साबुदाणा खिचडी फॅन क्लब

साखित रताळ्याच्या किस चांगलाच लागत असणार. माझी आजी साखि मऊसर व्हावी म्हणून काकडी किसून टाकायची. बरी लागत असेल. मी साखि कध्द्दीच आवडीने खात नाही. कधीतरी नाइलाजाने खाल्ली असेल..

पार्टीला जाताना सुंदर स्लीव्हलेस इव्हनिंग गाऊन वर जाडा स्वेटर चढवल्यासारखं

>> अय्यो, तुम्ही पार्टीला जाताना गाऊन घालता?अन तोही स्लीवलेस? ऐ ते न. आमच्याकडे बै स्वयंपाकघरात गाऊन घालतात अन तो ही बाह्यांचा !

मस्त गप्पा . मेधावि, सहीच किस्से चुळचुळ मुंगळा म्हणजे काय ?!!

चुळबुळी लहान मुले

खरच माहित नाई? म्हण आहे ती - चुळ्चुळ मुंगळा, पळी पळी तेल..

चुळबुळी लहान मुले >>> आमच्या घरीही ही म्हण घाऊक प्रमाणात वापरली जात असे.

चुळ्चुळ मुंगळा, पळी पळी तेल..>>. अर्थ काय?

मेधावीच्या पोस्टस एक्दम नॉस्टॅलिजिक करणार्‍या आहेत,

साखि फॅ. क्लबमध्ये सा. वड्यांची पोस्ट टाकणं फारच अस्थायी होईल का?

तळण नको म्हणून आप्पेपात्रात सा. वडे केले परवा. चांगले लागले.

काल सा खि केली आणि खाल्ली तेव्हा कुठे जीव शांत झाला!

रायगड, ही अयडीयेची कल्पना भारीये. सा खि चे वडे केलेस की कसे? जरा उचकटुन सांग न!

अमेरिकेत बी पी गोल्ड ब्रँडच्या साबुदाण्याचा अनुभव चांगला आहे. साखि मस्त मोकळी होते.
मेधाविच्या पोस्ट्स खरंच मस्त आहेत एकदम.

इरफान खान अमिताभला म्हणतो ना - कमाल है आप हर बात को पेटसे कैसे जोड देते है. तसं झालं मला - कमाल है, आप हर बात को आप्पे से कैसे जोड देते है....

(आप = मीसकट एकूणातच सगळे मायबोलीकर )

मेधाविच्या पोस्ट्स खरंच मस्त आहेत एकदम.>>> +१ हे मघाशी लिहायच राहिलं होतं.

मेधावि, आजेसासुबाई अगदी डोळ्यासमोर आल्या. त्यांच्या अजुन रेसिपी असतील तर नक्की लिही. त्यांच्या खास शैलीतच!

सीमंतीनी

ते रायगडने केले होते तसे वडे मी पण एकदा केले होते. हेल्दी आहेत हे कळतं असा क्रिटीक्सचा रिमार्क मिळाला

सीमंतीनी

सीमंतीनी >> तरी नशिब आप्पे- सा.वड्यांचा फोटो याच बाफ वर टाकला. पहिले त्या बाफवरच टाकणार होते. पण अगदीच मार बसेल असं वाटून इथे टाकला.

आज सकाळीच या धाग्याची आठवण झाली.. संकष्टीमुळे साखिचा नाष्टा करुन हापिसात आले.

टिने अग टिव्हीलेस आहेस ठिक आहे पण कॅलेंडरलेस पण आहेस कै?

आज विनायकी आहे ना?

आज विनायकी आहे ना? >>> नाही ग संकष्टी आहे.. विनायकी अमावस्येनंतर येते.

टिना,

आज माझ्या कडे पण खिचडी .
ताक घालून साबुदाणा भिजवणार होते पण राहिलेच

आज माझ्याकडेपण खिचडी, नवऱ्याला डब्यात बरेचदा उपासाचे थालीपीठ देते, आज खिचडी केली.

गेला आठवडाभर साखि खायचा मुड होता पण योग नव्हता, शेवटी काल मम्मीला सांगीतले की डब्याला साखीच दे.

मग काय आज अगदी पहाटे च साखी खाल्ली, ऊरलेली डब्याला घेवुन आली.
मजा म्हणजे साखी सोबत तोंडलावणी म्हणुन तळलेले अंडे खाल्ले. थोडे विचीत्र कॉम्बी पण मस्त लागले.

अगदी बारीक साबुदाणे आणलेत.
ते ही मोठ्या साबुदाण्यासारखेच रात्रभर भिजवायचे ना?

पर्ल साबुदाणा मी तरी खिचडी करायच्या 20 मिनिटे आधी भिजवते. या साबुदाण्याला जास्त पाणी, जास्त भिजवलेले तसंच अधिक आच चालत नाही. पटकन होतात.
कृपया पॅकेटवर भिजवण्यासाठीच्या instructions पहा.

पॅकेटवर भिजवण्यासाठीच्या instructions नाहीत. अपना बाजरचं पॅकींग आहे. ते तसं काही छापत नाहीत.

या साबुदाण्याला जास्त पाणी, जास्त भिजवलेले तसंच अधिक आच चालत नाही.>>>
२० मिनिट आधी किती पाण्यात भिजवायचे?