डोसे प्रकार

आरती मस्तच ग .... करेन आता

विश्या, धन्यवाद, पण स्पंज डोश्याचा फोटो कुठे आहे? >>> तव्यावर करत करतच खायला प्रारंभ केला होता त्यामुळे फोटो नाही काढले - पुढील वेळी नक्की .

हे माझे झब्बू.. कालच केले होते. डोश्यात साबुदाणा मी पहिल्यांदाच वापरला. छानच झाले होते. ( दावणगिरी मायनस पोहे, कारण ते नाही मिळत इथे. )

वा काय सही दिसत आहेत पण ह्यावर ती तमिळ लोकांची डाळीची पोडी हवीच हवी. दिनेशदा तुम्हाला ती पोडी माहिती नाही!!!!???

नीर डोसे मस्त दिसतायत

बी, इथे कुठे रे ते सगळे प्रकार मिळणार ! नगाला नग घेऊन हौस भागवावी लागते.

आरती., दोश्यांच्या इतक्या वेगवेगळ्या प्रकारांच्या पाककृती (आणि व्यवस्थीत प्रमाण) इथे दिल्याबद्दल धन्यवाद! नक्की करून बघणार.

तुमच्या स्पंजदोश्याचा फोटो भारी आहे! नीरदोश्याचा तर अप्रतिम!

नीर डोसा जबरदस्त दिसतोय आरती.

ते नीर डोसे कसले कातील दिसताहेत.

पांढरेशुभ्र नीर डोसे आणि बाजुला नारळ / कोथिंबीरीची हिरवी चटणी! डोळे आणि रसना दोन्ही इंद्रिये तृप्त होतात.

नाचणी दोसा मस्त वाटतोय!! लवकरच करणार!!आरती.धन्यवाद!

सेट/स्पंज दोसा मी कधीच केला किंवा खाल्ला नाहीये. आता करून बघेन.

इथे मायबोलीवरच ह.डाळ घातल्यानं दोसे छान सोनेरी होतात असं वाचलं होतं तेव्हापासून दोसे करताना मेथीदाण्यांसोबत मी थोडी ह.डाळ पण घालते.

वा! मस्त आहेत डोश्यांचे प्रकार! तो स्पंज डोसा मस्त दिसतोय.

अल्पना.... पोवर ग्रीड गुरगाव मध्ये साउथ ईंडीयन दुकान आहे.तिथे मिळतात तांदुळ.
थ

हा धागा महान आहे. आता माबोवर डोसे लाट येणार.

मस्त प्रकार आणि मस्त प्रमाण आणि मस्त रेसिप्या. धन्यचवाद आरती..

नीर दोसा केला. मस्त झाला. किती वर्षांनी खाल्ला. मजा आली.

धन्यवाद आरती.

मला सोना मसुरी मिळाला.
म्हणतात ना काखेत कळसा . रोजच्या वाण्याकडे होता . त्यांनीच विचारले डोसा राईस का ?

मूगडाळ डोसा! अरे वा!!

दावणगिरी डोसा:

थँक्स आरती.!!
हा डोसा खाऊन आमचे पिताश्री फारच खुश झाले. डोसा होता होता मस्त ताजं काढलेलं लोणी डोस्यावर घालत होते. काय मस्त वास येत होता.
माझ्या हातून पीठ थोडं पातळ झालं. पुढच्यावेळी कटाक्षाने पाणी बेताने घालायला हवं. आणि चण्याची डाळ न घालून चालेल, कारण चण्याच्या डाळीमुळे कुरकुरीत डोसा होण्याकडे झुकत होता. मी जो दावणगिरी खाल्ला होता तो मस्त मऊ मऊ लुसलुशीत होता. बहुतेक तो स्पंज डोसा असावा.

अगं ती जाळी मावेतली आहे. झालेले डोसे पानात पडले नाहीत तर मी त्यावर ठेवत होते, वाफ धरू नये म्हणून.

चणाडाळ हवीच म्हणतेस... ठीक आहे. नाही वगळणार. पुढच्यावेळी पाणी कमी घालेन. खरंतर तांदूळही घरात होता तोच वापरला होता. कोलम होता. खास उकडा तांदूळ किंवा सोनामसुरी आणायला हवा.

