फिल्टर कापी

पूनम, कॉफी पावडर ताजी आहे का? डबा उघडला की घमघमता वास आला पाहिजे.
मी एकाच कपासाठी पाणी फार थोडं घेते अगदी तीन चार चमचे म्हटलं तरी चालेल. पाणी केवळ कॉफीच्या डिकॉक्शनसाठी घ्यायचय.

डबा उघडला की घमघमाट हे बरोब्बर!!
मी निम्म दुध निम्म पाणी घेते. डिकॉक्शन तयार होइपर्यंत दुध ही उकळवायच. अन मिक्स करायच.

हो कॉफी ताजी आहे. घमघमाट येतो आहे. मला वाटतं, पाणी जास्त होत असावं. प्रयोग चालू आहेत. मनासारखा रिझल्ट मिळेपर्यंत चालू राहतीलच

हा माझ्याकडचा फिल्टर -> कराफे किंवा ब्रुअर किंवा मॅन्युअल ड्रिप कॉफी मेकर

वरच्या स्टीलच्या जाळी असलेल्या भांड्यात कॉफी पावडर भरून वरून पाणी ओतायचं. १५-२० मिनिटात ५-६ कप कॉफी तयार (इथे पाणी उकळण्याचा वेळ जमेस धरलेला नाही. जर कमी कप कॉफी असेल तर अजून कमी वेळ लागतो). मी शक्यतो युगांडन बगिसु किंवा व्हिएतनामीज कॉफी वापरतो (मध्यम जाड दळलेली, उसगावात मिळणार्‍यांपैकी या मला आवडतात). या दोन्ही कॉफी भारतीय प्रजातीला जवळच्या आहेत आणि यांची चवही फार कडवट नसते.

माझ्याकडच्या कापि मशिन ला डिकॉक्शन गोळा करणार्‍या भांड्याला वॉर्मर आहे. त्यामुळे पाच कपापुरता अर्क गोळा होइपर्यंतही तो गार होत नाही.

पूनम, कॉफी पावडर चार चमचे आणि पाणी अर्धा कप घेऊन पहा..

चार चमचे कॉफी? आणि त्यातुन अर्धा कप मिश्रण तयार होणार. हे साधारण किती दुधात वापरायचे?

मीही करुन पाहिली पण अजुन तितकिशी जमत नाहीय. मला फक्त एक कप कॉफी करायचीय कारण मी सोडून अजुन कुणी नाहीये कॉफीप्रेमी इथे. माझ्याकडे सेम फोटोतला फिल्टर आहे.

मी एका मोठ्या मग साठी (माबो मग) दोन स्कूप कॉफी + त्याच मग नी अर्धा ते पाऊण कप पाणी असं घेऊन डिकॉक्शन करतो. त्यात बरीच स्ट्राँग कॉफी होते.

ओके. म्हणजे अर्धा कप तयार झालेली त्या, त्यात दिड कप दुध घालुन २ कप कॉफी. मी परत करुन बघते. तयार कॉफी परत दुधात घालुन गरम करायची आयड्या बरीय. मला अर्धवट थंड चहा/कॉफी अजिबात आवडत नाही.

ट्रायल एरर करताना कंटाळलात तर सरळ मद्राश्यांच्या हॉटेलात जाऊन विचारुन घ्या नक्की ते लोक कशी बनवतात ते

ओके, कॉफी पावडरचं प्रमाण वाढवून आणि पाण्याचं कमी करून बघते. मी एका कपाला अर्ध्यापेक्षा कमी पाणी आणि सव्वा चमचा कॉफी घेत होते.

केश्वि, ते एका कपाचं प्रमाण कसं सांगतील? त्यांच्याकडे एका पिंपाचं माप असेल! मग त्रैराशिक मांंडून एका कपाचं माप काढायचं का?

सांगतील गं. विचारुन तर बघ! हे प्रकरण थोडं आधी गेल्या बुधवारी उपटलं असतं तर माटुंग्याला आनंद भुवन मध्ये जाऊन पक्कं विचारुन आणि कॉफी पिवून आले असते. माटुंग्याला गेले असताना बाहेर खाणं झालं तर ते आनंद भुवन किंवा मद्रास कॅफेमध्येच होतं. नीर डोसा आणि वर फिल्टर कॉफी.

कॉफीचा एक तोटा आहे ना? शरिरातील पाण्याचे प्रमाण कमी होते रोज रोज कॉफी घेतल्यानी आणि त्वचा कोरडीठक्क पडायला सुरवात होते.

कॉफीचा एक तोटा आहे ना? शरिरातील पाण्याचे प्रमाण कमी होते रोज रोज कॉफी घेतल्यानी आणि त्वचा कोरडीठक्क पडायला सुरवात होते. >>> बहुतेक सगळ्या अम्मा तर छान तुकतुकीत चकचकीत स्कीनच्या असतात. त्यांच्याकडे तर आपल्यापेक्षा जास्त कॉफी पितात.

