चामडी कडक्क नव्या बुटांना नरम कसे करावे?

Submitted by limbutimbu on 8 July, 2015 - 07:13

नुकतेच माझ्या मित्राने मला एक मिलिटरी टाईप चामड्याच्या बुटांची जोडी भेट दिली आहे.
घालुन बघता असे लक्षात आले की या बुटांचे चामडे खुपच जाड व कडक आहे.
त्यामुळे बुट पायाला चावतो. (म्हणजे त्यास दात/तोंड नसते पण कातडीला घासून घासुन जखमा होतात).
असे कोणते उपाय आहेत की ज्यामुळे चामडे कायमस्वरुपी नरम पडून बुट घालणे/वापरणे सुखकारक होईल?
पाणी वापरले असता (जसे न्हावी दाढी/कटिंग करायचे आधी लावतो) चामडे नरम पडते आहे, पण तात्पुरते. पाणी वाळून गेल्यावर जसेच्या तसे कडक होते.
तेल वापरावे असे वाटते, पण कोणते तेल जास्त उपयोगी होईल? स्व:स्त अन मस्त उपाय हवाय.
बुट कोणत्या प्राण्याच्या कातड्यापासून बनविलेला आहे व कोणत्या प्राण्याच्या कातड्यावर तो चढविला जाणार आहे त्यावरही कडक/नरमपणा अवलंबुन असतो का?
कृपया जाणकार/तज्ञांनी सल्ला द्यावा.

विषय:

आरोग्य

शब्दखुणा:

Groups audience:

Group content visibility:

Public - accessible to all site users

शेअर करा

झाले का बुट नरम?

Submitted by राहुल१२३ on 31 October, 2015 - 15:12

अद्याप नरम झाले नसल्यास: बूट

अद्याप नरम झाले नसल्यास:

बूट जिथे चावतात ती नमेकी जागा मार्क करुन (बुटांवर, पायावर नव्हे) बूट चांभाराकडे घेउन जावेत.
आणि ती मार्क केलेली जागा व्यवस्थित आकारात कापून घ्यावी. दोन्ही बूंटांना सारखे आकार कापून घ्यावेत आणि त्यावर शोभेल अशा टाक्यांनी शिवण मारुन घ्यावी.
याने बूट चावण्याचा त्रास थांबेलच शिवाय पुढील भागात हवा खेळती राहील.

बूट घालून अति थंड प्रदेशात जायचे असल्यास मात्र हे चालणार नाही.

आम्ही एकदा रोहतंग पासला मनालीवरुन बाईकने गेलो होतो. माझा उजवा बूट पुढे किंचीतसा उसवला होता. पण तेवढ्याने पाय अर्ध्या तासात गारठला.

तेव्हा अशा ठिकाणी बूट घालून जायचे असल्यास हा उपाय चालणार नाही.

Submitted by मानव पृथ्वीकर on 1 November, 2015 - 00:17

चामडी कडक्क नव्या बुटांना नरम

चामडी कडक्क नव्या बुटांना नरम कसे करावे?
चालते व्हा ! १०,००० स्टेप्स अ डे