सर्वसाधारणपणे लहान मुले रडत रडत जन्माला येतात, मी नाचत नाचत आलो...
अशी काहीतरी फुशारकी मी मारेन असे कोणाला वाटत असेल तर ते साफ चूक आहे. किंबहुना नाचाचा "न" माझ्या अंगात कुठल्या वयात निपजला हा एक संशोधनाचा विषय ठरेल.
ज्या ज्युनिअर सिनिअर केजीच्या बालवाडी वयात आपण नाचाच्या नावावर काहीssही उड्या मारल्या तरी घरच्यांना काय आपला बाबू नाचतो म्हणून कौतुकच वाटते त्या वयात देखील मी हातपाय फारसे हलवल्याचे आठवत नाही. प्राथमिक शाळेतही शारीरीक शिक्षणाच्या नावाखाली आगे मूड, पीछे मूड म्हणत होणार्या कसरती आणि मूड मूड के ना देख, मूड मूड के वर होणारा नाच हे माझ्यासाठी एकसमानच होते.
पौगंडावस्थेत तर विचारू नका, माझे भलतेच गैरसमज होते. म्हणजे मुले नाचत असताना मुली त्यांना निरखून बघतात आणि आपण घाणेरडे नाचलो तर त्या आपल्यावर अन-ईंप्रेसड होतात अश्या अफवांचा मी शिकार होतो. आणि तुम्हाला तर अनुभवाने माहीत असेलच, की पौगंडावस्थेत मुली पटवण्याच्या पलीकडे आयुष्यात दुसरे काही ध्येय नसते. त्यामुळे नाचाला मी नेहमी ‘नाs’च म्हटले.
पुढे कधीतरी साक्षात्कार झाला की मुलींना नाचणारी नाही तर त्यांच्या तालावर नाचणारी मुले आवडतात आणि हळूहळू मी चारचौघांसारखे नाचायला सुरुवात केली. तरीही आपण नाचताना लोकं बघतात हा संकोच मनात असायचाच. त्यामुळे कधी खुलून असा नाच बाहेर आलाच नाही.
कालांतराने ही अवस्थाही गेली आणि मी विचार करू लागलो की आपल्याला काही सोनेनाणे चिकटलेले नाही, ना आपण मदनाचे पुतळे आहोत... (हो, अॅक्चुअली त्या वयात माझा हा देखील एक गैरसमज होता की आपण अगदीच सामान्य रुपाचे आहोत.) असो.., तर अश्यात आपला नाचही काही भारी नाही, तर आपल्याला कश्याला कोण नाचताना बघतेय. बघणार्यांसाठी आजूबाजूला बरेच काही छान छान उपलब्ध आहे. ते आपले डोळे तिथे शेकतील, आपण आपले एक कोपरा पकडून नाचावे हे उत्तम.
आणि बघता बघता चिमित्कार झाला. एवढे दिवस जखडून ठेवलेले अंग अचानक मोकळे झाले. ना कोणाकडे बघून नाचायचो, ना कोणाला दाखवायला नाचायचो, पण माझी स्वत:ची अशी नाचाची शैली लोकांना आवडू लागली. हा काहीतरी भन्नाट नाचतो असे कोणी म्हटले की ते कौतुकाने असायचे की माझी मजा घेण्यासाठी हे आधी कळून यायचे नाही. पण सगळेच का मजा घेतील? मग मला जाणवू लागले की आपण रुढ अर्थाने नर्तक वगैरे नसलो तरी एक मनोरंजक प्रकार नक्की आहोत.
हळूहळू नवरात्रीचे नऊ दिवस माझा नाच बघायला बिल्डींगच्या गॅलर्या भरू लागल्या. त्यांच्या वाढत्या अपेक्षा पुर्ण करायला मी उत्स्फुर्तपणे वेगवेगळ्या शैलीत नाचू लागलो. गणपतीच्या विसर्जन मिरवणूकीला तर ईतके झिंगल्यासारखे अतरंगी नाच नाचायचो की दुसरे दिवशी केवळ माझ्यामुळे सारी पोरं दारू पिऊन नाचत होती म्हणून बदनाम व्हायची. कॉलेजमध्येही वार्षिक स्नेहसंमेलनात डीजे गाजवून सोडायचो. एकदा असेच माझा डान्स बघून मला कॉलेजच्या एका ग्रूपने त्यांच्यासोबत स्टेजवर परफॉर्म करायची ऑफर दिली. आणि तिथेच माझ्या गाठीशी जो काही थोडाफार अहंकार जमा झाला होता तो गळून पडला.