मनिमाऊ, आपण जिथे राहतो तिथले हवामान लक्षात घेणे गरजेचे आहे. थंड प्रदेशातील हवामान गार असते म्हणून त्यांची त्वचा कोरडी पडत नाही. भारतासारख्या देशात फक्त हिवाळ्यात गार वातावरण असते. तरीही युरप अमेरिकेच्या तुलनेनी आपल्याकडचे हवामान उष्णच म्हणायला हवे. म्हणून मला वाटतं सगळ्या अम्मा तुकतुकीत चकचकीत स्कीनच्या असतात. ह्याला अजून एक कारण म्हणजे तिथले पाणी, धुळरहित वातावरण, पोषक आहार ईद्यादी.

मॅगी, शीर्षक बदलशील का प्लीज? ते 'कापी' वाचताना कसेतरी वाटते. कॉफी कर.

नाही ssssss कापी च हवं..

थंड प्रदेशातील हवामान गार असते म्हणून त्यांची त्वचा कोरडी पडत नाही. >> नॉय.. थंडीत स्कीन ड्राय होते ना?

तमिळनाडू थंड प्रदेशामध्ये???? इथली हवा गार??? इथले पाणी आणि धूळविरहित वातावरण???

आज अजून काही वाचायलाच नको!!!!

कॉफीचा एक तोटा आहे ना? शरिरातील पाण्याचे प्रमाण कमी होते रोज रोज कॉफी घेतल्यानी आणि त्वचा कोरडीठक्क पडायला सुरवात होते.>>>

थंडीत स्कीन ड्राय होते ना?>>> प्रश्न काय विचारतेस अवनी? तुझी त्वचा कोरडी पडत नाही का थंडीत?

तुम्हीतर कोणतेबी प्रतिसाद शिरीयस घेऊन राहिलात राव

मी अनुभवली आहे युरप आणि अमेरिकेतील थंडी. माझ्या अनुभवानुसार तिथल्या थंडीने त्वचा कोरडी नाही पडत. इतकेच काय अकोल्याची थंडी आणि पुण्याची थंडी पण केवढी तरी वेगळी आहे. अकोल्याच्या थंडीमुळे त्वचा कोरडी पडून कोंडा निघतो आणि सगळी त्वचा आक्रसते. तर, पुण्याच्या थंडीत ओलावा वाटतो. मी नेहमी माझ्या आईला आणी पुतणीला थंडीत हे सांगत असतो की आता एक आठवडा अकोल्याला गेलो की त्वचेची वाट लागेल. तर मला हे म्हणायला आहे के युरप अमेरिकेच्या थंडीमधे ओलावा सुद्धा असतो.

शब्दाली तू पण तेच करते आहेस.

माझी होते थोडीफार.. तो प्रश्न आधीच्या प्रतिसाद कर्त्या ला विचारलाय

बी, आर्द्रता नावाचा एक प्रकार असतो. ,त्या मुळे अकोल्याची अन पुण्यातली अश्या थंड्या वेगवेगळ्या वाटत असतील.
युरोप अम्रीकेची थंडी पण सरसकट एकाच ओलाव्यात?
असो , कॉफी पिउन ड्राय् झाली स्किन तर कोल्ड क्रिम लावायच .

फिल्टर कापी (हो हो कापीच! खबरदार कोणी कॉफी म्हणाल तर! ) महाप्रचंड आवडती आहे. आमच्या मणीजच्या फिल्टर कापीची सर आख्ख्या जगात कुठे येणार नाही.

माझ्या एका तेलगू मैत्रीणीनं फिल्टर कापी फिल्टर न वापरता करण्याची एक युक्ती सांगितली. एका स्टिलच्या भांड्यात हवी तितकी कॉफी घालायची आणि वरून चांगलं उकळलेलं पाणी ओतून लगेच व्यवस्थित बसणारं झाकण लावायचं. वाफा आतल्या आतच राहिल्या पाहिजेत. मग हे भांडं २-३ तास ( पूर्ण गार होईपर्यंत) तसंच ठेऊन द्यायचं. गार झाल्यावर झाकण काढून (हो बाई, डिटेल्स सांगितलेच पाहिजेत नाहीतर शंका उपस्थित होतात.) वरचं पाणी हलकेच दुसर्‍या भांड्यात ओतून घ्यायचं. हे डिकॉक्शन. मग यात दूध, साखर घालून गरम करून फिल्टर कापी प्यायची.

***********************************************************************

रच्याकने, मी आता आयडी स्पेसिफिक धमाल धागे काढायच्या विचारात आहे. एनी सजेशन्स?

या धाग्याची बी कापा-'कापी' चालू झाली का?

रायगड
फिल्टर कापीच असते, तेव्हा कापीच असुद्या.
(मायेचा) ओलावा त्या ह्या ठिकाणच्या थंडीत नाही?? एतेन.
इन्ना, कोल्ड क्रीम लावलं तर त्वचा कोल्ड पडत नाही का? का हा काट्याने काटा काढायचा प्रकार आहे?

शनिवारी इंडीतल्या पटेलकडे इंडीयन ग्रोसरी केली तर तिथे चक्क $१२ ला कॉफी फिल्टर विकायला होते. हे फ्राचाइज वाले दुकान आहे. तेव्हा इतर लोकेशन्सना चौकशी केल्यास उपलब्ध होइल असे वाटते.