ब्राऊन मोदक

1) बारीक गॅस वर कढई ठेवून
1/2 वाटी साजूक तूप
वितळवून घेणे.
2) त्यात 1 वाटी गव्हाचे पीठ(न
चाळता ), 1/2 वाटी बारीक
रवा बारीक गॅस वर छान
खमंग भाजून घेणे.
3) हे भाजलेले मिश्रण थंड होऊ
द्यावे.
4)थंड झाल्यावर हे एका
ताटामध्ये घेऊन त्यात
पिठीसाखर पाऊण वाटी, 2 ब्रु
कॉफी च्या पुड्या , थोडी
जायफळपूड टाकणे. सगळे
नीट एकत्र करून घेणे.
5) मग मोदकाच्या साच्यामध्ये
घालून मोदक बनवणे .
6) चिरंजीवाच्या फर्माईश वरून निम्म्या
मोदकांच्या मध्यभागी
टूटीफ्रूटी stuff केली.
7) एवढ्या साहित्यामध्ये 17
मोदक बनतात.

मोदकांचे नाव चिरंजीवांनी सुचवले . अगदी गडद ब्राऊन असा या मोदकांचा रंग आला नाही .पण रोजच्या मोदकांच्या नामकरणाची जबाबदारी आमच्या 9 वर्षीय चित्रकार चिरंजीवांनी खांद्यावर घेतलेली असल्याने त्यांच्या शब्दाला मान देऊन त्यांनी सुचवलेले नाव स्वीकारले आहे.

माझ्याकडे कोको पावडर शिल्लक नव्हती. कॉफी ऐवजी 2 चमचे कोको पावडर टाकली तर रंग थोडा अजून गडद येईल.