जेव्हा मी त्या पोरांसोबत प्रॅक्टीसला गेलो तेव्हा जाणवले की ते वन-टू-थ्री-फोर फाईव्ह-सिक्स-सेव्हन-एट म्हणत सराईतपणे एका लयीत नाचत होती. माझे अंग मात्र भलतीकडेच अन भलत्याच स्पीडने हलत होते. ना मी त्यांच्या स्टेप्सला स्टेप्स मॅच करू शकत होतो ना त्यांच्या नाचाचा टेंपो पकडू शकत होतो. हे स्टेजवर स्टेप्स बसवून नाचणे आपल्या कपातला चहा नाही हे मी समजून चुकलो. त्यांचा मग फारसा वेळ न खाता मी तिथून कल्टी मारली.
पुढे कॉलेज संपले. जॉब लागला. साधारण वर्षवर्ष भर दोन ठिकाणी जॉब केले. दोन्ही ठिकाणी एकेकदा पार्टी पिकनिकच्या निमित्ताने नाचायचा योग आला, तिथे नेहमीसारखे नाव काढले. पुढे मग सध्या आहे त्या कंपनीत जॉब लागला. कॉलेजचा व्रात्यपणा मागे सोडून आता जरा सिन्सिअर बेअरींग पकडले होते ज्याला साजेशी माझी नृत्यशैली नसल्याने ऑफिसच्या पार्टीत नाचापासून दूरच राहणे पसंद करू लागलो. अगदी सर्वात मोठ्या साहेबांनी जरी माझा हात खेचून मला नाचायला आत ओढले तरी एक हात वर करून गर्दीत शिरायचो, आणि मला नाचता येत नाही म्हणत दुसर्या अंगाने बाहेर पडायचो. पुढे माझ्यावर सनी देओलचा शिक्का बसून लोकांनी हात धरून खेचायचेही बंद केले.
घरी मात्र येता जाता, सकाळी ऑफिसची तयारी करताना, घरी आल्यावर कपडे बदलताना, किचनमध्ये लुडबूड करताना, रात्री बेडवर झोपायला जाताना जिथे संधी मिळेल तिथे सारी कामे सवयीने नाचाच्या स्टेप्समध्येच व्हायची. त्यामुळे नाचाशी असलेली नाळ मात्र तुटली नव्हती.
अश्यातच गेले वर्षी ऑफिसने नवीन वर्षाच्या पार्टीत आपल्याच कर्मचार्यांचे नाचगाण्याचे कार्यक्रम करायचे ठरवले. आपण कधीकाळी कॉलेजला असताना स्टेजवर नाचायला कच खाल्लेली ही जुनी सल पुन्हा टोचू लागली. म्हटलं बस्स आता. ठरलं. नियतीने पुन्हा दिलेली ही संधी. हिची माती करायची नाही. आता नाचायचंच!
दिवस कमी होते, कामाचा लोड खूप होता, ग्रूप डान्स कसा बसवायचा, कोणी बसवायचा हा प्रश्नच होता. सोलो डान्सला परवानगी नव्हती. एकट्याने पाच मिनिटे स्टेजवर नाचायची हिंमतही नव्हती. अखेर जमवले. कसे जमवले, ते जमवताना काय धमाल केली, काय चुका केल्या, काय शिकलो, हे सारे अनुभव स्वतंत्र लेखाचा विषय होईल, त्यापेक्षा तुम्ही सरळ खालचा नाचच बघा.
मी नाचतो हाच तेव्हा ऑफिसमध्ये सर्वांसाठी धक्का होता. त्यामुळे या कार्यक्रमानंतर ऑफिसच्या कानाकोपरयात माझी किर्ती पसरली. ज्यांच्याशी कधी कामानिमित्त वा कुठल्याही निमित्ताने संबंध आला नव्हता त्यांच्यातही माझ्या नाचाने माझी ओळख बनवली.
