स्वयंपाकाची भांडी आणि उपकरणे

दक्षे, फोडणीचा डबा विसरलीस. आताच नविन घेतला, म्हणुन मला लगेच आठवलं.

मावेसाठी प्लास्टिक नो नो. बोरोसिल महाग आहे, पण येराचे बाउल्सही मिळायला लागले आहेत (ब्रन्डनेम आठवत नाहीए. घरी पहायला लागेल.) मस्त आहेत आणि बोरोसिलच्या तुलनेने स्वस्त. तेच ३-४ वेगवेगळ्या आकाराचे ( size म्हणायचं आहे मला) आणुन ठेवले कि काम झालं. कुकिंगला, उरलेलं अन्न काढायला किंवा सर्विंगला उपयोगी पडतात. प्लास्टिकपेक्षा काच साफ करायला सोपी आणि अगदी पटकन स्वच्छ होते.

मने प्लॅस्टिक नो नो का?

अगं त्या मावेच्या धाग्यावर पण वाचलं होतं मी. लिंक्स पण होत्या आणि चर्चाही झाली होती तिथे.

थोडक्यात सांगायचं तर - प्लास्टिक उष्णतेमुळे काही गॅस आणि केमिकल्स रिलिज करतं, ते अन्नपदार्थामधे मिसळणं अपायकारक आहे (कॅन्सरस) असं काही वाचलं होतं. (तरी मावे कंपन्या प्लास्टिकचीच भांडी का बरं देत असतील?)
थांब तुला लिंक देते शोधुन. दुसरं म्हणजे प्लास्टिक साफ होत नाही नीट. पिवळे डाग रहातातच.

योडी, मुंबादेवीच्या देवळाजवळ होलसेल भांडी विक्रेत्यांची एक गल्ली आहे. तिथे "संसार सेट" हवाय असं सांग. दीड हजारापासून दहा हजाराप्र्यंत भांड्याचे सेट आहेत (विक्रेत्यानी लिस्ट तयारच ठेवलेली असते आपण वाचली तरी बास. ) सेटव्यतिरिक्त भांडी घ्याय्ची असतील तर तीही मिळतात. होलसेल विक्रेते असल्याने जरा स्वस्त पण पडतं.

स्टीलचा डिनर सेट घेऊन टाक सरळ. तो मस्तपैकी एका दप्तरातूनच येतो. कुणी आलंगेलं तरच वापरायचा असतो म्हणून आरामात माळ्यावर पण ठेवता येतो.

लोखंडी कढई लवकर खराब होऊ नये म्हणून काय काळजी घ्यायची? कशी स्वच्छ करायची? धुवून दरवेळी लगेच कोरडी करून ठेवायची का?

लोखंडी कढई खराब म्हणजे काय गं? तळणीचं म्हणतीयेस का?
नाहीतर एरवी कशानेही घासा आणि ओले निथळले की पुसून घ्या म्हणजे गंजणार नाही एवढी काळजी पुरेशी आहे.

अगं गंजच म्हणायचं होतं मला. ती पुसावीच लागते का म्हणजे लगेच असं विचारायचं होतं.

आधी आंबट काहीतरी आणि मग सोप वापरून धुवायची. (इथे स्टील क्लीनर पावडरनेही चांगली निघते). लगेच पुसायची आणि तेलाचा अगदी पुसट हात लावून ठेवायची. (इथे ऑइल स्प्रे मारून किचन टॉवेलने पुसून ठेवते मी.)

नाही पुसली तर चढतो गंज जिथे ओलं राहतं तिथे. मग ते नंतर पुसायचं.. हा का ना का....

हां.. हे करून बघते स्वाती.. नी...खुखु.

अरे हो हे तेलाचे विसरलेच. तळणीच्या कढईला कधी गंज चढत नाही.

