेषला विरोध करताना आपण नकळत चुकीच्या गोष्टींचे समर्थन करत आहोत हे पब्लिकला कळत नाहीये का? की ऋन्मेष विरोध हेच ध्येय आहे.
या असल्या ऑनलाईन जुगारात मी जवळची व्यक्ती गमावली आहे. पत्त्यांचा जुगार खेळताना बघितले तर घरातल्यांच्या शिव्या मिळत पण मोबाईल वर आपला मुलगा जुगार खेळत असेल हे आईबापाला समजलेच नाही. लाखोंचे कर्ज करुन तरुण मुलाने आत्महत्या केली तेव्हा त्यांना समजले.

त्याला पाठिंबा दिला तर चुकीच्या गोष्टींना पाठिंबा दिला होईल, काळ सोकावतो! याचा अनुभव अनेकांनी अनेक वेळा घेतला आहे. या ठिकाणासाठी लेसर एव्हिल कोण आहे ते सगळे जाणतात म्हणून असं होतं.
तुम्ही अगदी हाच धागा काढला असता तर असं झालं नसतं, याची मला खात्री आहे. कारण शेवटी काय करतो बरोबरच कोण करतो त्याला महत्त्व असते. जेन्युअनली कोण लिहितोय आणि त्रास द्यायला कोण लिहितो त्याची कल्पना जन्तेला असते. इथल्या कोणालाही जुगाराचं पर से समर्थन करायचं नाही. पण... बाकी तुम्ही जाणताच.

पत्त्यांचा जुगार खेळताना बघितले तर घरातल्यांच्या शिव्या मिळत पण मोबाईल वर आपला मुलगा जुगार खेळत असेल हे आईबापाला समजलेच नाही. लाखोंचे कर्ज करुन तरुण मुलाने आत्महत्या केली तेव्हा त्यांना समजले. >> दुर्दैवी घटना. आईवडिलांबद्दल आणि मुलाबद्दलसुद्धा सहानुभुती आहे.

पण ईथे ईविल जुगार नसून मनाचा कमकुवतपणा, अभ्यासाचा अभाव आणि फाजील आत्मविश्वास आहे. असा फाजील आत्मविश्वास आपण राँग एंट्रीतून जाण्यापासून, शेअर मार्केटमध्ये गुंतवणूक करण्यात ते चालू गॅस सोडून घरात ईकडेतिकडे काम करण्यापर्यंत दिवसातून अनेक वेळा दाखवतो.

कैक लोकांनी जुगार (मग ते स्पोर्ट्स बेटिंग असो किंवा प्रोफेशनल पोकर) हा करिअर पाथ निवडून त्यात आयुष्य (पैसा, घर दार, गाड्या, ईमेज) कमावले आहे. अगदी पीएचडी होल्डर मॅथेमॅटिशिअन, स्टॅटिस्टिशिअन, फिजिसिस्ट, ईंटेलिजन्समध्ये काम करणारे ते घराच्या बेसमेंटमधून ऑपरेट करणारे विडिओ गेमर्स, काऊच पोटेटोज किंवा बोअर्ड हाऊसवाईव्ज सगळेच आले. हा हाय रिस्क गेम्/प्रोफेशन आहे आणि व्यवस्थित अभ्यास करून रिस्क मॅनेज करून खेळल्यास मानसिक समाधानासहित लहान सहान गेन मिळवत रेग्युलर साईड हसल म्हणून ईन्कम सुद्धा मिळवता येऊ शकते. पुन्हा आपली स्ट्रॅटेजी ठरवून ती टेस्ट करत मजबूत बनवण्यासाठी नोशनल अमाऊंट घेऊन (नुसते ऑन पेपर) खेळता येते.
पण रिस्ककडे दुर्लक्ष करून ईमोशनल निर्णय घेत वहावत गेल्यास तुम्ही लिहिल्या तश्या केसेस होतात.

द्युतात युधिष्ठिर नाही तर शकुनी हीरो ठरला कारण तो डोक्याने खेळत असे आणि युधिष्ठिर भावनांत वहावत जाऊन.