....मग यावर्षी पुन्हा नाचायचे होते. गेल्यावेळचे चारातले दोन मित्र जॉब सोडून गेलेले. एक मी आणि माझी एक मैत्रीण. आम्ही दोघांनीच मग पुन्हा हे शिवधनुष्य पेलायचे ठरवले. गेल्यावेळचे आव्हान वेगळे होते. स्टेज फिअर घालवायचा होता. यावेळी लोकांनी आधीपासूनच धरलेल्या अपेक्षांना जागायचे होते. त्यात यावेळीही प्रॅक्टीसला कमी वेळ म्हणजे फक्त शनिवार रविवारच मिळाले. पण तरीही लोकांच्या अपेक्षांना जागलो. येणारया प्रतिक्रियांवरून तसे वाटले
हा नाचही खालच्याच विडिओत बघा. दोन्ही नाच एकत्रच जोडले आहेत. यूट्यूबवर अपलोड करायला प्रॉब्लेम येत होता म्हणून मायबोलीकरांच्या फर्माईशीनुसार दुसरया एका साईटवर खास माबोकरांसाठीच अपलोड केला आहे. बघितल्यावर प्रतिसाद द्यायला विसरू नका. मिक्स गाण्यांवर सोलो नाच आहेत पण प्रत्येकाच्या नाचात माझा थोडाफार सहभाग राहील आणि माझी नाचाची तसेच चमकोगिरीची भूक भागेल याची काळजी मी घेतली आहे त्यामुळे सारी गाणी, सारे नाच दहा मिनिटे वेळ काढून सुरुवातीपासून शेवटपर्यंत पुर्णच बघा
____________________________
माझे दोन्ही नाच एकत्र ईथे बघू शकता...
https://jumpshare.com/v/VlM4Mbuh5G1NNgrMjPup
____________________________
जो देखे उसका भी भला, जो ना देखे उसका भी भला
मनापासून धन्यवाद,
ऋन्मेष !
अरे हो, शीर्षक माझ्या नाचाचा प्रवास असे दिलेय जरी, पण खरे तर नाचाचा प्रवास आता कुठे सुरू झाला आहे
ओळख टीप -
१) पहिल्या वर्षीच्या डान्स शो मध्ये खलीबली गाण्यावर नाचलेला मी आहे. पुढेही प्रत्येक गाण्यात अध्येमध्ये काळ्या कपड्यात दिसत राहीन.
२) यंदाच्या वर्षी बचना ए हसीनो वर नाचलेला मी आहे. ढगाला लागली कळवर शेवटी पुन्हा एंट्री आहे.
________
कोणाला वरच्या लिंकला प्रॉब्लेम येत असल्यास खालील लिंकवर बघू शकता -
गेल्या वर्षीचा नाच - यूट्यूबवर
https://www.YouTube.com/watch?v=RrY3DLDFRwQ
यंदाचा नाच - फेसबूकवर
https://m.facebook.com/story.php?story_fbid=1337425706426139&id=10000476...
____________
यंदा मागच्या डिजिटल लाईटसमुळे विडिओत चेहरे दिसणे त्रासदायक झाले. पण प्रत्यक्षात लाईव्ह बघणारयांना ते छान दिसत होते. फोटो व्यव्स्थित आले. तरी नाचणारा मीच होतो हा संशय कोणाला पडलाच तर दूर करायला फोटो टाकायचा चान्स घेतो
आदू हो, सगळेच आले की त्यात..
आदू हो, सगळेच आले की त्यात..
आणि माझे माबोवर ईतरही आय्डी असले तर ते ही आलेत त्यात..
अजून कोणाला काही अपेक्षित असेल ते ही सांगा. सगळंच कव्हर करतो
अजून कोणाला काही अपेक्षित
अजून कोणाला काही अपेक्षित असेल ते ही सांगा.>>>नाही रे ऋ, ते थट्टेने म्हटलंय मी,खरंतर तुझ्यावर अभिषेक असल्याचे आरोप होत होते तेव्हा मी तुमच्या दोन्ही id चे लिखाण एकत्र वाचले (निव्वळ रिकामटेकडे काम ),ते भात कोलसावणे, आणि असेच एक दोन सेम शब्द,लेखनशैली,गोलांट्या उड्या यावरून नवखी असूनही सहज लक्षात आले तू आणि अभिषेक एकच असणार म्हणून,पण so what मला तुझे पूर्वीचे लेख खूप म्हणजे खूप आवडले होते आणि मध्यतरी तुझी शैली पार घसरली होती पण आता जर्रशी सुधारणा दिसतेय,त्यामुळे ,"हे धाग्यावेताळ,तुम्ही जरा लिखाण करण्याचं मनावर घ्या.
