चला आपण यांना मदत करूया.

मनापासून धन्यवाद
मैत्री ऑफीस ला कळवले आहे. तुम्हाला संपर्कातून एक मेलही पाठवली आहे.

धन्यवाद vijaykulkarni
तुमचा पत्ता, ईमेल पत्ता फोन नंबर हे ही कळवाल का
सध्या माबो संपर्कातून ईमेल येत जात नाहीयेत बहुतेक. मला माझ्या फोनवर (९८८११५२८८४) कळवलेत तर बरे पडेल.

सर्वच लोकांना विनंती आहे की मैत्रीला मदत करून झाल्यावर कृपया आपापले तपशील जसे की पत्ता, ईमेल पत्ता फोन नंबर हे कळवलेत तर खूप बरे होईल.

मागच्या अपडेट नंतरच्या श्री. शाम ह्या आपल्या मित्राने केलेल्या काही नोंदी

हत्तीद येथील सर्व एकल महिलांना मराठी शाळेत बोलाविले होते. त्यावेळी गावातील  ग्रामपंचायत  कर्मचारी, तलाठी आणि सरपंच व प्रतिष्ठित नागरिक उपस्थित राहिले. गावातील लोकांनी खूप चांगला प्रतिसाद दिला.  त्यांना आम्ही एकत्र जमू नका म्हणालो पण तरीही लोक आले. त्यांनी मैत्रीचे आभार मानले. एवढच नाही तर मैत्रीची रांगोळीही काढली आणि माझा सन्मानही केला. खरंतर हे अपेक्षित नव्हते परंतु ग्रामस्थ ऐकेनात. माझाही नाईलाज झाला.

राजस्थानी, किन्नर आणि काही देवदासी असे सगळे मिळून एकूण ६४ किट वाटप झाले.

आधी दिलेल्या लोकांनी कीट तपासून आवर्जून असे सांगितले की मैत्री ने दिलेल्या कीट मधे रोजचे जेवणखाण बनवण्याकरता लागणारी सर्व सामग्री नीट यादी करून दिलेली असल्याने अजून वेगळे काहीही विकत आणायला लागणार नाहीये.

खरोखरच मैत्रीचे काम ग्रेट आहे;
स्वयंसेवक आणि हितचिंतक नेहेमीच फार मोलाचा हातभार लावतात. मी फक्त सांगतो इथे.

आणि नावाचे असू द्या हो बेफिकीर. मलाही नुक्ता देता येत नाही तुमचे सदस्य नाम लिहिताना
हर्षद म्हटलेत तरी चालेल.

धन्यवाद रेवा२, शैलजा, लंपन सुनिधी आणि आदिश्री

झेलम, विपु ला उत्तर दिले आहे.
मनापासून धन्यवाद.

मैत्रीचा स्वयंसेवक, ओंकार भोपळे याला टिंगरेनगर जवळ बिगारी कामगारांची वस्ती आहे, ज्यांच्यापर्यंत अजून कुठलीही मदत पोहोचलेली नाही असं समजलं. एकूण 18 कुटुंब या वस्तीत राहतात. या लोकांपर्यंत मदत पोहोचवण्यासाठी मैत्रीने टिंगरेनगर व जवळपास कोणी स्वयंसेवक आहेत का हे शोधले. मैत्रीने केलेल्या आवाहनाला बिबवेवाडीतल्या श्री प्रधान व टिंगरेनगरच्या मोहित सूर्यवंशी यांनी लगेच प्रतिसाद दिला. त्यांनी त्या भागातील किराणा दुकानात संपर्क साधून सामान घेतले व किट तयार केले. एक हॉल या कामासाठी उपलब्ध करून देण्यात आला आणि हाॅलच्या मालकाने किटमध्ये कांदे बटाट्यांची भर घातली.

श्री व सौ प्रधान आणि मोहित सूर्यवंशी या तिघांनी मिळून वस्तीत जाऊन तेथील वाघमारे यांच्याशी संवाद साधला आणि त्यांच्या मदतीने तेथील 18 कुटूंबांना दिनांक 28 एप्रिलला दुपारी राशन किट दिले.

या किटमधले सामान -
गव्हाचे पीठ- 5 kg
तांदूळ- 5 kg
तूर डाळ-1 kg
तेल - 1 kg
मीठ- 1/2 kg
कांदा लसूण मसाला -200gm
हळद -200gm
साखर-2kg
चहा-1 पॅकेट
पोहे -1 kg
बेसन - 1 kg
कांदे- बटाटे .

टाळेबंदी सुरु राहिल्यास गरज असल्यास त्यांच्यापर्यंत पुन्हा साहित्य पोहोचवण्याचा मैत्री चा मानस आहे.

मैत्रीचे करमाळा येथील मित्र प्रमोद झिंजाडे यांच्या निदर्शनास आले की जालना व उस्मानाबाद जिल्ह्यातील, उपजिविकेच्या शोधात करमाळा येथे आलेले नाथपंथी डवरी गोसावी समाजाची माणसे लाॅकडाऊनमुळे करमाळा मधे अडकून पडले आहेत आणि जवळील अन्नधान्य संपल्यामुळे त्यांची उपासमार होत आहे.

मैत्रीने प्रमोद झिंजाडे यांच्या मदतीने त्या तेरा कुटुंबांना ( आबालवृद्ध सगळे मिळून जवळपास ४० जण आहेत) गव्हा- तांदुळापासून ते मीठ मोहरीपर्यंत शिवाय ज्यामधे आवर्जून डेटॉल साबण यांचा अंतर्भाव करण्यात आला होता सर्व समावेशक किट वाटप केले.

जत परिसरातील मदारी कुटुंबियांना मदत वाटप करते वेळेची पुढची नोंद

यावेळी कीट एकत्र बनवायला जमले नाही त्यामुळे वाटप करताना प्रत्येकाला आपापली पिशवी घेऊन यायला सांगितले होते. आपल्या ठरलेले आणि विकत घेतलेले सर्व जिन्नस यादीनुसार त्यांना एकेक करून देत गेलो. यावेळी PI साहेबही आले होते परंतु त्यांनी प्रत्यक्ष वाटपात भाग घेतला नाही. विशेष म्हणजे त्यांनी १५ नवीन साड्या आणल्या होत्या त्या गरजू महिलांना द्या म्हणाले.

वाटप करते वेळचा फोटो १

वाटप करते वेळचा फोटो २

मामी अजून काही फोटो बघण्यात आले आहेत त्यानुसार तीन दगडांच्या चुलीवरच स्वैपाक शिजवतात ही मंडळी असे दिसते. पाण्याची जवळपास काही सोय असल्याखेरिज पाल तिकडे टाकत नसावेत त्यामुळे काहीतरी सोय असेलच.

सध्या तरी मी प्रत्यक्ष काम काहीच करत नाहीये. निरोप्या आहे फक्त. सेतु म्हणू शकतो फारतर.

शाब्बासकी टाळ्या नमस्कार हे सगळे प्रत्यक्ष काम करणारे अनेक स्वयंसेवक आहेत त्यांच्याकरता वापरूया.