रायवळ/गोटी आंब्याचे सासव(सासम).....फोटोसहित

करुन पाहिलं विकांताला. मस्त झालं होतं. धन्यवाद मानुषी

मी केलेलं ह्या वर्षीच, आंबे नारळ दोन्ही घरचं ह्या वर्षी. अप्रतिम लागत. खर तर मसाला काही नाहीये ह्यात पण तरी ही भन्नाट चव येते. मी नेहमी उकळूनच करते पण.

फोटो तर भन्नाट टाकलाय मनिमोहर..!! पण हे उकळल्यावर काही फुटत वगैरे तर नाही ना..?? गरम आंबा कसा खायचा..

हा कुठल्या प्रांतातला प्रकार आहे..? मी या आधी कधीही असं काही ऐकलं नव्हतं की बघितलंही नव्हतं....

पण एकदा करून बघेन... अर्थात असे छोटे छोटे रायवळ आंबे मिळाले तर.

हे उकळल्यावर काही फुटत वगैरे तर नाही ना..>>>>> खळखळून उकळी आणायची नाही.

कोकणातला प्रकार आहे.मलाही हे अजिबात आवडायचे नाही.मी कधीही खात नव्हते.पण ५-६ वर्षांपूर्वी एकीने विचारले की तुमच्यात सासव करतात ना? मला करून देशील का? तेव्हापासून खायला सुरुवात केली.आता आवडायला लागले.
तसा अजून एक प्रकार आहे अनसाफणसाची भाजी! ही मात्र अननस आणि फणस याची शुद्ध वाट आहे.

धन्यवाद देवकी... या पदार्थाचं मूळ सांगितल्याबद्दल

तुम्ही पण लिहा ना अनसाफणसाची पाकृ

नको. २ छान फळांची वाट!
कालच काप्या फणसाचे गरे खाल्ले आहेत.त्याला जागले पाहिजे.

Dj, थॅंक्यु ... अजिबात फुटत नाही. त्या रश्श्यात मुरलेले आंबे जबरदस्त लागतात.
मेथी, मोहरी आणि लाल मिरची नारळाचा स्वाद अप्रतिम लागतो. नुसत्या आठवणीने ही तोंडाला पाणी सुटलं बघा.

मनीमोहर, आता तुम्ही एवढं तोंंडाला पाणी सुटून सांगताय तर मी खरेच करून बघेन. माझी खरेतर आंब्याला अशी फोडणी देण्याची अन उकळत ठेवण्याची मानसिक तयारी होत नव्हती.. पण तुमच्या प्रतिसादाने धाडस आलंय.

दशेरीचे करून बघेन,

लालबाग आंब्याचेही छान होतील

मनीमोहोर , मस्त फोटू

मनीमोहर मस्त फोटो. मी पण यावर्षी 3 दा केले होते पण फोटो नाही काढला.
मी पण उकळी काढून च केले होते. शिजवल्या मुळे सगळे लवकर एकजीव होते आणी नंतर मस्त लागते.

पण आंबे थोडे आंबट असतील तर मज्जा येत असेल ना..? कारण रायवळ गोटी आंबे आधीच भयंकर गोड असतात त्यात अजुन गूळ टाकला म्हणजे पाकाला फोडणी दिल्या सारखं नाही का होणार..?? मला असं वाटतं की थोडे कमी पिकलेले आंबे बरे पडत असतील.. की पिकलेले आंबेच घेऊ..??

दशेरीचे करून बघेन,..... दशहरीचे नका करू.त्या आंब्याला त्याचा एक वेगळा वास असतो.त्यापेक्षा लालबागचे करून पहा.ते साधारण झाडी /रायवळ आंब्यासरखे असतात.

>>मेथी, मोहरी आणि लाल मिरची नारळाचा स्वाद अप्रतिम लागतो

प्रचंड अनुमोदन. मी ह्या विकांताला पुन्हा आंबे आणून करणार आहे

आंबे गोड असतिल तर अजुन गुळ घालुन पाकाला फोडणी दिल्यासारखे अजिबात वाटत नाही. आंबे गोड असेल तर कमी गुळ घालायचा. भाजलेलया मोहरी मुळे वेगळी छान चव येते.

