मटण चॉप्स

Submitted by अमेय२८०८०७ on 2 November, 2015 - 03:25

मटण चॉप्स - 8 ते 10
(जाड असतील तर एखाद्या जड वस्तूने थोडे फ्लॅट करून घ्यावेत)

मॅरीनेशन - घट्ट दही 2 टे स्पू , आले लसूण पेस्ट 2 टी स्पू , तिखट 1 टी स्पू (किंवा आवडीनुसार), धणे जिरे पावडर - 1 टे स्पू, हळद अर्धा टी स्पू , गरम मसाला 1 टे स्पू अर्धा कांदा बारीक चिरून, कोथिंबीर बारीक चिरून, अर्धा टे स्पू लिंबाचा रस, व्हिनेगर 1 टी स्पू, चिमूटभर साखर, चवीनुसार मीठ, पाऊण टे स्पू मैदा, अर्धा टी स्पू तेल
सर्व एकजीव करून घ्यावे.

चॉप्स परतण्यासाठी दोन-तीन टे स्पून तेल

चॉप्सना मॅरीनेशन लावून किमान अर्धा तास ठेवावे

नॉन स्टिक फ्राईंग पॅनमध्ये तेल गरम झाल्यावर चॉप्स पसरून घालावेत
पाच मिनिटे मोठ्या आंचेवर एका बाजूने परतून घ्यावेत
नंतर दोन्ही बाजू दहा दहा मिनिटे झाकण लावून, मध्यम आंचेवर परतून घ्याव्यात. आंच कमी असेल तर शक्यतो खाली लागणार नाहीत पण तसे दिसले तर अगदी चमचा चमचाभर पाणी मधून मधून घालत रहावे. आवडत असेल तर शेवटच्या दहा मिनिटांत हळद- मीठ लावलेल्या कांद्याच्या चकत्याही फ्राय करून घेता येतील.

चॉप्स चांगले शिजल्यावर काढून घ्यावेत.

वाह शेफने या सोबत "Curry Leaves-Coconut Rice रेकमेंड केला होता तोही लगेहाथ केला. सोपी कृती आहे

कढीलिंबाची 15-20 पाने, पाऊण वाटी खोवलेले ओले खोबरे, दोन लसूण पाकळ्या, एक छोटी हिरवी मिरची, छोटा चमचा चिंच पेस्ट आणि आवडत असेल तर अगदी थोडी कोथिंबीर थोड्या पाण्यासोबत (नारळाचे पाणीही चालेल) बारीक मसाला वाटून घ्यावा.

पाऊण वाटी तांदळाचा मोकळा भात करून घ्यावा.
कढईत तेल किंवा लोणी गरम करून त्यात कढीलिंबाचा वाटलेला मसाला परतून घेऊन, चमचाभर पाणी व मीठ टाकून भातही नीट परतून घ्यावा.

Lamb Chops2.JPG
(फोटोत फ्रीजमध्ये उरलेल्या कोल्हापुरी ओल्या मसाल्याची झटपट केलेली ग्रेव्हीही आहे,

दुसरे म्हणजे चॉप्सचा हातात धरायचा भाग मॅरीनेट करायच्या आधी सुरीने व्यवस्थित खरवडून घेतात, शेफ भाषेत त्याला Frenching म्हणतात. मी कंटाळा केला त्यामुळे टोकाशी जरा जळलेत पण बाकी चॉप्स मस्त शिजले)

ग्रेव्हिसाठी:

दोन मीडियम कांदे उभे चिरून
आले साधारण अर्धा इंच चिरून
लसूण पाकळ्या 8-10
सुके खोबरे अर्धी वाटी (कापून/किसून)
ओले खोबरे खोवून पाव वाटी
टोमॅटो दीड बारीक चिरून
तीळ तीन टी स्पून
जिरे अर्धा टी स्पून

हे सर्व थोड्या तेलात खरपूस भाजून घेणे. ओले खोबरे आणि टोमॅटो सर्वात शेवटी टाकणे.

भाजलेले जिन्नस थोड्या कोथिंबीरीसोबत आणि पाणी घालून मिक्सरमधून बारीक वाटून ओला मसाला करून घ्या.

कढाईत थोडे तेल गरम करून मसाला चांगला परतून घ्या. तेल सुटले की कांदा लसूण मसाला (किंवा काश्मीरी तिखट) एक टे दीड टे स्पून धणे जिरे पावडरसोबत परता. नंतर हवा तितका पातळ/दाट रस्सा होईल इतपत गरम पाणी घालून चांगली उकळी काढा. चवीपुरते मीठ आणि गरम मसाला घालून दोन मिनिटे शिजवा.

