पुणेरी दाल तडका ..................................अर्थात फोडणीची आमटी

हहपुवा

एक वाटी तुरडाळीचे वरण
>> हे कसं करतात ते कुठं शोधायचं ते नाही दिलंत. हे म्हणजे वडापाव करायच्या पाककृतीत ४-५ बटाटवडे, तेवढेच पाव, लसूण चटणी, हिरवी चटणी, चिंचेची चटणी, हवा असल्यास कांदा, वगैरे टाकून वडे पावात चटण्या टाकून कसे भरावे याची पाककृती देण्यासारखे झाले.

आमच्या नाशिक भागातही करतात असे फोडणीचे वरण. आणि आंबटगोड वरण करताना त्यात चिंच +गुळ वापरतात.

आम्ही पण असच करतो हे सांगताना ती अस्मिता जास्त महत्वाची>>>> हो हो रीया .. माझ्यात मुबैंकर अस्मिता नसल्याने मी हार्टलेस तर नाहीये ना

छे छे , अस सगळ एकत्र का केलंय
हिरवी मिरची घातली की फोडणीचे वरण
लाल तिखट घातल की आमटी .
आमच्या आमटीला दाल तडका म्हणाल्या बद्दल निषेध निषेध

स_सा.. यू टू !!!!

आमच्या कोकणात यात भरपूर ओलं खोबरं घालतात. ताजा कढीपत्ता आणि हिरव्यामिरच्या हव्यातच. (मिरच्या म्हणजे दीडच. उगाच खंडीभर घालायला आपल्या अस्मिता पेटलेल्या नाहीत)

जाई

छान लिहीली आहे..

अरारारारारा...

कोथिंबीर म्हणजे काय?

मस्त रेसिपी.. आम्ही पण अशीच करतो आमटी!
एक से एक प्रतिसाद

कोथिंबीर म्हणजे काय? >> सांभार म्हणा .. कोतमीर म्हणा.. ४ काड्या महत्वाच्या

कोथिंबीर घेताना कढीपत्ता फुकट मिळते म्हणुन जास्त घालू नये. >>> या एका वाक्यात ही पाकृ कोणत्या शहरातील आहे हे लगेच लक्षात येइल. हे वाक्य वाचताना अस्सल पुणेकर मनातल्या मनात "ह्म्म्म. पॉइंट आहे" असे म्हणूनच पुढे जाईल.

तिखटाचे प्रमाण अत्यंत नगण्य असल्यामुळे लहान मुलांना विशेष करून आवडते. >> हे मी "लहान मुलांना व पुणेकरांना विशेष करून आवडते" असे वाचले चुकून.

पाव चमचा >>> चहाचा चमचा (टीस्पून) असतो माहीत होते. पावाचाही असतो हे नवीनच ऐकतो.

या एका वाक्यात ही पाकृ कोणत्या शहरातील आहे हे लगेच लक्षात येइल. हे वाक्य वाचताना अस्सल पुणेकर मनातल्या मनात "ह्म्म्म. पॉइंट आहे" असे म्हणूनच पुढे जाईल. >>> फारेंड.

पाव चमचा हे मला वाटतं पुण्यातलं स्पेशल प्रमाण आहे. नेहमीच्या चहाच्या चमच्याच्या पावपट असा तो चमचा असेल.

आम्ही मायबोलीवर टाकायला वापरतो>>> आज मामीने काय ग्रहण/ प्राशन केलय?

पाणी >> हे शक्यतो भाज्या / कडधान्ये वगैरे शिजवलेले पाणी असावे. किंवा लोणकढे तूप केलेल्या पातेल्यात खाली थोडा साका उरलेला असतो. त्यात पाणी घालून ते उकळावे व असे उकळलेले पाणी वापरावे. डाळ शिजवण्याअगोदर अर्धा तास किमान कोमट पाण्यात भिजवून ठेवली तर ती चांगली शिजते. ती शिजवताना त्यात थोडा हिंग, किंचित मीठ, हळद व तेलाचा एखादा थेंब घालावा.
कढीपत्ता नसेल तर कढीपत्त्याच्या काड्याही आमटीला कढीपत्त्याचा स्वाद देऊ शकतात.
कोथिंबीर नसल्यास कोथिंबिरीच्या काड्या.
आमटीला छान तवंग हवा असेल तर फोडणीत किंचित साखर टाकावी किंवा फोडणीत तिखट घालताना तेलात वरून ते नेम धरून बचक्कन् घालावे! ( )

अस्सल पेठी पुणेकर तवंग किंवा तर्री वाली आमटी खातात होय? काहीही हं अकु

आणि तिखट क धी ही फोडणीत घालायचं नसतं हा बेसिक नियम

हो, घरी क्वचित होणार्‍या तवंगाच्या आमटीचं प्रकरण हे मराठवाड्याच्या प्रभावाचं प्रतीक असावं!

हिरवी मिरची ही टांगण्यासाठी असते.

यू टू?
ते असो, आमटी झकास होत असणार! तुमच्यात रात्री पाटपाणी कधी घेतात, म्हणजे वेळेत पोचायला बरं आपलं. सकाळची थोडी भाजी, पोळी चालवून घेऊ गरम आमटी भातासोबत
आमटी मात्र मातोश्रींना करायला सांगा, तुमच्या हातची पुढच्या वेळी चाखू.

अमा, वरदा, मामी, टू गुड

हे पा.. चिंगूनाना(भरपूर नारळ) या रेसिपीत नसल्याने आमची पेठी अस्मिता दुखावलेली आहे. तेव्हा त्याचं काय ते बघा आधी..

नी, चिंगुनानामधला शेवटचा ना कुणासाठी राखिव आहे ग?

कंस वाच बरं..

स_सा,

वरणाला फोडणी घातली की ती माझ्याकरता आमटीच असते.:फिदी:( तुम्ही फोडणीचे वरण म्हणा हवे तर) मग त्याच्यात व्हेरीएशन्स असतात. चिन्च-गुळ/ आमसुल-गुळ/ कैरी-गुळ/ लसुण/ कढीपत्ता/ आले ( तोय )/ मुळ्याचे/ वान्ग्याचे/ गवारीचे/ शेवग्याचे, अजून यादी लाम्बवता येईल.

तर स-सा तुम्ही ससा असुनही यात वेगळा कट करुन गाजर न घातल्याबद्दल तुमचा जाहीर निषेध.

तुम्ही ससा असुनही यात वेगळा कट करुन गाजर न घातल्याबद्दल तुमचा जाहीर निषेध.
<<
<<