आदू +७८६
आदू +७८६
मी रोमातून ॲक्टिव्ह अभि आणि ऋ च्या सुरवातीच्या धाग्यांमुळे आलो.
ऋण नेष
ऋण नेष
मला हे सांगा तुमचा नाच संपल्या नंतर किती लोकांनी उभे राहून उस्फुर्त टाळ्या वाजवल्या.
हे तुम्हाला स्टेज वरून माहीत पडणार नाही.
पण प्रेक्षक मध्ये असलेल्या तुमच्या विश्वासू मित्राला विचार.
तीच खरी पोच पावती.
इथे कमेंट देताना कॉमन सेन्स वापरावे लागतात.
त्या मुळे तुम्हाला खरी पोच पावती मिळणार नाही
रुन्म्या, छान नाचलायेस रे
रुन्म्या, छान नाचलायेस रे पोरा ...
खरंतर मलाही ऋन्मेष या
खरंतर मलाही ऋन्मेष या आयडीमागे कोण व्यक्ति आहे ही उत्सुकता होती... आज या धाग्यावर तुमच्या fb account ची लिंक मिळाली.. तेव्हा तिकडे फेरफटका मारला.. @ अभिषेक :तुमची दोन्ही मुलं खूपच गोड आहेत... मायबोलीवर व्यर्थ धागे काढण्यापेक्षा तुमच्या मुलीचे किस्से टाकलेत तर वाचायला आवडेल... खूप गोड आहे तुमची मुलगी..
मंजूताई _/\_
मंजूताई _/\_
मोक्षू धन्यवाद,
दोन्ही पोरं माझ्यावर गेल्याने गोड झालीत खरे..
आणि योगायोग बघा.. पोराचे तर नावही ऋन्मेषच आहे
पण येस्स कधीतरी या ऋन्मेष आयडीने एकदा पोरांचे निवडक किस्सेही टाकायला हवेत.. एका सुण्दर धाग्याची आयड्या दिल्याबद्दल धन्यवाद !
मला हे सांगा तुमचा नाच
मला हे सांगा तुमचा नाच संपल्या नंतर किती लोकांनी उभे राहून उस्फुर्त टाळ्या वाजवल्या.
>>>
पहिल्यांदा नाचलेलो तेव्हा स्टेजवर सोलो डान्स याचेच लोकांना फार अप्रूप वाटलेले. याआधी कंपनीने ग्रूप डान्स पाहिलेले. पण सोलो नाही. कौतुक म्हणाल तर एक अशी व्यक्ती नव्हती जी मला भेटून गेली नाही त्या नाचानंतर. एम डी, सीईओ, बोर्ड ऑफ डिरेक्टर्स, टॉप मॅनेजमेण्ट लेव्हल, आमचे एचओडी, पुर्ण एच आर डिपार्टमेंट वगैरे सारे पर्सनली भेटून कौतुक केलेला मी एकच परफॉर्मर होतो.
अर्थात मी खूप आनंदी झालो. कोणीही होईल. पण हुरळून गेलो नव्हतो. जगात माझ्यापेक्षा चांगले नर्तक परफॉर्मर लाखो आहेत. जगात कश्याला ऑफिसातही कोणी असेल. फक्त आम्ही सर्वात आधी करून दाखवले ईतकेच.
यंदा मात्र आधीच्या ईमेजने तयार झालेल्या अपेक्षांना जागायचे आव्हान होते. लेखात लिहिले नाही पण पुन्हा सारी मंडळी पर्सनली भेटून गेली. ईतकेच नव्हे तर आमचा विदेशी मेन बॉस , सीईओ यंदा भारतात आलेला. तो सुद्धा मला भेटून "गूड डान्स" बोलून गेला. गेले काही दिवस येता जाता जो कोणी त्या शोनंतर पहिल्यांदा भेटतो तो भले ओळखीचा नसेल पण क्षणभर थांबून कौतुक करून नक्की जातो. किंबहुना एवढ्यासाठीच मला यानंतरचे आठदहा दिवस ऑफिसला जायचा उत्साह होता.