स्रोत : वाह शेफ

विषय: 
Group content visibility: 
Public - accessible to all site users

विदर्भात दिवाळीत मांसाहार करत नाहीत, हे चूक आहे.
>>

ऑ? कोणी सांगितलं? बाजूच्या सावजीवाल्याची टपरी जोर पकडून असते दिवाळीत Wink

अरे देवा, मी तर रोजच मासे खाते, श्रावणात , गणेशोत्सव आणि संकष्टीला आवर्जुन मांसाहार करते शिवाय एकही वार पाळत नाही. पदयाञेच्या वेळेस नाईलाजाने शाकाहारी खावे लागते कारण अतिशय गर्मी आणि जागरण यामुळे पोट खराब होण्याची शक्यता असते. या संकष्टीला घरच्यानी जबरदस्तीने मांसाहार करु दिला नाही तर मी सरळ हाॅटेलात जाउन चिकन हाणलं. कुणावरही जोरजबरदस्ती करुन काही साध्य होत नाही असे माझे वै.म.

वैद्य, ती दोन आयडिंचि दोन वेगवेगळी वाकये आहेत. 'दिवाळीत विदर्भात मांसाहार करत नाहीत ' हे एक वाक्य आहे आणि ' हे चूक आहे' हे दूसरे वाक्य आहे. दोन्ही वाक्ये एकत्रित लिहिणाऱ्या आइडिला पहिले वाक्य चूक आहे असे म्हणायचेय. तुमच्या प्रतिसादावरून दूसरा आईडी बरोबर आहे असे वाटतेय.

इन्ना दिवाळीच्या दिवसात टाकलाय हां पदार्थ. मंगल वातावरण असताना मांसाहार? असा टॉपिक चाल्लाय.

दिवाळीच्या दिवसात म्हणजे दिवाळीच्या आठवडाभर आधी मांसाहारी रेसिपी लिहिणे हाच गंभीर गुन्हा आहे. त्यातून काही संस्कृतिबुडवे भाऊबीजेला मांसाहार करतात. कसं वाटेल त्या बिचार्या संस्कृतीला?

इथली बुडलिय हो कधीच. ईथे उद्या वसुबारस तरी आमच्याकडे अजुन कंदील पण लागले नाही. तिकडे परदेशात बघा.

आयला खरेच की...... उग्गिच नाही टीपापा शिव्या खात एवढ्या, आम्ही फोटो किती छान म्हणत गुंगलो होतो तर यांची नजर नेमकी तारखेवर....

: ☺

इथली बुडलिय हो कधीच. ईथे उद्या वसुबारस तरी आमच्याकडे अजुन कंदील पण लागले नाही. तिकडे परदेशात बघा.>>>>> Lol हेच आमचे बिचारे झक्की म्हंटले तर लोकं वाईट कावतात. येन्य्यायनैनेन्न्याय हय! Lol

बेफि, मला तरी कोणाचीही खेचण्यात रस नाही. पण तेच परत परत त्यांच्या बाफांवर उल्लेख करताहेत.

अरे, पण दिवाळीत किंवा एरवीही कोणी काय खावं हे दुसर्‍याच कोणी का सांगावं? आपल्या देशात खाण्याच्या मुद्द्यावरून काय काय पेटलेलं असूनही इथे कोण काय खातंय यावरून त्याला जज करणं, विशिष्ट प्रकारच्या आहाराबद्दल आग्रही असणं बघून थक्क झाले.

अमेय, मटण चॉप्सची कृती मस्त. इथे मिळाले तर नक्की करून बघणार.

रमड, सगळे इथे तेच तर सांगतायत. पण ते समजण्याइतकी मॅच्युरिटीच नसेल तर काय?

>>अरे बास करा राव! तुम्ही त्यांची नव्हे, ते तुमची खेचत आहेत.<<

ह्म्म्म शक्य आहे बेफिकिर, मला हि असं जाणवतं अधुन-मधुन.

यावरुन द युज्वल सस्पेक्ट्समधल्या केविन स्पेसीचं एक कोट आठवलं - द बिग्गेस्ट ट्रिक ए डेविल एवर पुल्ड वाज कन्विंसिंग द वर्ल्ड दॅट हि डिडंट एक्झिस्ट...

बायदवे, चिकन चॉप्स हा प्रकार अस्तित्वात नाहि (रिब्स असुन नसल्यासारखे), कोणि क्रिएटिव शेफ ने बनवले तर वाचायला आवडेल...

Pages