सुंठीची कढी

गुटीसाठी दुधात उगाळतात.
या रेसिपीत आंबट ताकात उगाळलेली दिसते आहे. आलं वाटून रस घातला तरी चालायला हवा पर्याय म्हणून.

सुंठ आल्यासारखीच दिसते दिसायला पण वरून पांढरा लेअर असतो. (चुन्याच्या निवळीत भिजवून मग तयार करतात ही माझी ऐकीव माहीती).
आल्यापेक्षा बरीच घट्ट आणि कठीण असते, सहजासहजी मिक्सरमध्येही पूड अशी होत नाही.
या रेस्पीकरता बहुतेक पाण्यात/ताकात उगाळून घ्यायची असेल.

ओके.

आलं वाटून रस घातला तरी चालायला हवा पर्याय म्हणून >> तो पर्यायच व्हायचा वॉटर्डाऊन व्हर्जन वाला. सुंठ बरीच स्ट्राँग असते चवीला आणि आल्यापेक्षा जरा उग्रही असते.

माझ्यामते सुंठपावडर पाण्यात (मिक्सरमध्ये) घुसळून मग गाळून ते पाणी वापरून ही कढी केली तर जवळ जवळ ती चव साधता येईल.

मस्त लेख आणि रेसिपी as usual

नेहमीप्रमाणे खूप सुंदर लिहीलंय ममो!

वाटण्या-कुटण्या-उगाळण्याला मिक्सरचा पर्याय असला, तरी या तिघांत प्रत्येकवेळी चव वेगवेगळी तयार होते, हे निर्विवाद!

सुंठ उगाळत बसणं खरंच वेळखाऊ असतं.
रेसिपी छान आहे ☺️. पुस्तक करायचं घ्याच मनावर!

माहित नसलेल्यांसाठी सुंठ अशी असते..
.

.
.
आल्यापेक्षा बरीच घट्ट आणि कठीण असते, सहजासहजी मिक्सरमध्येही पूड अशी होत नाही.>> बरोबर योकु.
मी पावसाळ्या हिवाळ्याच्या सुरुवातीला चहा मसाला तयार करत असते हमेशा (इथे रेस्पी दिली नाही वाटत). त्यात सुंठ असतेच असते.
डिरेक्ट मिक्सर मधे त्याला बारीक करायला जावं म्हणजे मिक्सरच्या पात्यांवर अत्याचार अन जोडीला कानावरही. म्हणुन तिला मिक्सर मधुन काढण्यापूर्वी बत्त्याने जरासं चेंदून घ्यावं/दणके द्यावे. ती ठिसुळ असते पण भरपूर फायबर्स असल्यामूळे लगेच भूरका/पीठ होत नाही तिच अन मग त्यानंतर तिला मिक्सरमधे फिरवून पावडर करावी हवी तशी.

मी सुंठ फोटो लिंक दिली, कोणीच बघितली नाही, पहाटेच दिली.

आम्ही करतो हि कढी. पद्ध्त थोडीशी वेगळी आहे.
ताकातच सुंठ उगाळतो आणी वरून फोडणी देतो.
सुंठ लागतेच घरात. कफावर उत्तम आहे.
गोकुळाष्टमीला प्रसादात लागतेच. प्रसादात किसलेली सुंठ, सुकं खोबर्‍याचा कीस, खडीसाखरेची पूड, वेलची पूड. मस्तच लागते. गोकुळाष्टमीला आईकडे असेन तर, मी तर वाटीभर खाते अजूनही. आई ओरडतेच चमचाभरच खा.
आमच्याकडे गावी बाळंतीण असेल तर हेच अधून मधून देतात. पोटाच्या विकारावर उत्तम. गॅसेस वर उत्तम.

सुंठ नेहमी असतेच घरी. आलं आणि सुंठ ह्यांचे गुणधर्म वेगळे आहेत.
सुंठ बनवायची पद्धतः आमची आजी आलं साफ पाण्यात धुवायची. उकळत्या पाण्यात काहितरी १०-२० मिनिटे उकळवून मग ताकात भिजवून ठेवायची. ताकात किती वेळ ते माहित नाही. मग कडकडीत उन्हात वाळवायची. परत दुरर्‍या दिवशी हि अर्धी सुकलेली सुंठ ताकात भिजवून वाळवायची. ह्या प्रक्रियेमुळे सुंठीचे गुणधर्म बदलतात.

मिक्सवर वाटू नका, किसणीवर कीसून मग खलबत्यात कुटा. खुप कडक असते.
सहाणीवर उगाळण्याआधी ताकात भिजवायची नाहितर पाण्यात जसे चंदन उगाळतो तसेच.

सुंठ पूड, मध , वेलची, केसराची एखादी काडी आणि लवंगाची चिमटीभर पूड कफावर उत्तम.

किती सुंदर लिहिलेय! पाकृ देखील छान!

@ममो
नेहमीप्रमाणे उत्तमऽऽऽऽ लेख

आणि इतरांसारखी नेहमीची तक्रार फोऽऽऽटोऽऽऽऽऽ.

आणि पुस्तकाचे नक्की मनावर घ्या.
पुलेप्र

छान !!!!

ती सुंठ उगाळल्यावर ओली राहिल्यामुळे बुरशी वगैरे येत नाही का? बळगुटी च्या मुळ्यांबद्दल तसे होऊ शकते असे डॉक्टर्स कडून ऐकले आहे पूर्वी.

पुसून वाळवून ठेवायचं उगाळलेलं टोक. नीट काळजी घेतली तर नाही बुरशी वगैरे येत.