बाई दवे, विडिओच्या शेवटी आमचे एमडी हात ऊंचावून टाळ्या वाजवताना दिसत आहेत. एक माझे आवडते व्यक्तीमत्व. ते तसे त्या विडिओत आले याचा आनंद मला जास्त झाला.
मायबोलीवर व्यर्थ धागे
मायबोलीवर व्यर्थ धागे काढण्यापेक्षा >>> याची अर्ध्यापेक्षा जास्त हुशारी यातच वाया गेली.
तुमचा अभिषेक तुम्ही आहात का
तुमचा अभिषेक तुम्ही आहात का ऋन्मेष?
तसे असेल तर तुमची लेक कसली क्युटीपाय आहे जस्ट डीपी पाहून आले.
मायबोलीवर व्यर्थ धागे
मायबोलीवर व्यर्थ धागे काढण्यापेक्षा तुमच्या मुलीचे किस्से टाकलेत तर वाचायला आवडेल... खूप गोड आहे तुमची मुलगी..>>> आहेत ना इथे परीचे किस्से(परीकथा)
मंजूताई _/\_
मंजूताई _/\_
मोक्षू धन्यवाद,
दोन्ही पोरं माझ्यावर गेल्याने गोड झालीत खरे..
आणि योगायोग बघा.. पोराचे तर नावही ऋन्मेषच आहे
पण येस्स कधीतरी या ऋन्मेष आयडीने एकदा पोरांचे निवडक किस्सेही टाकायला हवेत.. एका सुण्दर धाग्याची आयड्या दिल्याबद्दल धन्यवाद !
Submitted by ऋन्मेऽऽष on 9 January, 2020 - 19:58
>>>>>>
नको ऽऽऽऽऽऽऽ
ऋ ची भुमिका वेगळी अन बापाची वेगळी. सरमिसळ नको
बाप म्हणून अभिषेक च योग्य.
धागामालक, परी फेबु स्टेटस भाग १५ च्या प्रतिसादाचा स्क्रीन शाॅट डकवतोय.
मी तर केव्हापासून मागे लागलोय. घ्या मनावर.
ओह.के डीपीचे फोटो दिसतात ना..
ओह.के डीपीचे फोटो दिसतात ना.. तरी विचार करत होतो की प्रायव्हसी सेटींग असते शक्यतो पोरांच्या फोटोंना तर दिसले कसे... तसं दिसण्यात काही गैर नाही
हो, परीकथा मागे टाकायचो.. फेसबूकवर पोरांच काही बाही टाकत राहतोच..किंबहुना तेवढ्यासाठीच फेसबूक वापरतो.
पाफा धन्यवाद... या विकेण्डला
पाफा धन्यवाद... या विकेण्डला वेळ मिळाल्यास शेअर करेन काही लेटेस्ट आधी न टाकलेले निवडक
मायबोलीवर व्यर्थ धागे
मायबोलीवर व्यर्थ धागे काढण्यापेक्षा >>> याची अर्ध्यापेक्षा जास्त हुशारी यातच वाया गेली.
>>>>>
खरंय एका अर्थी...
त्या वाया गेल्याच्या जागी दुसरा काही आनंद मिळाला ही जमेची बाजूही आहेच. फायद्या तोट्याचे गणितात न पडता
जगतोय बस्स. त्यामुळे खंत नाही.. अजूनतरी
> नको ऽऽऽऽऽऽऽ
> नको ऽऽऽऽऽऽऽ
ऋ ची भुमिका वेगळी अन बापाची वेगळी. सरमिसळ नको > +७८६. मी पूर्वीपण एका धाग्यावर लिहलं होतं-
तुमचा अभिषेकपेक्षा ऋन्मेषचे लेखन, प्रतिसाद चांगले असतात.
खरा ऋन्मेष कसला बोका आहे आणि
खरा ऋन्मेष कसला बोका आहे आणि लेक माऊ.
तुझा नवीन वर्षाचा संकल्प होता काय खरी ओळख सांगायचा?
आणि मला दोन्ही बाळं अस्मिता सारखी वाटतात. दिसण्यात. परी तर अगदीच आई आणि मावश्यांवर गेलीये.
काहीही हा सस्मित.. पोरीने
काहीही हा सस्मित.. पोरीने सर्वांचे थोडे थोडे घेतलेय पण दिसायला सर्वाधिक जवळची माझ्यासारखीच आहे हे आता आमच्या दोन्ही घरात मान्य झाले आहे.
