कांदेपोहे कार्यक्रम, लग्नासाठी मुलांना/मुलींना भेटणे याचे धमाल किस्से

Submitted by मानव पृथ्वीकर on 13 March, 2021 - 00:52
meeting for arranged marriage

शिर्षक स्पष्टच आहे. असे रोचक, गमतीदार किस्से येउ द्या.

विषय: 
Groups audience: 
Group content visibility: 
Public - accessible to all site users

त्या गुडांग सिगारेट ला लोक हार्डकोअर सिगारेट मानत नाहीत ना?नुकतेच एका मुलाकडून 'मला काही स्मोकिंग चं व्यसन नाही, मी फक्त टपरीवर गुडांग घेतो' ऐकलं
(याचं लग्न झालंय आधीच Happy )
अवांतर आहे प्रतिसाद,उडण्यापूर्वी वाचा.

माझ्या मामेदिरांच्या मुलीचं, म्हणजे माझ्या भाचीचं लग्न ठरवायचं होतं. आताच्या जमान्यातलं इंटरनेट वगैरे त्यांना जमत नसल्यानं मी पुढाकार घेऊन मदत केली. त्याचेच हे किस्से. नव-याकडे आधी जरा पारंपरिक वातावरण, घूंघट वगैरे होतं, पण आता पुष्कळ सुधारणा झाली आहे. जातीतलाच मुलगा हवा, पण जास्त मागासलेले विचार नकोत वगैरे. भाची इंजिनियर, पुण्यात चांगल्या नोकरीत. आधी आम्ही पेपर मध्ये जाहिरात दिली. त्यात माझा फोन नं देऊन चूक केली. असले असले फोन यायचे आणि इतक्या घाणेरड्या भाषेत लोक बोलायचे की एकदा तर मी तो फोन घेऊन पोलीस स्टेशन वर गेले. तिथल्या बिचा-या हवालदाराला सुद्धा शिवीगाळ ऐकून घ्यावी लागली. पेपर मधल्या जाहिरातीला फारसं यश आलं नाही. सोबतीला जीवनसाथी वर सुद्धा नोंदणी केली होती. तिथून ब-यापैकी रिस्पॉन्स मिळाला. यूपी, बिहार मधून अनेक उत्तरं आली. त्यातले एक होते दरोगा सिंग (मुलाचे वडील). त्या नावानंच आम्हाला भीती घातली.
मग एका काकांचा फोन आला – हम जौनपुर से बोल रहे हैं.
मी सांगितलं – लड़कीकी चाची बोल रही हूँ.
लगेच – क्यूं लड़की को माँ-बाप नहीं है क्या?
म्हटलं – हैं ना. लेकिन मैं उन को हेल्प कर रही हूं.
जौनपुरवाले काका – आप की बेटी का हमने नेटपर फोटो देखा. हमें प्रोफाइल पसंद आया. मेरा बेटा हैदराबाद में आयटी में है. आप अपनी बेटी का बायो डेटा और फोटो हमें भेज दीजिए.
आता नेट वर सगळं लिहिलंच होतं. त्याहून निराळं मी काहीच पाठवणार नव्हते. खरं पाहिलं तर मलाच त्यांच्या मुलाची माहिती हवी होती. ती मिळाली असती आणि पटली असती तर बोलणी पुढे नेण्याचा विचार केला असता. ही लॉजिकल स्टेप. ते त्यांना सांगितल्यावर काय भडकले काका....
हम लड़के वाले हैं. पहले आप जानकारी भेजिए फिर हम भेजेंगे.
मी हो म्हटलं आणि प्रकरण फाईल केलं (पहिल्या कमेंट पासूनच मला जौ.काका आवडले नव्हते. आणि मुलगा अपनेआप रिजेक्ट झाला होता. असो)
परत दोन दिवसांनी जौ.काकांचा फोन – क्या हुआ? आप ने जानकारी भेजी कि नहीं?
म्हटलं – हमारा सब डेटा नेट पर है. आप ही भेजिए अपने बेटे की जानकारी.
जौ.काका – पहले आप भेजिए.
मी शांतपणे हो म्हटलं आणि पाठवलंच नाही.
आणखी दोन दिवसांनी जौ.काकांचा फोन – आप को अपनी बेटी की शादी करनी है के नहीं? आप ऐसे बरताव रखेंगे तो कभी नहीं होगी शादी!
काकांना पोराचं लग्न करायचं तर होतं, पोरगी आवडली तर होती, पण ठसन सोडायची नव्हती.
आमचं तर काय ठरलंच होतं अशा लोकांकडे आपली मुलगी द्यायचीच नाही.
आणखी दोन-तीन दा फोन केला जौ.काकांनी आणि मग नाद सोडला.

