अनभिज्ञ(८) : अनभिज्ञ

केमिस्ट्रीचा अभ्यास 2 आठवड्यात झाला
अस्ट्रोनॉमी खोल (आणि उंच सुद्धा !) असल्याने अभ्यासायला 3 आठवडे लागतील.
मी तर म्हणतो तवा तापलाच आहे (बिड ऑर नो बिड) तर गीता, बायबल, कुराण वगैरे उरकून घ्या.
हा हा हा

अरेरे! आताही किस पाडतोय तु. जाऊ दे यु नीड टू ग्रो अप.
मागे कोण एक लेखक होता त्याच्या कथेवरपण काही लोकांनी अगदी खालच्या पातळीवर टिका केलेली अगदी लिहूच नका वैगेरे पण त्या लेखकाने परिस्थिती छान हाताळतली होती आणि मुख्य म्हणजे मुद्देसूद लिहलं होतं कुणालाही न दुखवता. तु इथे माझं, मी , माझी कथा, माझे प्रोब्लेमचा पाल्हाळ लावत अगदी काहीही असंबधित बाष्कळ प्रतिसाद देत सुटला आहेस. कथेबद्दलच स्पष्टिकरण अजुनही दिलं नाहीस.

इकडे खुप मातब्बर वाचकमंडळी आहेत आणि इथे अशा सस्पेन्स कथापण खुप आल्यात..तुला माहित नसावं बहुतेक वरून तु वाचकांनाच दाखवून देतोयस की, तुम्हाला शेवट कळला नाहीतर तु डम्ब आहात वैगेरे.

कथा वाचकांना कळली नाही तर ते तुझं अपयश आहे. तुला नीट हिंट देता आल्या नाहीत हे मान्य कर. फक्त मी लिहली आहे..मी कसा हुषार.. हुषार लोकांनाच माझी कथा कळेल अशा भ्रमात राहू नकोस.

सुरुवातीचे भाग वाचूनच अंदाज आला होता....बरं झालं ही कथा वाचली नाही

अन ते 'हा हा हा हा' तर डोक्यात जातं...इथे स्माईली आहेत त्यासाठी!

मागे एक लेखिका आल्या होत्या. आजकाल दिसत नाही फारशा. अशुध्द लेखनात हातखंडा होता त्यांचा. कोणी जर चुक दाखवली तर सरळ धोपटुन काढायच्या त्या.
वाचक आपला बहुमुल्य वेळ घालवुन कथा वाचतात, प्रतिसाद देतात हेच समजत नव्हतं त्यांना.
तात्पर्य: वाचकांच्या सूचनांचा राग मानु नये.

एखाद्याला समजून आणि सांभाळून घ्यायची वृत्ती नष्ट झालीय का काय काय माहित या जगात १९९७ नंतर>>> हे जे प्रतिसाद दिसतायत ना तुम्हाला, तो समजून आणि सांभाळून घेण्याचाच प्रकार आहे. पूर्णपणे निग्लेक्ट केलं गेलेलं कितीतरी लिखाण दिसेल तुम्हाला माबोवर. तुमच्यात सुधारणा व्हावी म्हणून लोकं स्वत:चा वेळ घालवुन चार चांगल्या गोष्टी सांगु पाहतायत. पण तुम्ही स्वत:चीच टिमकी वाजवत बसण्यात धन्यता मानताय. आणि मुळात जे टीका करतायत त्यांनीच आधी प्रोत्साहन दिलेलं आहे तुम्हाला हे विसरु नका.
इथे कौतुक आणि टीका/थट्टा सरळ तोंडावरच होते, मागून नाही.

काय इमोशनल ब्लॅकमेलिंग आहे हे

एवढे सगळे लिहीण्यात वेळ घालवण्यापेक्षा कथेचा खुलासा केला असतात, तर वाचक पण खूष झाले असते. त्यांचा वेळ वाया घालवलात.
नकाच लिहू इथे, असं अर्धवट टाकून जाण्यापेक्षा!

एक से बढकर एक प्रकार चालतात माबो वर!

वाचलो मी आधी प्रतिसाद वाचल्यामुळे. आजच वाचायला सुरुवात करणार होतो . हहाहाहा

प्रतिसाद पे प्रतिसाद. .

VB, खरचं भारी प्रतिसाद देतात लेखक महाशय

प्रतिसादांची वाढती (आणि वाढवून घेतलेली) संख्या पाहुन ह्या गुण विशेषानुसार आता फक्त कोण ड्यू कोणाचा ड्यू ची हुतुतु रंगली की झालीच सेंच्युरी
------------

वेटिंग फॉर अभिज्ञ

बेटा जहाँ आई केमिस्ट्री वहा आया एक्ससेप्शन जितू भैया सांगून गेलेत.