तरी आता तुमचे म्हणने खोडून काढायला मला आमच्या दोघांचे एकत्रित फोटो शेअर करावे लागणार...
मुलीचे डोळे अतिशय सुंदर आहेत
मुलीचे डोळे अतिशय सुंदर आहेत
मी पूर्वीपण एका धाग्यावर लिहलं होतं-
तुमचा अभिषेकपेक्षा ऋन्मेषचे लेखन, प्रतिसाद चांगले असतात.>>>अगदी सहमत
पोरीने सर्वांचे थोडे थोडे
पोरीने सर्वांचे थोडे थोडे घेतलेय पण दिसायला सर्वाधिक जवळची माझ्यासारखीच आहे हे आता आमच्या दोन्ही घरात मान्य झाले आहे.>>>>>
पण डोळे आईसारखेच.
ऋन्मे श भावा.
ऋन्मे श भावा.
मुलांचे चेहरे जसे मोठे होतील तसे बदलत जातात
5/6 वर्षाची मुल कोनासारखी दिसतील हे मोठे झाल्यावर समजत.
हुश्श कोण आहे ऋन्मेष ते समजल
हुश्श कोण आहे ऋन्मेष ते समजल एकदाच .आज या धाग्यावर तुमच्या fb account ची लिंक मिळाली.. तुमचा फेसबुक वरचा प्रोफाइल बघितला आणि लक्षात आल मायबोलीवर ची पॉप्युलॅरीटी आणि फेसबुकवरची पॉप्युलॅरीटी यात जमीन अस्मानाचा फरक आहे कि राव . आमच बरोबर उलट आहे कि हो . असो नाचला आहात छान
मी फेसबुकवर नाही. तिथले काही
मी फेसबुकवर नाही. तिथले काही फोटो इथे टाकू शकाल का?
टाक रे इथेही तुझ्या बाळांचे व
टाक रे इथेही तुझ्या बाळांचे व गर्लफ्रेंड म्हणजे बायकोचे फोटो मी पण नाहीये फेबुवर
मी पण नाहीये फेसबुकवर.
मी पण नाहीये फेसबुकवर.
मी पण नाहीये.
मी पण नाहीये.
@ सुजा, @ शून्य फेसबूक
@ सुजा, @ शून्य फेसबूक पॉप्युलारीटी .. तर हो मी फेसबूक फक्त माझ्या पोरांचे फोटो आणि स्टेट्स टाकायला वापरतो. नो किडे चर्चा वादविवाद धिंगाणा नथिंग. पण हेच मी ऑर्कुटवर करायचो तिथे ऑर्कुट सुपर्रस्टार म्हणून ओळखला जायचो. मला ऑर्कुट समूहांचा शाहरूख म्हटले जायचे. थोडक्यात जसे कर्म तसे फळ
@ पोरांचे फोटो....
@ पोरांचे फोटो....
तर माझ्या नाचाचे मला एक कौतुक असेल तर पोरांचे एक हजार कौतुक आहे.
ते देखील प्रत्येकी एक हजार एक..
त्यामुळे नाचाचा एक फोटो एक विडिओ टाकला असेल तर पोरांचे किमान दहा तरी नक्की टाकू शकतो..
वेळ मिळाल्यास आज रात्रीच.. नाहीतर या विकेण्डला नक्कीच
इथे वामा/सक्रिय नसलेल्या
इथे वामा/सक्रिय नसलेल्या आपल्या बायकोचे, पोराबाळांचे फोटो टाकणारे इतर कोणी आहेत का माबोवर?
फारसं बघितल्याच आठवत नाहीय...
अरे कसला खतरू धागा आहे - आणि
अरे कसला खतरू धागा आहे - आणि प्रतिसाद जबरू !!!
ऋन्मेष - छान नाचला आहात ... आधी पण प्रतिसाद दिला आहेच त्याबाबत.
आता प्रतिसाद वाचले आणि बराच खुलासा झाला.
ऋन्मेष म्हणजेच अभिषेक म्हणजेच अंडे हे वाचून जितका धक्का लागला नाही ते पृथ्वीकर म्हणजेच बोकलत वाचून झाला...
स्पॉईलर अलर्ट टाका रे धाग्याच्या सुरुवातीला .....
Pages