पेरूचं पंचामृत

सुंदर फोटो आरती.

नेहमीचं पंचामृत आहे घरी फ्रिजमध्ये बाटलीत भरून ठेवलेलं.. आता पेरुचे तुकडे फोडणीत परतून त्यात घालते ते पंचामृत.
फक्त पेरू पूर्ण पिकलेला घ्यायचा की कच्चा/ हिरव्या सालीचा घ्यायचा?

आमच्याकडे पण याचं पध्द्तीने करतात. पेरु पुर्ण पिकलेला आणि बिया नाही घेत इतकच.

वा , छान आहे पाककृती

सत्यानारायणाच्या पुजेला पण चालत का हे पंचामृत?

मस्त दिसत आहे.

ओके

ओहो..सही दिसतय..
पण मिरचीचा तिखतपणा कसा उतरणार यात ?

पेरु पुर्ण पिकलेला आणि बिया नाही घेत इतकच.
>>>
पेरूच्या बिया वेगळ्या कशा काढायच्या गं?

रीया, सुरीने किंवा चमच्याने बियांचा भाग कोरून काढून टाकायचा.

अगं म्हणजे गरच काढून टाकायचा
मग ते तर सालीचं पंचामृत झालं न नुसतं?

रीया मोठे हिरवट पेरु घे. ( आत्ता आलेत बघ बाजारात) त्यात बीया कमी दिसल्या मला.

आरती मस्त पाकृ. जरुर करणार. फोटो फार छान आलाय.

रीया, पेरुची साल इतकी पातळ नसते गं पिकलेल्या पेरुची उभी फोड हातात धरुन दोन्ही टोकांच्या बाजुने हलकी फाकवली तर बियांचा भाग आपोआप सुटून येतो

मस्तच, मला आवडते

आम्ही पण बीया नाही घेत कारण बिया फार कचकचतात दातात.
त्यासाठी कमी बियांचे , मोठे , दळदार , अलहाबादी पेरु घ्यायचे.

आरती , मस्त रेसिपी

त्यासाठी कमी बियांचे , मोठे , दळदार , अलहाबादी पेरु घ्यायचे.>> ममो, हे ठाण्यात कुठे मिळतात हे हातासरशी सांगूनच टाक. आणि ते नेमके अलाहाबादीच आहेत हे ओळखण्याची खूणही सांग.

त्यासाठी कमी बियांचे , मोठे , दळदार , अलहाबादी पेरु घ्यायचे. > हे मी गृहीत धरलं रीया सॉरी गं

फोटो मस्त.

ओके
माझ्या साठी हा प्रकार पुर्नपणे नविन आहे तरीही पेरू आवडतो त्यामुळे करून पाहीन

छान प्रकार... असेच अर्धवट पिकलेल्या केळ्याचे पण करतात.

छान प्रकार... असेच अर्धवट पिकलेल्या केळ्याचे पण करतात.>>

बापरे पंचामृताच्या नक्की किती पाककृती आहेत? मला फक्त दोनच माहिती होत्या. आणि माझी अशी व्याख्या होती की पंचामृत म्हणजे त्यात पाच घटक आलेत. पण इथे आरतीने जी कृती दिली त्यात पाचापेक्षा अधिक घटक आहेत.

या पंचामृतातले पाच घटक म्हणजे तीळ, शेंगदाणे, खोबरं, चिंच आणि गूळ.

पानाच्या डाव्या बाजूला वाढण्यासाठी जे पंचामृत करतात त्यात हे पाच प्रमुख घटक असतात. मग त्यात आवडीप्रमाणे काजू, बेदाणे, मनुका, जर्दाळू, अंजीर घालतात, किंवा आरतीने लिहिलेय तसा पेरू किंवा दिनेशदांनी लिहिलंय तसं केळंही घालतात. मी पेरू वा केळं घातलेलं पंचामृत अजून खाल्लं नाहीये. पंचामृतात बाकी फोडणी, गोडा किंवा गरम मसाला, हिरव्या मिरच्या किंवा लाल तिखट, कढीपत्ता इत्यादी व्यंजनं आपापल्या आवडीप्रमाणे चव वाढवण्यासाठी/ खुलवण्यासाठी घालतात.

हे पाच घटक वापरून भाज्या करतात त्यांनाही पंचामृती कारली, पंचामृती तोंडली, पंचामृती वांगी अशी नावं आहेत.
आमच्याकडे सर्वसाधारणपणे भरली वांगी अशी पंचामृतीच केली जातात. मसाल्यात कांदा क्वचितच घालतो आम्ही.

सुंदर दिसतंय अगदी !
पेरुच्या लोणच्यातला पेरु आवडत नाही त्यामुळे हे आवडेल का शंका आहे.

गोड पंचामृत म्हणजे दही, दूध, तूप, साखर आणि मध.

पण हे पुजेसाठीच तयार करून नंतर मटकावून टाकलं आहे हे वापरून केलेल्या पाककृती जास्त ठाऊक नाहीत (स.पुजेचं तीर्थ वगळता) परवाच हे घटक वापरून केलेला पराठा वाचला.

आमच्याकडे काकडी आणि भेंडीचं पंचामृत करतात. ते बहुतेक उपवासाला चालतं.

मस्त आंबटगोड लागत असणार.. सही रेसिपी.
मैत्रिणीकडून (यूपीच्या) अजून एक कृती समजली, छान आहे नैवेदयाला..
नैवेदयाचं पंचामृत (उत्तर भारतीय):
साहित्यः गोड दही २ कप, दूध अर्धा कप, साखर पाव कप, मध २ टे.स्पून, मखाने (कमळबीजाच्या लाह्या) १० आणि पाच/सहा तुळशीची पाने.
कृती:
एका मिक्सिंग बोलमधे दही, दूध, साखर, मध नीट मिसळा. त्यात मखाने ४ तुकडे करून मिसळा आणि तुळशीची बारीक चिरलेली पानं घाला. नैवेदय तयार