सुरुवातीचे भाग वाचूनच अंदाज आला होता....बरं झालं ही कथा वाचली नाही Happy
अन ते 'हा हा हा हा' तर डोक्यात जातं...इथे स्माईली आहेत त्यासाठी!
Submitted by विनिता.झक्कास on 24 July, 2020 - 03:46

>>> तुमचे पहिले वाक्य - बरे झाले कथा वाचली नाही तुम्ही फक्त लेखकाला वाईट वाटावे म्हणून लिहिली आहे.... तुमची इच्छा - पण खरंच गरज होती का?
लेट्स बी काईन्ड टु इच अदर प्लिज...

नवीन माणसाला स्मायली कशा द्यायच्या माहित नसते... मलाही बरेच दिवस लागले समजायला..

लेखक - हा धागा बघा - स्मायली कशा द्यायच्या ते...

https://www.maayboli.com/node/1818

मी किती जरी चिडलो , धुसफुसलो, भांडलो तरी मला मायबोली च अकाउंट डिअक्टीवेट करता येत नाही हे जितकं खर आहे
>>> ते कोणालाही स्वतःहून डी activate करता येत नाही...
एक लक्षात घ्या- इस मायबोलीपे इन्सान आता अपनी मर्जी से है... लेकिन जाता सिर्फ और सिर्फ ऍडमिन/ वेमा कि मर्जी से....

च्रप्स, पहीले काही भाग मी वाचलेत, रिपीटेशन पाहून मी तसा प्रतिसाद दिला होताच, त्यावर लेखक महाशयांनी 'हे अजून काही भाग असेल.' असेच उत्तर दिले होते,. मला ते रिपिटेशन वाचायची इच्छा नव्हती, तेव्हडा वेळ पण नव्हता.

शेवटचा भाग वाचूया म्हटले, तर तो अजूनच कन्फ्यूजींग! बरं नाही कळले वाचकांना तर लेखक उलगडा करतात. मायबोलीवर हे बघितले आहे.
पण उलगडा कराण्याऐवजी त्यांनी जो काही इमोशनल ड्रामा केला, तो खरंच गरजेचा होता का?
मी नेहमीच नवीन लेखकांना प्रोत्साहन दिले आहे. पण इथे त्याची गरज नव्हती, तर लेखकाला कोणीतरी आवरायचीच गरज होती.

मला नाही वाटत, मी काही चुकीचा प्रतिसाद दिलाय.

नवीन माणसाला स्मायली कशा द्यायच्या माहित नसते >> त्यांना माहीत नव्हते असे नाही, लॅपीवरुन देता येत नाहीत असे ते म्हणालेत.

प्रगल्भ, नाव सुचवल्याबद्द्ल धन्यवाद __/\__

मी आधी हे मान्य करतो की पहिल्या प्रयत्नाच्या मानानं लिहिलंय छान. पण लेखन पटलं नाही.

खरं तर अनभिज्ञच्या पहिल्या भागाच्या सुरूवातीला दिलेल्या सूचना वाचल्यानंतर पुढं वाचायची इच्छाच झाली नाही.
(सुचना 1: लेखकाचा पहिलाच प्रयत्न आहे...कथा/कादंबरी लेखन म्हणून...अवास्तव अपेक्षा कृपया ठेवू नयेत. टायपिंग मिस्टेक्स आढळल्यास माफ करणे...लॅपटॉप कारणीभूत...)
(सूचना2: यातील व्यक्तिंचा शोध घेण्याचा निष्फळ प्रयत्न करू नये आणि यातील इमेल्स वर कोणतेही संंदेश पाठवण्याचा फालतू प्रयत्न करू नये!!)

हे वाचल्यावर वाटलं ‘मी असा फालतूपणा केला तर काय?’ त्यापेक्षा वाचूच नये असा विचार केला.

पण आज आठव्या भागावर ८० प्रतिसाद पाहिले आणि मी पण सारे भाग वाचले.

त्या दोन सूचनांचा परत उल्लेख लेखकानं प्रतिसादात केला आहे. हसू आलं खरं तर. ईमेल पाठवून फालतूपणा नाही केला याबद्दल माबोकरांचा अभिमान पण वाटला.

मुख्य म्हणजे लिखाण हे स्वान्त सुखाय असलेलं बरं. जे मनात आलं ते लिहून मोकळं व्हायचं. नंतर मनाला पटलं तर इतरांसाठी खुलं करावं. मग येणा-या ब-या-वाईट प्रतिक्रियांचे धनी आपण. तिथं चिडचिड / अनाठायी अपेक्षा काय कामाच्या?