आंबे पिक्के तरी ही कडक घ्यायचे. म्हणजे ते रश्श्यात उकळले की छान मऊ होतात. अगदी मऊ नाही घ्यायचे.
तसेच हे गरम गरम पेक्षा एक दोन तास करून ठेवून मग परत गरम करून खाल्ले की जास्त छान लागत मुरलेलं खायला.

रायवळ, बिटकीचे आंबे, आंब्याची गोटे हे प्रकार फार गोडमिट्ट नसतात. उलट जरा (जास्त) आंबटसरच असतात. आणि हेच चांगले लागतात सासवामध्ये. कलमी आंबे ह्यात घालून वाया घालवू नयेत.
मोहरीला संस्कृतमध्ये ' सार्षप ' म्हणतात. त्यावरून मोहरीदार पदार्थ म्हणजे सासव म्हणतात. सरसों हा शब्दादेखील ह्या सार्षपा वरूनच आला आहे.

रेसिपी मस्तच. फोटोही छान.

हेमाताई मस्त फोटो.

कोकणातला प्रकार आहे >>> हो का. मी समजतेय गोवा, कारवारकडचा प्रकार. कोकणात माहेर, सासर असून कोणी केलं नाही हे, हाहाहा. त्यात माहेरी तर रायवळ आंब्याचे विविध प्रकार होते, तरीही नाही माहिती.

हिरा नेहेमीप्रमाणे छान माहिती.

अमुपरी, मनीमोहर, हीरा सासव बद्दलचे माझ्या मनातील किंतू-परंतू दूर केल्याबद्दल धन्यवाद..!!

मोहरीला संस्कृतमध्ये ' सार्षप ' म्हणतात. त्यावरून मोहरीदार पदार्थ म्हणजे सासव म्हणतात.>>>> वॉव हीरा!

हे पण पहा.https://www.maayboli.com/node/66112

माझी आवडती डिश

वेगळी पाकृ. करून बघावेशी वाटतेय. पण खरेतर डीजेंनी म्हटल्याप्रमाणे आंब्याला अशी फोडणी देण्याची अन् उकळत ठेवण्याची मानसिक तयारी नव्हती.

गर शिजवून केले, कोयी घेतल्या नव्हत्या

काल मीही केले होते.यावेळी उरलेल्या हापूस(कोवळे असल्याने आंबट होते) आंब्याचे सासव केले.प्रचंड भन्नाट झाले होते.खोबरे आणि भाजलेली मोहरी फक्त घातली.यावेळी फक्त तिखट घालण्याऐवजी लाल सुक्या मिरच्या वाटून घातल्या.त्यामुळे रंग छान आला होता.
फोटो काढायचा राहून गेला.

भाजीपेक्षा चटणीसारखे लागते
पाव , चपाटीला स्प्रेड म्हणून वापरता येईल

संध्याकाळी भडंगमध्ये चमचाभर घातले, मस्त लागते

ब्लॅककॅट तुम्ही तर फ्युजन च घडवलंत... एकदम तोंपासू दिसतंय हे प्रकरण.

आमच्या घरापुढच्या हापुस आंब्याला या वर्षी इतका लेट की थेट फेब्रुवारी मधे मोहोर आला अन मार्च मधे बाळ कैर्‍या लागल्या.. त्यामुळॅ आता जून महिना सुरु झाला तरी आंब्याला पाड लागला नाही. वातावरण देखिल गेले आठवडाभर पावसाळीच आहे. अशा थंडगार वातावरणात या वर्षी आंब्यांना पाड लागेल की नाही शंकाच आहे.

आंब्याला पाड लागला की सासव करून बघणार... घरच्या आंब्यांचा हा नवीन प्रकार करण्यासाठी आईकडून परवानगी मिळाली आहे.

पाडाला पिकलाय आंबा हे गाणे दिवसभर त्या झाडाखाली वाजवा, मग त्या झाडांना चेव येऊन ते पिकतील एकदाचे.

भन्नाट प्रकार आहे. गोड आंबा तिखट करुन कसा खायचा या विचाराने मागे पडले होते हे प्रकरण. आता करुन बघता येईल.

मानुषी ताई धन्यवाद. ममो, मानुषी आणी ब्लॅक कॅट यांनी टाकलेले फोटो मस्त आलेत.

पाडाला पिकलाय आंबा हे गाणे दिवसभर त्या झाडाखाली वाजवा, मग त्या झाडांना चेव येऊन ते पिकतील एकदाचे.>> वैनी