तांदुळजा मूगडाळ परतून भाजी

हां मग रेड लीव्ज असेल तर मी ती करते बर्‍याचदा. मी कांदा, लसूण आणि हिरवी मिरची घालून करते ही भाजी. मुगाची डाळ घालून नाही पाहिली कधी.

Masta recipe! My favourite!

सायो, आमच्या इकडे तांदुळजा/तांदुळजो असंच लिहीलेलं पाहिलं आहे.

मस्त. आता दुकानात असली पानं ज्या जुडीला असतील ते घेऊनच येते, नाव न पहाता.

तांदुळजा, लाल माठ आणि राजगिरा या सगळ्या वेगवेगळ्या भाज्या आहेत. पुणे ग्रामीणमधे राहात असल्याने आम्हाला सहज उपल्ब्ध व्हायच्या या भाज्या. कोणीतरी देठाच्या भाजीचा पण फोटो आणि पाकृ टाका.

तांदुळजा, हिरवा माट, चवळी, लाल माट(पोकळा) ह्या सर्व भिन्न भाज्या आहेत.

तांदुळजा पचायला अत्यंत हलकी अशी भाजी परंतू अंगची चव फार खास नाही.

छान आहे रेसिपी.
आता दुकानात असली पानं ज्या जुडीला असतील ते घेऊनच येते, नाव न पहाता.>>>+१

तांदु़ळजा म्हणजे चाकवत का?

( ह्या धाग्यात श्रावण-घेवडा potential निर्माण होतंय की काय? )

तांदुळजा, लाल माठ, पोकळा, हिरवा माठ, राजगिरा, चवळी, आंबट चुका, अंबाडी, चाकवत (आणि हो, पालक, मेथी आणि अळू सुद्धा!!!) हे सगळं वेगळं आहे!
आणि आमच्या घराखालच्या बाजारात हे वेगळं मिळतं. (एकदा हिरवा माठ = राजगिरा असा वाद भाजी घेणार्‍या दोघींत चालू होता त्यामुळे ते जरा क्न्फ्युजिंग असू शकतं. मी त्या जुड्या नीट बघितल्या की सांगेन.)

लाल माठ वेगळा, पोकळा वेगळा.

प्रज्ञा, सर्व भाज्या मिळतात म्हणतेस ना तुमच्याकडे, सर्वांचे फोटोज टाक बरं इथे...

मलाही चवळी वाटली. तांदुळजा नाही आणली/केली कधी. किंवा चवळी समजुन आणलीही असेल कधी.

ह्या भाजीतली मुगडाळ ३-४ मिनिटात शिजली का? जरी भिजवलेली असली तरी शिजायला जरा जास्त वेळ लागेल ना डाळीला भाजीपेक्षा.

बरं मग तांदुळजा म्हणजे नक्की कोणती पालेभाजी?

अकु, मस्त रेसिपी. मला सोप्या रेसिप्या भारी आवडतात.

मस्तच अकु.

रायगड, खरंच टाकते. संध्याकाळी शेतातल्या ताज्या खुडलेल्या भाज्या येतात. जरा सवडीने टाकते.
काल मोहरी आणि करडई होती बाजारात. करडईने कहर पित्त झालं एकदा म्हणून बॅन केली मी.

फोटो मस्त आहे भाजीचा.. स्पेशली दुसरा फोटो.
पहिल्या फोटोतली भाजी मला पण चवळी वाटतेय

करडई जाम पित्तकारक असते मी तर त्याच कारणाने कित्ती दिवसात केली/ खाल्ली नाहीये.

इकडे राजगिरा आणि तांदुळज्याचा फोटो मिनोतीने दिला आहे - http://www.vadanikavalgheta.com/2012/04/blog-post.html

आमच्यात हिरवा माठ म्हणतात हिला

भाज्यांचे फोटो आणि नाव अस काम करायला पाहिजे .
लय गोंधळ होतो !

हां येस्स पूनम.

सॉरी अकु! मला चवळी नाही, हिरवा माठच म्हणायचे होते. वरती चवळी वाचल्यावर सगळा घोळ झाला.

माझ्या माहितीप्रमाणे,

तांदुळजा **, पोकळी, माठ आणि राजगिरा वेगवेगळ्या भाज्या आहेत.

तांदुळजा, पोकळी, माठ : यांची खास बिया पेरून लागवड केली जात नाही, तर त्या अशाच नैसर्गिकरित्या उगवतात. उंची जेमतेम वितभर असेल.

राजगिर्‍याची लागवड केली जाते. चांगल्या वाढलेल्या रोपात याच्या तुर्‍याचीच उंची फुटभर असते. खाली खोडाची उंची कमीतकमी दीडफूट तरी.

माझे ठोकताळे साधारण असे.:
तांदुळजा छोटी पाने. बुटकी रोपे. जून झाल्यावर हीच्या रोपाला अगदी लहानसे बारीक पांढरट/पोपटी तुरे असतात.
माठ पसरट पाने.
पोकळी लालसर पाने.
चवळी म्हणजे लागवड करून वाढवलेली तांदुळजा असते की काय माहीत नाही.

** तांदुळजाला आमच्याकडे 'तांदळीची भाजी' असे म्हणतात.

राजगिर्‍याचा तुरा:

छान रेसीपी, फक्त ही तांदुळजा शोधावी लागेल..

तांदुळजा मी कांद्याबरोबर परतलेलाच, लसुणयुक्त खाल्लाय लहान्पणापासून. असाही करून पाहेन.
गुजरातेत ही भाजी सहज मिळते, शेपू बराच कमी मिळतो. लाल-हिरवा कोणताही माठ (भाजीचा) मिळत नाही. तसेही मराठवाड्यातही पोकळा,ला.हि. माठ पाहिल्याचे आठवत नाही भाजीबाजारात.
करडई तर आम्ही स्वतः खुडून आणायचे फिरून येताना घरी. याचा घोळाणा मस्त होतो.

http://www.agrowon.com/agrowon/20150120/5112451834809626963.htm

या लिंकवर व्यवस्थित माहिती आहे.

राजगिरा, तांदुळजा वगैरेचा उलगडा केल्याबद्दल धन्यवाद.
दिनेशदा अ‍ॅग्रोवनच्या लिंकसाठी धन्यवाद.

माझा विश्वास बसत नाही तुम्हा मुलींना इतक्या परिचित भाज्या माहिती नाही!!!!!

बापरे, काय कन्फ्युजन आहे.

मी हिरवा माठ, लाल माठ या नावानं भाज्या आणल्यात. तांदुळजा हे नाव फक्त ऐकलंय. घरात राजगिरा आहे तो पेरून बघू काय कशा प्रकारची भाजी उगवते ते?