‘त्या’ दोन सूचना आणि लेखकाच्या ब-याच प्रतिक्रिया अगदी अंगावर येतात. सारे ‘तानसेन’ नसले तरी ‘कानसेन’ असू शकतात.

ज्या स्पष्टपणे तुम्ही लेखक म्हणून आम्हाला सूचना देता, त्याच स्पष्टपणे (आणि सूचना क्र. १ चं उल्लंघन करून) न पटलेल्या गोष्टी सांगतोय.

विषांबद्दल माहिती कमी पडली. नुसती वेगवेगळ्या विषांची नावं कथेत टाकून उपयोग नाही.
न्यायवैद्यक शास्त्र हा खूप गहन विषय आहे. थोडं ते पाहायला हवं.
विषबाधा झाल्यानंतर एकाही व्यक्तीनं औषधोपचार घेतला नाही. का बरं?
गुन्ह्यांचा तपास असा करत नाहीत. हसू आलं वाचून. इतक्या बाल्यावस्थेत नाही आहे हो आपलं पोलिस खातं.
एवढे खून होईपर्यंत नायकाला समजू नये हे अफाटच. ज्या पद्धतीनं इमेल्स येत होत्या त्याचा विचार केला तर २ किंवा फार फार तर ३ मेल्स खूप झाल्या समजण्यासाठी.
सौमित्र दाणींचा खून होईल असं वाटल्यावर तो संदिग्ध मेसेज पाठवतो आश्लेषा कर्णिकला. पोलिसांना किंवा सौमित्र दाणींनाच का फोन करत नाही?
‘हे सिरिअल किलींग ब्राम्हणद्वेषातून झालंय’ हे पहाटे पाच वाजता पोलिस आश्लेषा कर्णिकला सांगतात?
शेवटचे खून तर अगदीच पटले नाहीत बुवा. असे कसे जळाले?

असो. खूप चिरफाड होते आहे असं वाटतंय.

पटलं तर घ्या बुवा.

उलगडा हा संपल्यावर करतात.... मी सांगितलय ना अभिज्ञ लिहीणार आहे त्यात होईल सगळं... >> मग हे ह्या कथेच्या सुरुवातीलाच सांगायचे होते. ही मालीका तर संपलीच ना?

आणी जर इतकच आवरायच असेल तर दुसर्‍यांनी सुद्धा प्रयत्न केले असते... पण दे हॅव शोन पेशन्स इव्हन अफ्टर आय सेड... >> बरेच जणांनी तुम्हाम्ला चाम्गले सल्ले दिलेत, त्यालाच आवरणे म्हणतात

तुम्ही मान्य करता की 'असूर' काहीच कळली नाही.
मग, काहीच न कळलेली 'असूर' पचू शकते >> मी पचवलीये असे मी कुठे म्हटलेय?...आणि कृपया दुसर्‍या धाग्यावरचे प्रतिसाद तिसर्‍या धाग्यावर आणू नका.
आणी तसे ही हा तुम्हांला माझा शेवटचा प्रतिसाद...तुमच्याकडेच खूप वेळ असेल, माझ्याकडे नाहीये __/\__

