"पती-पत्नीच्या नात्यातील पारदर्शकता!"

>>ह्यांचं बघुन घरी गेल्यवर बायकोला लाईट लाव सांगितलान तर त्याला मीठाचा चहापण नशीबात नसेल. >> सस्मित लाईट लाव सांगितल्यावर फट्टाक्कन कानाखाली बसेलेली दिसली मला.

अजून कुणाला तीष्ण अग्निबाण दिसले नाहीत की काय! तीक्ष्ण आणि उष्ण या एकाच अग्निबाणाच्या दोन बाजू आहेत.

मानवदादा उपमाबंबाळ
घोड्यांंऐवजी गाढवं किंवा बैलं घेऊन करावे वाटतेयं, चल ले चल खटारा खिंचके ..!
जरासंध

@ पारंबीचा आत्मा
तुमच्यात ऋन्मेषचा आत्मा शिरलाय का ? वेगवेगळे प्रतिसाद देताय. मला टाळताय. मी काही जरासंध नाही.
नवीन Submitted by पारंबीचा आत्मा on 10 June, 2021 - 22:13
>>>>

अहो, मी कुठे कधी तुम्हाला टाळले?
तुमच्या एखाद्या प्रतिसादावर माझे एखादे उत्तर मी देणे तुम्हाला अपेक्षित होते जे दिले नाही असे कुठे झाले असेल तर प्लीज निदर्शनास आणून द्याल का?
कारण मी सारे खरे खोटे आरोप सहन करू शकतो पण कोणाला ऊत्तर द्यायला टाळलेय असे कधी मुद्दाम करत नाही. तुमचे समाधान हाच माझा संतोष हिच भावना नेहमी मनात असते

@ सीमंतिनी
चंद्रमा, असा ऋन्मेष सारखा तुटक-तुटक लेख नि एक-एक प्रतिसाद का देत आहात? Happy मी बाकीचे लेख नाही वाचले तुमचे अजून पण वाचेन नंतर आता... Happy
>>>>
अरे काय हे, कोणाची एखादी लकब माझ्यासारखी असेल तर असे माझे नाव घेऊन प्रतिसाद लिहू नका लोकहो. ऊगाच ईतरांचे गैईरसमज होतात. आधीच खरे खोटे बरे च आयडी झालेत माझ्या नावावर

अजून कुणाला तीष्ण अग्निबाण दिसले नाहीत की काय! >> वावे, सोयी हुई नागीण को जगाते नै... मी तीन वेळा बनचुके टाईप केलेलं खोडलं... नको उगाच म्हणून....

शेवटी काय, आयुष्य हा एक चहाच.
अनेक सुंदर पॉझिटिव्ह क्षण रुपी कोवळा उजेड असला तरी आपण मनरुपी बायकोला चंगळवादरुपी कृत्रिम दिवा लावायला सांगतो. अश्याने आयुष्यरुपी चहात अमाप खर्चरुपी मीठ जरी पडले तरी सोबत असलेले पी एफ आणि एफ डी रुपी मित्र हा कडू चहा हसत हसत पितात आणि मग (लोकांची पैश्याची गरज भागवून) संपणेरुपी घरी जातात.
यातच आयुष्याचे खरे सार (आणि रसम सामावले आहे.) कारण चहा काय, मीठ काय, सार काय, रसम काय, सगळी एकाच आत्म्याची निरनिराळी वस्त्रं ल्यायलेली रुपे.

(दमले.आता झोपते :))

( अवांतरः लोकांचे गैरसमज दूर करायला एक "गैरसमज निवारण" धागा हवा. क्षमस्व ऋन्मेष!)

मी_अनु

मी_अनु, तुम्ही मांजरांकरता कीबोर्ड बडवणे सोडून असं काही तरी सकस लिहिलंत तर तुमचं भविष्य उज्ज्वल आहे.

अवांतरः लोकांचे गैरसमज दूर करायला एक "गैरसमज निवारण" धागा हवा.
>>>>>
हो, हि छान कल्पना आहे. नोंद करून ठेवतो. नवीन विषय सुचवून आपण फिट्टंफाट केलीत.

बाई दवे,
निवारण वरून आठवले,
आमच्याकडे जे आंबट वरण करतात त्यात सप्पासप मिरच्या कापून टाकतात आणि ते मसाल्याच्या तिखट डाळीपेक्षाही तिखट करतात.
तरीही मी त्यावर समंजसपणाच्या तूपाची धार सोडून गोडं वरण समजून ते खातो

मी_अनु भगवदगीता मोड मध्ये

चंद्रमा जी आपण आर्ट ऑफ लिव्हिंग, हॅप्पी थॉट्स, एसेसवाय किंवा तत्सम असे काही करत आहात किंवा केलं आहे का? धाग्यातली उदाहरणे व टोनिंग तसे वाटले म्हणून विचारत आहे बाकी काही नाही. (हो, अशा शिबिरांचा अनेकांना फायदा झाला आहे)

पावसाने वातावरण गार झालंय. तरीही नवर्याने एसी टेंमपरेचर कमी करायला सांगितलं मला. उद्या मला मीठाचा चहा करावाच लागेल.

तीक्ष्ण असो वा उक्ष्ण, अग्निबाण (कुठल्याही प्रकारात) मोडून चालणार नाही. निदान शत्रूच्या बाजूला जाऊन पडेपर्यंत तरी नाही. त्यामुळे तीष्ण अग्निरूपी वाग्बाणाला उच्च आवाजरूपी ध्वनुष्याची जोड हवी!

लेखाचे शिर्षक आणि एव्हढे प्रतिसाद बघून आयडिया आलीच होती की इथे मज्जानू लाईफ सुरू असणारे

नवरा बायको दोघांच्या फोन मध्ये एसी/हीटरचा थर्मोस्टॅटचं तापमान बदलायची सोय आहे. अंथरुणातुन बाहेर न पडता हे होतं. तरी सकाळी उठल्यावर कोणी टेंपरेचर इतकं खाली/ वर करुन ठेवलं? यावरुन अग्निबाण. वर 'हे असं करतोस/तेस आणि मग मी अ‍ॅमेझॉनवर ते हे घेतलं की पैसे उडवतो म्हणतो/ते' यावर आवाजरुपी धनुष्याला प्रत्यंचा ओढून ओढून बाग्बाणांचा पाऊस. अर्थात पाऊस पाडायला निमित्त असं लागतंच नाही.
दुसर्‍याला चहा करुन देण्याइतके आम्ही बिलकुल उदार नाही. कारण दुसर्‍याच्या चवीचा चहा आवडून घ्यायचाच नाही हे पक्कं ठरवुन ठेवलंय. त्यामुळे आपला आपला करुन पितो. त्यात मीठ नाही घालता येणार. आणखी कुठे मीठ चोळाता येईल यावर विचार करतोय.

वा चर्चा छान चालली आहे. कीप इट अप मित्रोंज.

हे तेच आहेत का मायबोलीकरांच्यात लेखक दडलेला आहे वाले ?
वेड घेऊन पेडगावला जाण्याचा धंदा आहे.

Anytime