हिरव्या टमाट्याची चटणी

Submitted by मंजूताई on 5 October, 2015 - 02:55
लागणारा वेळ: 
२० मिनिटे
लागणारे जिन्नस: 

- हिरवे टमाटे पाव किलो
- डाळव दोन टेबल स्पून
- तीळ दोन टेबल स्पून
- जिरे एक टेबल स्पून
-हिरव्या मिस्पून, मीठ, गूळ, कोथिंबीर, कढीपत्ता चवीप्रमाणे
फोडणीच साहित्य

क्रमवार पाककृती: 

टमाटे धुवून फोडी करुन घ्या. एका कढईत जिरे,तीळ व डाळवं भाजून काढून घ्या. त्याच कढीत अर्धा चमचा तेल घालून फोडी, हिरव्या मिरच्या टाका. झाकण ठेवून फोडी मऊ होईपर्यंत शिजवून घ्या त्यात चिरून कोथिंबीर घाला. मिश्रण गार होऊ द्या. सगळे जिन्नस एकत्र करुन चटणी वाटा. वरुन खमंग हिंगाची फोडणी घाला.



वाढणी/प्रमाण: 
आवडीप्रमाणे
अधिक टिपा: 

ज्वारी, बाजरीच्या भाकरी बरोबर चांगली लागते. ब्रेडला लावून छान लागते.
ह्या चटणीत लसूणही छान लागतो मग गूळ घालायचा नाही

माहितीचा स्रोत: 
आई
पाककृती प्रकार: 
प्रादेशिक: 
शब्दखुणा: 
Group content visibility: 
Public - accessible to all site users

मस्त वाटतेय रेसिपी .

अजून १०-१५ दिवसात बागेतले सर्व टॉमेटो काढावे लागतील. हिरवे टॉमेटो इतके निघतील की हापिसात आणून वाटावे लागतात. या रेस्पीने थोडी चटणी करुन ठेवता येईल

मस्तं वाटतेय करुन बघेन. हि.टो. ची भाजी लेकीच्या आवडत्या भाज्यांपैकी एक, तिला चटणीही आवडेलच त्यामुळे

माझ्या साबा पण करतात पण रेसिपी थोडी वेगळी आहे. घटक पदार्थ बरेचसे सारखे. फक्त डाळं नाही, आणि सुकं खोबरं वापरतात. प्रथम थोड्या तेलात जीरे, तीळ, खोबरं, हिरवी मिरची (ह्याच क्रमाने) तळून घेणे. मग उर्वरित तेलात (साधारण १ छोटा चमचा तेल सुद्धा पुरतं) हि.टो. परतून घेणे. आणि गार झाल्यावर तळलेले सर्व पदार्थ+कोथिंबीर+थोडा लसूण +मीठ+ साखर घालून मिक्सर मधून काढून घेणे. आणि हि चटणी केली कि फाफडा (पापडी) पाहिजेच!

सध्या हिरवे टोमॅटो बाजारात भरपुर दिसत आहेत. आम्ही फक्त भाजी करायचो आतापर्यन्त.
आज आणतेच, चटणीसाठी. Happy