माझ्यासारखी हायबरनेशन मध्ये गेलेली व्यक्तिमत्वे पुन्हा ऍक्टिव्हेट करण्याचं घोर पाप तुम्ही केलंय. ८८ प्रतिसाद पाहून कथा वाचली. अर्थात सुरुवातीचे काही भाग वाचून कथेचा एकंदर आवाका एक चिमणी आली, दाणा घेऊन उडून गेली टाईप असल्याने, आणि त्यावरचे लेखकाचे उद्दाम/ उर्मट प्रतिसाद वाचल्याने पुढचे काही वाचायचे सोडून दिले होते. पण ह्या धाग्यावर इतकं काय चाललंय बघून पुन्हा पूर्ण कथा वाचून स्वतःचा वेळ वाया घालवला. डिटॉक्स म्हणून कौतुक शिरोडकर, कवठीचाफा, बेफिकीर, विशाल कुलकर्णीचे उत्खनन करून (https://www.maayboli.com/node/55370) त्यान्ना वाचावे लागले. आता मुद्देसूद:
१. सर्वप्रथम कथा: वर लिहिल्याप्रमाणे कथेचा "एकंदर आवाका एक चिमणी आली, दाणा घेऊन उडून गेली" इतकाच आहे. तुम्ही विनिता झक्कास यांना दिलेल्या उत्तरात जे व्हेरिएशन म्हणत आहात, ते फार तर "दोन चिमण्या आल्या आणि दाणा घेऊन उडून गेल्या" इतकेच आहे. माझ्या अंदाजाने एक तर तुमच्या डोक्यातच कथा तयार नव्हती, लिहायचं म्हणून लिहीत गेलात आणि वाचकांचा हिरमोड केलात. नसेल जमत तर तस सांगून (writers ब्लॉक म्हणतात त्याला) ब्रेक घ्यायला हरकत नव्हती,
२. कातडीबचाव धोरणातून अनेक वाचकांना तुम्ही दुखावलेत. शिवाय जे थोडे लोक प्रामाणिक प्रतिसाद देतात त्यांना देखील तुम्ही उर्मट प्रत्युत्तरे केलीत. बोनेट मकाकू म्हणतं माझीच लाल हि म्हण तुम्हाला चपखल बसते.
३. अभ्यास खूप खूप कमी पडला कथेच्या मानाने. तशी लेखनासाठी किती मेहनत घेता तुम्ही ते तुमच्या कवी अनिल/ ग्रेस धाग्यांवरून लक्षात आलं होतं. बरं वर अरिष्टनेमीनी तुम्हाला तसं सांगितलं तर तुम्ही त्यांनाही अतिशय उद्दाम प्रतिसाद <<ट्रीटमेंट घ्यायला स्लो पॉइजन नव्हतं माफी असावी>> दिलात. विकिपीडिया वाचून लेख पाडण्याइतका आत्मविश्वास येतो कुठून? आणि कवी अनिल धाग्यावर तर कहर! टोटल वकिली पलटी? चुकलं तर ते मान्य करण्यात कोणताही कमीपणा नाही. हि गोष्ट जेवढ्या लवकर तुमच्या लक्षात येईल तेवढे लवकर सुधारणा कराल अशी अपेक्षा.
४. लिखाणाची हातोटी आहे तुमच्याकडे. उद्दामपणा आणि बॉनेट मकाकू धोरण कमी केलंत तर तुमचाच फायदा आहे. आणि हो, नुसतं ताई दादा म्हणून भागत नाही. प्रतिसाद देताना/ लिहिताना इतरांचा उल्लेख करण्याचा एक अलिखित संकेत आहे. जमले तर तो पाळण्याचा प्रयत्न करा. उगाच सलगीत घुसणारी लोकं सर्वांना आवडत नाहीत, आणि आवडलं नाही असं सांगायलाही त्यांना संकोच वाटतो.
५. प्रत्येक प्रतिसादाला स्वतंत्र प्रतिसाद देऊन धागा वर ठेवण्याचे कौशल्य आता कालबाह्य झालेले आहे. लोकांना कळत नाही असे नाही. एकाखाली एक स्वतःच प्रतिसाद देण्याऐवजी एकाच प्रतिसादातून तुम्ही तुमचा उर्मटपणा आणि बॉ.म. धोरण व्यवस्थित राबवू शकता. २४ जुलै पासून सलग २० च्यवर प्रतिसाद आहेत तुमचे एकाखाली एक! स्टोरेज लिमिटमुळे मायबोलीवरचे जुने लेखन उडवावे लागलेले आहे (बहुतेक) त्यात असली तद्दन फालतुगिरी करून अजून जागा खाऊ नका.

जाता जाता
अनभिज्ञ(८) : अनभिज्ञ या कथेच्या शेवटी " समाप्त" असे लिहिले आहे.
कदाचित चूक झाली असावी त्यांची
का पाण्डुपत्नी गृहभूषणं किं रामशत्रुः किमगस्त्यजन्म |
कः सूर्यपुत्रो विपरीत पृच्छा कुन्तीसुतो रावणकुम्भकर्णः ||

हे नक्की काय होतं?

पाण्डु , पाण्डुपत्नी म्हणजे कुंती, राम , रामाचा शत्रु रावण, अगस्ती, सूर्य, सूर्याचा पुत्र कर्ण.

एवढ्या सगळ्या व्यक्तिंचा काय संबंध?

का .... ‘किमगस्त्यजन्म’

अगस्ती चा जन्म कसा झाला...

अगस्ती?

प...प...प...पण अगस्ती तर...

समाप्त
>>>एवढ्या सगळ्या व्यक्तिंचा काय संबंध?<<,<
खरच कशाचा कशाशी काय संबंध?
>>>> हे नक्की काय होतं?<<<<<
खरच हे नक्की काय होतं?