काही लोकं, स्पेशली मुलाकडची माणसे इतके आकडू व स्वतःला दिडशहाणे का समजतात कोण जाणे. आम्ही माझ्या बहिणीसाठी एकाकडे पत्रिका दिली होती. त्यांनी ती परत देताना एकदम तुसडेपणाने "जमत नाही ही पत्रिका" असे म्हणून आम्हाला (म्हणजे माझ्या वडीलांकडे) परत दिली. मी त्यावेळी तसा लहान होतो (११ वीला) व मोठ्यांना शक्यतो उलटे बोलायचो नाही. पण लगेच मी उसळून म्हणालो की जमत नाही तर शांतपणे सांगून परत द्या ना? आम्ही काय जबरदस्तीने जुळवा असे सांगतोय का? त्यावर तो माणूस वरमला. पण त्याच्याबरोबर असलेला मात्र माझ्याकडे खाऊ का गिळू नजरेने बघत होता. पण वडील मध्ये पडले व त्यांनी शांतपणे राहु द्या हो, योग नाही असे काही तरी बोलून वातावरण शांत केले.

नंतर एका परिचितांच्या कांपोमधली गोष्ट. आमची बाजू मुलीकडची होती. कार्यक्रम सुरू झाला होता. मुलाचा मामा यायचा बाकी होता. मुलाचे वडील व आई उगाचच मला दोन-तीन वेळा, आता मुलाचा मामा येणार आहे हा, तुम्ही त्यांना घ्यायला बिल्डींगच्या खालती जा वगैरे वगैरे सांगत होते. फार मोठी असामी येणार असे दाखवत होते. मी पण त्या माणसाला घ्यायला गेलो. सरकारी बॅकेत साधा कारकून असणारा माणूस होता. पण उगाचच सर्व जगाचा तारणहार असल्यासारखे त्याचे वागणे होते. घरी आत आल्यावर उगाचच मला दोन तीन कामे लावली (पाणी आणुन दे अश्यासारखी). नंतर ते लग्न ठरले आणि त्या लग्नात तर याने उच्छाद मांडला होता. स्वतःच सगळे काही जुळवून आणल्यासारखे याचे वागणे होते.
(इथे तो कारकून आहे म्हणून मला काही म्हणायचे नाही. पण त्याचे वागणे व तोरा फारच जास्त होता. स्वतःला सगळेच कळते व समोरचे एकदम तुच्छ असे त्याचे वागणे होते).

प्रामाणिक स्थळ होतं माउमैया Lol
>>
हो हे अफरातफर करताना पकडले जाणारे बहुतेक प्रांमाणिक लोक असावेत!
अप्रामाणिक पकडले जात नाहित Happy

प्रामाणिक यासाठी की जे केले ते सांगितले, जे आवडते ते सांगितले. लपवाछपवी केली नाही. आई जी पोझ घेऊन बसलेली तशी पोझ स्वघरातही कुठली स्त्री पाहुण्यांसमोर घेऊन बसणार नाही. आई एकदम लेड बॅक वाटली... कसलेही गंड नसलेली..

मला माणसे माणसे म्हणून आवडली पण स्थळ म्हणून आवडली नसती... त्यांच्यासारखे वागणे मला जमले नाही/पुढे पटले नाही तर..