आयकिया मध्ये एक छोट्या मुलांना खायला देताना उपयोगी पडेल असा मस्त सेट मिळतो , काटे,चमचे,बटर नाइफ़ आणि एक्दम छोटुला चमचा असा ..मला वाटत फ़ार महागही नव्हता, ५ किंवा सहा डॉलरला....आणि तो विकत घेतानाच त्याला ते ड्रॉवरमध्ये सेपरेट राहावं म्हणून drawer organizer सहित असतं...खूप छान आहे....आणि तसंही मुलांना किती चमचे लागत असतात ते पटकन मिळतात ...कुणी माझ्यासारखं आयकिया मधल्या छोट्या छोट्या वस्तू आवडणार्‍यांतलं असेल तर नक्की पहा...नंतर जमल्यास त्याचा फ़ोटो टाकेन..पण ते दुकानात सगळ्यात खालच्या माळ्यावर जिथे स्वयंपाकघरात लागणार्‍या वस्तू, बरण्या इ. असतात तिथे शोधलं तर मिळेल...

हे इथे झालंय की नाही माहित नाही.
प्रेशर पॅन/ छोटा प्रे कु मधे त्यातच फोडणी करून शिजवतो (मु डा खि किंवा तत्सम) अश्या वेळेस हार्ड अनोडाइज्ड चांगला की स्टेनलेस स्टील?

नी स्टिल नको घेऊ. बेबी प्रेशर कूकर घेणार असशील तर जर्मन चा घे. हार्ड आनोडाईज्ड चा फायदा इतकाच की त्यात केलेलं अन्न बराच वेळ गरम राहतं. पण वजनाला बराच जड, धुवायला अवघड असतो. फोडणी घातलं की जिन्नस चिकटतात सुद्धा.

छोटा बेबी स्टीलचा मस्त आहे. चटकन शिट्टी देतो. स्टीलचे बुड आहे त्याला. अ‍ॅल्युमिनियम कुकर मधे ड्बे ठेवणार असाल तरच वापरावेत, नाहीतर स्टील बेस्ट
माझ्या कडे अन बहिणीकडे हॉकिन्सचा बेबी कुकर आहे. ती त्यात फोडण्या सुध्दा करते (मुडाखी, भाजी इ.इ.) मी कढईत परतून मग कुकरात शिजवते. तिचा बॉटम (कुकरचा) ता म्बडा झाला.. माझा ३ वर्षापासून वापरतेय, मस्त आहे.

माझ्याकडे हार्ड अनॉडाईज्डचा हंडी टाईप बेबी प्रेशर कूकर (प्रेस्टिज) आहे. त्यात मी उसळी/भाज्या/खिचडी/सूप असं काय काय बनवते. धुण्यासाठी एवढा त्रास पडत नाही. मी वापरून झाला की लगेच पाणी घालून ठेवते. अजून तरी पदार्थ कधी खाली चिकटला नाही.

मला मावेमध्ये वापरता येतील अशी भांडी हवी आहेत. कुठे मिळतील? आंतरजालावर सोय असेल तर कृपया धागे देणे.

जर्मन चा <<< म्हणजे?

प्रेस्टिजमधे स्टील, हार्ड अनोडाइज्ड आणि अ‍ॅल्युमिनियम एवढेच ऑप्शन्स आहेत. अ‍ॅल्युमिनियमचा नक्की घेणार नाही. ते चांगलं नाही अजिबात.

माझ्याकडे घरी प्रेस्टिजचा हा.अ‍ॅ. कुकर आहे. ज्यात मी अजून तरी लंगड्यांमधेच वस्तू शिजवल्यात. डायरेक्ट काही शिजवले नाहीये. त्याचा तळ घासून घासून पांढरा पडू लागलाय. दोन वर्ष पण नाही झाली. त्यामुळे शंका आहे.