नीर दोसे करताना पाणी किती घालायचं म्हणजे पीठ किती पातळ ठेवायचं?

मला सगळ्या प्रकारचे डोसे , घावन प्रकार उत्तम जमतात. बिडाच्या तवा वापरते ह्या साठी मी. पण नीर डोसे नव्हते जमत

आरती तुझ्या रेसिपीने मी आज केले आणि मस्तच जमले. पांढरेशुभ्र , मऊ लुसलुशीत आणि जाळीदार. क्रोशाचे नाजुक रुमालच जणुं ! खुप खुप धन्यवाद. फोटो नाही काढला आज . पुढच्या वेळेस नक्की काढते.

शांकली , पीठ खुपच पात्तळ करावे लागते. डोसा घालताना गॅस मोठा आणि नंतर लहान ही टिप ही फॅालो कर

आरती, मी करते तो स्पंज डोसा त्याचे प्रमाण असे आहे

हे आमच्याकडचे काही प्रकार, वेगळे लिहिण्याएवजी इथे लिहिते. चालेल ना?

स्पंज डोसा:
अडीच कप इडली राईस,
१/२ कप कालाजीरा राईस,(आंबेमोहोर सुद्धा चालेल, सुरती कोलम ठिक आहे, सोनामसूरी अगदी शेवटचा उपाय),
१/४ कप साबूत उडीद डाळ,
१ चमचा(टेबल्स्पून) चणा डाळ,
१ चमचा मूगाची डाळ,
२ चमचे (टेबल्स्पून) जाडे पोहे
१ लहान चमचा मेथी,
चवीला मीठ
आणि नखाएवढा गूळाचा खडा. (हे सिक्रेट आहे ह्या रेसीपेचे. )
अतिशय चवीष्ट होतो. हलका सोनेरी रंग येतो.

डाळी धूवून वेगळ्या भिजत घालून वाटून घ्यायच्या. तांदूळ एकत्र घालून बारीक वाटायचे.

अगदी मस्त हलका डोसा होतो. चहाबरोबर मस्त लागतो. किंवा नारळाच्या दूधात बुडवून. नुसत्या गूळाच्या खडयाबरोबर सुद्धा.

नारळी डोसा:

वरचेच प्रमाण घेवून फक्त नारळ्याच्या दूधात 'च' वाटायचे. आणि घट्ट दही कालवून मग बीडाच्या तव्यावर करायचे. अतिशय मस्त लागतात.

नारळाचा खिस टाकून वाटू नका. नारळाच्या दूधाने वेगळीच चव येते. आंबताना नारळाच्या दूधातील ज्यास्त साखर मिळते.

मलबारी डोसा:

शेजारची केरळी मुस्लीम करायची. आई तिच्याकडून रेसीपी घेवून करायची.

२ वाटया इडली राईस,
१ कप खिसलेले खोबरे,
१ लहान चमचा मेथी,
पाव वाटी नारळाचे पाणी,
अतिशय बारीक वाटून घ्यायचे.
दुसर्‍या दिवशी एक अंडे फोडून खूप फेटायचे. मग ते आंबलेल्या पीठात अलगद एकत्र करायचे. आणि एक लहान चमचा वॅनिला ईसेन्स घालायचा.
ह्याचे गोड वेरिएशन म्हणजे, आवडीनुसार साखर घालायची.

आणि अतिशय पातळ असे डोसे घालायचे. अगदी क्रेप सारखे. क्रेप सारखेच होतात.

साखर न घालता केलेले चिकन करी किंवा मलबारी मटण करी बरोबर खायचे.
साखरेचे असेच खाउ शकतो. त्यात केळ्याचे बटर व लवंगात परतलेले काप घालून आम्ही खायचो लहानपणी.

>>>बिडाच्या तवा वापरते ह्या साठी मी<< +१

आमच्याकडे डोसे/घावण, आंबोळी, धिरडी, थालीपीठं फक्त बीडाच्याच तव्यावर करतात/केलेत.
जी चव बीडाच्या तव्यावर येते ती कशावरच येत नाही असे मला वाटते.

अल्पना, तुला उकडा तांदूळ मिळाला का? आमच्या इकडे मिळतो. तुला हवा असेल तर मी घेऊन ठेवते.