त्या गुडांग सिगारेट ला लोक हार्डकोअर सिगारेट मानत नाहीत ना?नुकतेच एका मुलाकडून 'मला काही स्मोकिंग चं व्यसन नाही, मी फक्त टपरीवर गुडांग घेतो' ऐकलं>>>>

मसाल्याचा वास असलेली ही सिगरेट जास्त धोकादायक आहे असे वाचले. व्यसन म्हणजे मनात नसतानाही केवळ सवय म्हणून नियमितपणे केली जाणारी कृती असे असेल तर हा पोरगा म्हणतोय की मी गंमत म्हणून सिगरेट ओढतो, व्यसन नाही. म्हणजे नको असेल तर मी लांब राहू शकतो.

खूपच मजेशीर धागा आहे.

मी ४-५ स्थळांना (बाहेरच्या बाहेरच) भेटण्याचा अनुभव घेतला पण इतकं गमतीशीर काहीच नाही घडलं, एकदम नीरस कौटुंबिक भेटी. नाही म्हणायला एका मुलाच्या मावशीला मी आवडले नाही (व मुलगा त्यामुळे दुःखी होता ही जास्तीची माहिती) हे नकाराचे कारण ऐकून मी खूप विचारात पडले होते कारण त्या अर्ध्या तासात मी मावशीकडे नमस्कार झाल्यानंतर जास्त बघितलेही नव्हते, खरंतर त्या हाय कमांड होत्या हे माहीतीच नव्हती

पण लग्नात उगीचच मोठेपणि घेण्यासाठी चढाओढ माझ्या लग्नात ही पाहिली, त्यापुढे त्या मावशी काहीच नाही.

माझे व माझ्या नवर्याचे कांदेपोहे झाले नाहीत, आम्ही भेटलो व फोनवरंच बोललो. आमच्या फक्त दोघांच्या भेटी व बोलणे त्यामानाने uneventful होते .पण फोरमालिटी म्हणून नवर्याचे तथाकथित जवलचे नातलग घेऊन त्याचे वडील बळेच घरी आले (माझी आई आमचे नातलग वारल्याने गावी गेली असून मला पाहुण्यांची उठबस जमणार नाही, नंतर या असे मी स्पष्ट सांगूनही ते ४-५ जणांना घेऊन उगवलेच) मी कुर्ती लेगींग चष्मा व अवतारात होते नेहमीप्रमाणे
त्यानी सांगितले होते की आमचे नातलग येतील त्यांच्यासमोर मुलाच्या पगाराबद्दल विचारू नका , मी ठीक आहे म्हटले. (पण हेच नातलग येईस्तो आमचा साखरपुडा रखडवला!)

त्याहून कहर मुलाची लहान बहीण-वरील formality .वाल्या प्रसंगी मी तिला म्हटले, मी चहा पीत नाही, मला बनवताही येत ना ही , तर तिने आमच्या स्वयंपाकघरात येऊन थांब मी तुला सांगते असं बोलून बाजूला उभं राहून चहा कसा करायंचा यांचं ज्ञान दिलं. तो चहा फक्त नवरा मुलानेच घेतला, इतर जणांचे कप तसेच! माझ्या वडिलांचा सुद्धा (ते अन्न टाकून देण्याच्या विरोधी-पानातलं न आवडणारंसुद्धा खाल्लंच पाहिजे हा कटाक्ष तरीही!).लग्ना नंतर असेच एकदा नवर्याला विचारले (तो चहा पीत नाही) तर समजले की त्याच्या बहीणीला खरंच चहा बनवता येत नाही ! मी कधितरी वडालांसाठी बनवत असल्याने तो अनुभव माझ्याकडे होता पण ती किचन मध्ये हौशी खेलाडू! हे माहीत असूनही मला वाईट वाटू नये म्हणून तो चहा प्यायला!
नंतर मला वाटलं बरंच झालं आई घरी नव्हती ते, एकतर ती रोखठोक बोलणारी! शिवाय ती असती तर मला समजलंच नस्त नवर्याचे नातलंग कसे आहेत आणि तो इतका शांत व समंजस कसा काय !
त्यातच नवर्ययाविषयी कोणी काही जास्त बोलत नसे पण त्याचे बाबा त्याच्या बहिणीचे सारखे गुणगान करित , मुलगाही मितभाषी, (आम्ही बोलत असू एकमेकांशी) पण त्याची बहीण चे फोन व मेसेज जास्त पाहून माझ्या आईने त्याच्या बाबांना विचारलेच की मुलाचं दुसरीकडे काही आहे का? (यावर ते उखडले होते.हे मला नंतर समजले )

