..... तर तो/ती कुठलं गाणं म्हणेल? (भाग ८)

धागावर काढायला एक सहज कोडे:
८/९५
एके ठिकाणी अत्यंत स्वादिष्ठ शिरा खाल्ल्यावर त्याने विचारले हा शिरा तुम्ही कसा केला. उत्तर मिळतं की नेहमी सारखाच, फक्त यात एक खास जपानी रवा वापरला आहे, आणि तो एका विशिष्ट ब्रँडचा रवा आहे.

मग तो सुपर मार्केट मध्ये तो घ्यायला जातो. पण तो न दिसल्याने त्या विभागात तो दोन राउंड्स मारतो आणि परत तिसरा राउंड मारायला निघतो तेव्हा तिथला एक कर्मचारी त्याला विचारतो "काय शोधताय? मी मदत करू का?"
तेव्हा त्यावर उत्तर म्हणुन तो हे गाणे म्हणतो.

नातोका रवा की तलाश है

नातोका रवा की तलाश है
नातो हमसफरकी तलाश है

ना तो का'रवा' की तलाश है...?

बरोबर.

८/९६
सव्वीस सिक्रेट एजंट्स मिशन ब्रीफिंगसाठी जमले होते. मॅडम झी ने सर्वांचे स्वागत करून त्यांना मद्याचे चषक दिले आणि 'टू द मदरलॅंड' असे म्हणून सर्वांनी ते एका घोटात रिचवले. थोड्याच वेळात एजंट ए बेशुद्ध पडला. मग एजंट बी, मग एजंट सी, असे करत हळूहळू सगळ्यांची शुद्ध हरपली. ते पाहून मॅडम झी छद्मीपणे हसली कारण ती फितूर होती आणि तिनेच सर्वांच्या पेल्यांत गुंगीचे औषध मिसळले होते. आता सर्वांच्या डोक्यात एक चिप इंप्लॅंट करून तिला शत्रूराष्ट्राला 'मिशन ॲकंप्लिश्ड' चा मेसेज कळवायचा होता म्हणजे त्या सर्वांचे मॉनिटरिंग करणे शक्य झाले असते.
पण एका एजंटला काहीतरी संशय आला होता आणि त्याने ड्रिंक न पिताच ओतून टाकले होते. बराच वेळ ते एकमेकांकडे संशयाने बघत राहिले. मग मॅडम झी गाऊ लागली.

'ओ' (एजंट ओ) मेरे सोना रे, सोना रे, सोना रे... (झोप की रे/बेशुद्ध पड की रे)?

बरोबर

८/९७
एक टकली मुलगी असते. तिला विग लावून तिचं लग्न ठरवतात. पण लग्नानंतर भांडं फुटलं की मग काय, अशी तिला भीती असते. तिची आई म्हणते काही काळजी करू नकोस, लग्न गणेशचतुर्थीच्या मुहूर्तावर आहे. तोपर्यंत वैद्यांनी दिलेलं हे तेल लाव, म्हणजे तोपर्यंत केस येतील. त्या दोघी रोज रात्री तिच्या डोक्याला तेल फासत आणि सकाळी चेक करत. असं करता करता लग्नाचा दिवस येऊन ठेपला, पण काहीच प्रगती होईना. तेव्हा त्या मुलीने म्हटले...

२०२५ साल संपायच्या आत कोडं सुटलं पाहिजे

अजहु ना आए बाल मा सावन बिता जाए.

बरोबर

बितणाऱ्या सावन साठी गणेश चतुर्थी ची आयडिया मस्त आहे!

कहर च आहात

८/९८
रिचर्ड आणि मोनिका (फ्रेंड्स मधले) डेटवर जाणार असतात. पण त्याच दिवशी डेलाईट सेविंग टाईम सुरू झाला असतो त्या घोळात रिचर्ड एक तास लवकर येतो. इकडे मोनिका तर नुकतीच वामकुक्षीतून उठून डोळे चिवडत बसली असते. तेव्हा ती त्याला म्हणते...

क्लू
१. रिचर्ड आणि मोनिका मध्ये BF-GF शिवाय आणखी कोणते कनेक्शन आहे ते आठवा
२. एक मुलगी डेटवर जाण्याआधी काय करेल- अर्थात मेकप वगैरे

बदल रही है आज ज़िन्दगी की चाल ज़रा
इसी बहाने क्यों ना मैं भी दिल का हाल ज़रा
सवार लूँ, हाय सवार लूँ

माझेमन गुड अटेम्प्ट. पण यात रिचर्ड-मोनिकाचा संबंध येत नाही
(फ्रेंड्स न पाहिलेल्यांसाठी- रिचर्ड तिच्या वडिलांचा मित्र असतो)
८/९८ चे उत्तर
ठाडे रहियो, ओ 'बा के यार' रे, ठाडे रहियो
मैं तो कर आऊं सोला सिंगार रे

ओह्ह बरोबर

ओ 'बा के यार' रे,
छान होतं कोडं.

हे गाणं असं आहे होय! मी इतके दिवस तौबाके यार म्हणत होतो. #चुकीचीऐकूआलेलीगाणी. अर्थात बरोबर ऐक्लं असतं तरी उत्तर आलं असतं असं नाही. बा के यार - मस्त

.

यम्मा यम्मा
पण अंतऱ्यामधल्या ओळी म्हटल्यावर खोडलं.

बा के यार

मामी, फास-फासला असं काही आहे ?

मुळात यमाची शस्त्रं - आभूषणं काय असतात?
पर्ची, भाला, गदा..?

बहुधा...हे कुणाच्या लक्षात नसावे...मुळात अर्धमेलं.. (अथवा पूर्ण मेलं) झाल्यावरच त्याची - आपली भेट होणार! तेव्हा काय पाहणार!