वेगळिच रेसिपी आहे एक्दम!
रामजन्माला सुन्ठवडा वाटला जातो , सुठ खलबत्त्यत घालुन कुटुन मग चाळुन घ्यावी लागते त्यात पिठीसाखर मिसळली जाते , अगदी चिमटीने खायचा प्र्कार असतो , सुन्ठ पुड तिखट असते आल्यापेक्षा खुपच!

किती सुंदर लिहिलेय! पाकृ देखील छान!>>+१

खूप भारी लागते ही कढी. आई पोट दुखत असले की करून द्यायची लहानपणी. खापरी नसल्याने लोखंडाच्या पळीचा चटका द्यायची. तेंव्हा घरी सुंठ, रक्तचंदन, सुत्शेकर मात्रा अशी औषधे उगाळायला वेगळी सहाण होती आणि चंदन उगाळायला वेगळी सहाण.

एकदा हुक्की आल्याने मी रेडिमेड सुंठ पावडर वापरून करून बघितली होती - ब्ये का र लागली.

रामनवमीच्या सुंठवड्याची रेसिपी पण द्या कुणीतरी.

>>>गोकुळाष्टमीला प्रसादात लागतेच. प्रसादात किसलेली सुंठ, सुकं खोबर्‍याचा कीस, खडीसाखरेची पूड, वेलची पूड. मस्तच लागते. गोकुळाष्टमीला आईकडे असेन तर, मी तर वाटीभर खाते अजूनही. आई ओरडतेच चमचाभरच खा.<<<<

+१११
देवीका, सुंठवडा म्हणतात त्याला.

आम्ही ह्याच रेसीपीने सुंठवडा बनवतो. आजकाल लोकं काजू काय ,बदान काय, खारीक पूड आणि बेदाणे असे काहीही टाकून पंचखाद्य बनवावे तसे बनवून सुंठवडा विडिओ टाकतात. पारंपारीक रेसीपीत, मोजून तीनच आयटम असतात खोबरं, सुंठ पूड आणि खडीसाखर कुटून.

मनीमोहोर,
बरेच लोकं करतात की हि कढी.

सुंठीची कढी नाही प्यायली कधी, पण बाकीचे पदार्थ वाचून तोंपासु! सुंठ, पिठीसाखर आणि तूप घालून सुंठीची गोळीही करतात, थंडीच्या दिवसात, आलेपाक खातो तसंच खायची ही गोळी, थंडी बाधू नये म्हणून.
दूध-गूळ पोह्यातही सुंठीची चिमट घातली तर ऑसम चव लागते. सध्याच्या काळात दूध-गूळ पोहे ही फारच जुनाट रेसिपी झाली पण आम्ही खातो हुक्की आली की. मी लहान असताना कधी कंटाळ्याची भूक लागून भुणभुण करायला लागले की आजी तेल-तिखट-मीठ पोहे नाहीतर दूध-गूळ पोहे द्यायची. चैनच चैन!
मी रेग्युलर कढीत नेहेमीच आलं घालते, आता एकदा सुंठही घालून बघेन. सुंठीचं खोड आणायला हवं, आयुर्वेदिक औषधींच्या दुकानात मिळेल बहुतेक.
ममो, तुमच्या रेसिपीज नेहेमीच नॉस्टॅलजिक करतात

सहाणीवर उगाळण्याआधी ताकात भिजवायची नाहितर पाण्यात जसे चंदन उगाळतो तसेच.>> मी हेच ममोला विचारायला आली होती. इथे दिल्याबद्दल धन्यवाद देवीका..

रामजन्माला सुन्ठवडा वाटला जातो , सुठ खलबत्त्यत घालुन कुटुन मग चाळुन घ्यावी लागते त्यात पिठीसाखर मिसळली जाते , अगदी चिमटीने खायचा प्र्कार असतो >> हो आमच्या घराकडे जे रामजन्म करतात तिथेपन असतो हा प्रकार प्राजक्ता. फक्त रामजन्मालाच करतात हा सुंठ्वडा.

आलं पाण्यात उकळवुन ते उन्हात सुकवलं की त्याचि सुंठ बनत असावी. कारण आमच्याकडे ओल्या हळदीचे गड्डे खणुन काढल्यावर मोठ्ठ्या कायलीत उकळलेल्या पाण्यात त्यांना शिजवतात आणि नंतर सुकवतात तेव्हा त्यांचे हळकुंड बनते. आलं आणि हळद एकाच कुळातील असल्याने हळकुंड बनविण्याचीच पद्धत सुंठ बनवायला लागु होत असावी असा माझा कयास..!

वेगळाच विषय पण किती छान लिहिलंय...

अरे दत्ताचा प्रसाद गुरुवारी पण सुंठवडा असतो ना? तो खोबरे सुंठ खडीसाख र वाला मी खाल्ला आहे लहान पणी. टिपिकल टेस्ट. आल्यापेक्षा अगदी वेगळी. सर्वांनी आज होमवर्क म्हणून एकेक इंच आले घेउन या. व सुकवायला ठेवा आणि फोटो टाका.

आलं सुकवुन सुंठ बनत नाही.. ते आलं सुकुन काडी होतं आणि फेकुन द्यावं लागतं

सुंठ कढी हिट आहे.

इथे लोकांना सुंठ माहित नाही हे वाचुन आश्चर्य वाटलं मला. असं कसं सुंठ माहित नाही?

आलं सुकवुन सुंठ बनत नाही.. ते आलं सुकुन काडी होतं आणि फेकुन द्यावं लागतं>>> कसं बनतं ते सांगा की मग

सस्मित, सुंठ ऐकून माहित आहे पण कधी बघितल्याची आठवत नाही.