हा नवीन कुकर बाबाच वापरणारेत आणि त्यांचा वापर रफ आहे. कामवाल्या बाईला मेटलची जाळी घेऊन वस्तू घासल्या नाहीत तर मनास बरे वाटत नाही (;) ) आणि बाई नीट घासत नाही म्हणून स्वतःच घासणे हा ऑप्शन नाहीये.

नी, स्टेनलेस स्टीलच बेस्ट मग. पण त्यात फोडणी वगैरे करपेल का?

माझी बाई हा. अ‍ॅ. ची सर्व भांडी नॉन् स्टिकचीसमजून नाजुकपणे घासते. मी तिचे अज्ञान दूर करायला जात नाही.

स्टेनलेस स्टीलचा सॅ. बॉ असतो प्रे पॅन. तो मी भरपूर वापरलाय/ वापरतेय. ग्रॅड स्कूलला असताना कुकर आणि कढई असा दोन्ही वापर करायचे मी त्याचा.
पण तसा सेम छोटा मिळाला तर ठीक अन्यथा हंडी बिंडी बघावं लागेल.

ही चर्चा आधी झाली आहे की नाही ते माहीत नाही. भारतात माझ्या साबांकडे हार्ड अ‍ॅनोडाईज्ड कढई आणि तवा आहे. कढई अशी दिसते आणि तवा असा. पण अमेरिकेत आणि युकेतही दुकानातून जी 'अ‍ॅनोडाईज्ड' असे लिहिलेली भांडी मी आणली आहेत ती नॉन-स्टिकसारखीच आहेत दिसायला. आधीच्या लिंकमधील कढई आणि तव्यावर पदार्थ हमखास चिकटतील असे वाटते तर हे नॉन-स्टिकवाले दिसणारे बिनधास्त वापरता येतात. हा फरक कशामुळे ? जर वरुन नॉन-स्टिक कोटिंग असेल तर त्याचे सगळे दुष्परिणाम ह्याला लागू होणार की. हे अजून एक इथून घेतलेले.
नॉनस्टिक दिसणार्‍या अ‍ॅनोडाईज्डचे कोटिंग निघते, भारतातल्या हार्ड अ‍ॅनोडाईज्डचे नाही निघत हा अजून एक फरक.

बोरोसिलची काचेची भांडी मावेमध्ये चालतात असं आम्च्या शेजारच्या काकूंनी सांगितलं, ते कितपत बरोबर आहे, प्लीज कुणीतरी सांगा. मावेसोबत दिलेली फायबरची भांडी (इडलीचे एक पात्र आणि दुसरी दोन झाकणवाली भांडी) आहेत. पण त्यात अन्न शिजवता येतं का???

अ‍ॅल्युमिनियम च्या वापराचा अल्झायमर्सशी संबंध आहे.

धन्स मंजुडी.

अगं पण त्या कुकर्समधे डायरेक्ट शिजवायचो का आपण? माझ्याकडे तरी मी कधी डायरेक्ट शिजवलेलं बघितलं नाही. कुकरमधे स्टीलच्या लंगड्या ठेवून वस्तू शिजवल्या जायच्या.
आणि हे संशोधन नंतर झालेले असू शकते ना.

साधारण १०-१५ वर्षापूर्वीपासूनच घरातला अ‍ॅल्युमिनियमचा वापर माझ्या आईने याच कारणास्तव कमी केला होता. कढया वापरल्या तरी लगेच ती वस्तू काढून ठेवायची दुसर्‍या भांड्यात, थोडीशी भाजी/ मसाला खाली लागला असेल तर किंवा साखि ची खरपुडी असं काहीही खरवडून खायला मनाई होती. अ‍ॅल्युमिनियमची पातेली तर अक्षरशः वाळीत टाकली होती.
आता माझ्या आधीच्या पिढीकडे हा अवेअरनेस होता तर मी अज्ञान कसं काय पांघरणार?
बाकी मी अ‍ॅल्युमिनियम बद्दल विचारतच नव्हते म्हणा.. असो.