माझ्या वडिलांना हे स्थल बिलकुल पसंत नव्हते (कारण त्यांची मुलगी MD व मुलगा यकःक्षित इंजीनियर.व त्याच्या खानदानात कुणी मुलगी डॉक्टर किंवा गेलाबाजार post graduate in any discipline नाहि, त्यामुळे माझ्या शिक्षण ााची व कष्टाची कदर केली जाणार नाही- कुणी क्रुपया वाईट वाटून घेऊ नका हे त्यांचे मत आहे) त्यामुळे त्यांनी नवर्याचे कुणीही नातलग घरी आले की कमीत कमी बोलायंचे व चेहरा मख्खख ठेवण्याचा विडा उचललेला. ते stroke patient असल्याने त्याचे बोलणे तसंही कुणाला समजत नसे. पण ते काहीच बोलत नाही हे पाहून नवर्याचे वडील विचित्रपणे बाबांना बोलले की आम्हाला काही हुंडा नकोय! मग मात्र मी शेंडी तुटो वा पारंबी- चटकन फक्त एवढंच बोलले- हुंडा घेणं कायद्याने गुन्हा आहे. त्यांना मी हे असं तोंडावर कायद्याचं बोललेलं आवडलं नसावं. पण लग्न ठरत असतांना २-३ भेटींमध्ये आमची इतकी इतकी प्रोपर्टी आहे(म्हणजे गावी काही गुंठे ओसाड जमीन), मुलाचा खरा पगार आम्ही कोणाला सांगत नाही नातलग जलतात ई ई सांगून त्यांनी उबग आणला होता.

हे फक्त कांदेपोहे (नातलगांसाठी औपचारिकता म्हणून २-३ भेटी over 2 weeks बिना कांदे/बटाटेपोहे) ची स्टोरी आहे -ट्रेलर म्हणा. साखरपुडा व लग्न चं लिहिण्याईतकी माझ्या कडे शक्ति व वेल नाही नाहीतर सलीम जावेद ला टक्कर दिली असती

>> प्रामाणिक स्थळ होतं माउमैया Lol
Submitted by मानव पृथ्वीकर on 22 March, 2021 - 22:08

+111 इंग्लिश मध्ये Brutally honest असा एक मस्त शब्दप्रयोग आहे अशा लोकांसाठी Lol

>> प्रामाणिक यासाठी की ...... लपवाछपवी केली नाही...
Submitted by साधना on 24 March, 2021 - 06:16

या संपूर्ण प्रतिसादाशी सहमत. याच्या विरुद्ध वरती एक किस्सा आहे त्या स्थळाने पाहायला आलेल्या मुलीला इम्प्रेस करण्यासाठी भाड्याने पुस्तके आणून वाचनाची आवड असल्याचा दिखावा केला होता. प्रत्यक्षात मुलाला वाचनाची आवड नव्हती असे त्यात पुढे लिहिले आहे. हि भावनिक फसवणूक फार क्रूर वाटते (माझे वैयक्तिक मत). पण असे असले तरीही त्यांचा संसार गेली वीस बावीस वर्षे सुखेनैव सुरू आहे हि वस्तुस्थिती आहेच Happy
(विसू: हा प्रतिसाद त्यांना वैयक्तिक नाही. पण असेही घडू शकते याचे केवळ उदाहरण म्हणून घेतला आहे. Successful marriage is just a complex chemistry that works out)

Pages