थप्पड ! Its not about domestic violence !

आज बघितला. बघताना एवढी गुंतेन असं वाटलं नव्हतं इतकी चर्चा (स्पॉयलरसकट) वाचल्यावर. पण तरीही गुंतत गेले. त्यातला लोकांनी मनात येईल तेव्हा सगळं मागचं मागे टाकून देणं (वकील बाईने घर सोडणे, अमूने घर सोडणे, अमूच्या नवऱ्याने जॉब सोडणे, लंडन सोडणे, अमूच्या सासूने नवऱ्याविषयी इतकी वर्षे बाळगलेली अढी सोडणे वगैरे) प्रत्यक्ष आयुष्यात इतकं सोपं असतं का हा प्रश्न अनेकदा पडला.

शेवटी तन्वी आझमी आणि तापसीचा पूजा झाल्यानंतर संवाद>> मला पण हा खूप आवडला. त्यात ती म्हणते की, "आपने विक्रम की बिबी को प्यार किया, अम्रुता को नही. " नीट विचार केला तर अनेक बायकांना हा लागू होईल. ~~ + १२३४५६७ जवळजवळ 90% बायकांना लागू होईल आणि त्यांनी अनुभवले ही असेल.

सून आवडते कारण ती आपल्या मुलाची बायको असते म्हणून. मुलाची काळजी घेते, त्याच्या मनासारखे वागते तोवरच. एक व्यक्ती म्हणून तिच्या गुण-दोषांकडे बघण्याचा मोठेपणा किती सासू- सासरे दाखवू शकतात? ~~~ +१२३४५६७८९

नीधप, अमितव, सिमंतिनी.. perfect.. प्रतिसादातल्या प्रत्येक वाक्याला अनुमोदन.

त्याच्या बायकोच्या जागी त्याच्यापेक्शा दोन फुट ऊंच, तगडा ईसम असता तरी प्रतिक्शिप्त क्रिया म्हणून ज्याचे समर्थन चालू आहे ती घडली असती का?>>>>>> exactly!!

जेव्हा कुणिहि A माणूस B माणसावर हात टाकतो ना तेव्हा बरेचदा, अगदी बरेचदा त्याचे कारण दुसरे तिसरे काही नसून " A can do so" हेच असते.

आज सिनेमा पाहिला. फारच सुरेख घेतलं आहे सगळं. तापसीच्या नवऱ्याचं काम पण आवडलं. तो आजिबात व्हिलन दाखवला नाहीये. एका पितृसत्ताक गर्भश्रीमंत घरात जिथे मोठ्यांना वाकून नमस्कार करण्याची सवय लावली जाते पण त्या पलीकडे काहीही कौटुंबिक वा सामाजिक जाणीवा विकसित केल्या जात नाहीत, ज्याचे आई वडील एका बोगस दिखाऊ नात्यात आहेत अशा एका entitled, my way or the highway वृत्ती असलेल्या मुलाचा रोल त्याने छान निभावला आहे. त्याचा राग येत नाही. एखाद्या मोबाईल न चालवता येणाऱ्या व्यक्तीने मोबाईल हाताळण्याचा प्रयत्न करावा तसे तो चुकीची बटनं दाबत राहतो. त्याच्या सगळ्याच कल्पना जाणीवा इतक्या उथळ आहेत. त्याला प्रेम म्हणजे काय हेच माहीत नाही असं वाटतं!
त्याच्या दुर्दैवाने त्याच्या आजूबाजूला एक मूर्ख सहकारी कम मित्र, एक बिनडोक वकील आणि मोडकळीस आलेलं कुटुंब असे सारे जण दाखवले आहेत. बेस्ट पार्ट म्हणजे दिग्दर्शक या साऱ्या घटकांवर मस्त शालजोडीतले हाणतो!
अमू खूपच लकी आहे! She comes from a loving family and her family does not support her blindly yet she knows she has unconditional support of her parents. एक तर तिला स्वतःला नीट जाणीव आहे नेमकं काय चुकलंय, कुठे चुकलंय आणि आता तिला यातून काय हवंय याची. आणि ती जाणीव खूप आधीपासून तिच्या वडिलांनी तिच्यात रूजवली आहे. त्यामुळे ती दुसर्‍या दिवशी बॅग भरून चालती होत नाही. तिला लीगल नोटीस येते म्हणून ती वकिलाकडे जाते. आपण प्रेग्नंट आहोत हे कळल्यावर देखिल तिच्या निर्णयात फरक पडत नाही. तापसीने कामही छान केले आहे.
बाकी सगळ्या छोट्या छोट्या गोष्टी ज्या पॅरलली सुरू असतात त्या आणि त्यातले कलाकार सर्वांचीच कामं उत्तम. एकही शॉट, प्रसंग उगीच वाटला नाही. त्यातल्या त्यात मला अमुच्या वकिल बाईच्या नवऱ्याचं काम नक्की काय आहे ते फारसं कळलं नाही. तो पण वकिलच असतो बहुतेक पण मग तो जास्त प्रसिद्ध का असतो (on what merit) म्हणून तो इतका माज करत असतो हे काही फार कळलं नाही.

वकील बाईचा नवरा वकील नसतो तर सासरा प्रसिद्ध वकील असतो. नवराही खूप यशस्वी असतो आणि त्याच्या ओळखीमुळे तिला अशी केस मिळते जी तिला रातोरात प्रसिद्धी मिळवून देते. नवऱ्याच्या दृष्टीने तिचं स्वतःचं यात काही कर्तृत्व नसतं. वकील बाई नेहमी अशीच बोलते की यात तिने ही विशेष लकब दाखवली आहे ते कळले नाही. मी तिला यात पहिल्यांदा बघितले. कामवाली सुनीता खूप आवडली. तिची जी कामं प्राईमवर सांगितली आहेत त्यातलं मी काहीच बघितलेलं नाही पण मी तिला कशात तरी बघितलंय. जबरदस्त अभिनेत्री आहे ती.

ईतके दिवस हा मेलोड्रामा असेल म्हणून टाळत होते , गेल्या आठवड्यात बघितला शेवटी.
फार आवडला असं नाही प्ण चांगला आहे .
थप्पड हा फक्त trigger point आहे . . त्यादिवशी सासू तिला म्हणते , घरी ईतके पाहूणे आले आहेत , खाली चल , असं बर दिसत नाही , आणि दूसर्यादिवशीही एका शब्दाने विचारत नाही , कोणाच्याही मनात हा विचार येत नाही की तो चुकीच वागला , नवर्याला आपण हे रागाच्या भरात वागलो हे कळतं पण चुकीचं वागलं हे कळत नाही . आता ती त्याच्यावर प्रेम करू शकत नाही
या सगळ्याचा तिला राग आहे , वाईट वाटतं आणि हेच तिच्या दूर होण्याच कारण आहे . अगर जोडके रखना पड रहा है , तो ईसका मतलब वो टूटा हुआ है असं तिला वाटतं .
ती वकिल "आर्या" मध्ये बघितलेली . बोलण्याची स्टाईल अशीच आहे , हस्की .
मला स्वाती आवडली .
दिया मिर्झा ला जास्त सीन्स नाही आहेत . ती थोडक्यात पण महत्वाचे बोलते
विक्रम तिच्या घरी येतो तिची साक्ष मागायला , तेव्हा त्याला एका वाक्यातच टोला हाणते .