..
सई आवडत असेल तर खालील पोलवर आपले मत नोंदवायला विसरू नका.
http://www.maayboli.com/node/50843
.................
मी बोलतो मराठी, मी वाचतो मराठी.. मी ऐकतो मराठी, मी चालतो मराठी.. अरे मी तर जगतो मराठी !
साहजिकच आहे, मी चित्रपटही बघतो मराठी ..
त्यामुळे वयात येतानाची माझी ड्रिमगर्ल एखादी मराठी हिरोईनच असणे यात नवल वाटण्यासारखे काही नव्हते. पण तरीही, तशी ती कोणी नव्हती. कदाचित ड्रिमगर्ल, स्वप्नसुंदरी, वा तरुणांच्या हृदयाची धडकन बनण्यासाठी जे मटेरीअल लागते त्याचा कुठेतरी समकालीन मराठी हिरोईनींमध्ये अभाव होता. तरीही हिंदीतल्या कुठल्याही बिपाशा वा मल्लिकावर माझ्या जिगर का तुकडा ओवाळून टाकण्याऐवजी मी वाट बघणे पसंद केले. आणि एक दिवस लवकरच "सनई चौघडे" वाजले...
तिला मी त्या आधीही पाहिले होते. कदाचित एखाद्या मालिकेत वा एखाद्या जाहीरातीत. तेव्हा आठवत नव्हते. पण "आयुष्य हे चुलीवरल्या कढईतले कांदेपोहे" हे हिट गाणे या सिनेमातले आहे, केवळ याच उत्सुकतेपोटी बघायला घेतलेल्या चित्रपटाने मला सुरुवातीपासून शेवटपर्यंत खिळवून ठेवायचे कारण तीच होती. नॉनग्लॅमरस पेहरावात एक ग्लॅमरस भुमिका साकारायचे शिवधनुष्य त्यात तिला पेलायचे होते. ते तिने कसे काय पेलले याची समीक्षा करणे क्रिटीक्स लोकांचे फावल्या वेळातले उद्योग, पण माझ्यासाठी मात्र त्यानंतर तो सिनेमा कांदेपोहे या गाण्याच्या जोडीने सई ताम्हाणकरचा म्हणूनही लक्षात राहिला. येस्स! सई ताम्हाणकर!!
दुसरी स्मिता पाटील होणे नाही, संयत अभिनयाच्या जोडीला अदाकारीची ती उंची कोणी गाठणे नाही, पण तरीही सईमध्ये त्या दिवशी मला "नमकहलाल" मधील स्मिता पाटील दिसली. अध्येमध्ये डोकाऊन गेली. नमकहलाल हा टोटली अमिताभचा चित्रपट असूनही त्यातील स्मिता पाटील मला भावली होती. इथे तर हा मला सईचाच सिनेमा वाटला.
माझे कॉलेजचे शेवटचे वर्ष होते ते! मी तिच्या नावातही गोंधळ घालायचो! कधी सई ताम्हाणकर बोलायचो, तर कधी सई परांजपे! हसेही व्हायचे! याच कारणाने मला ती आवडते यावर कोणी विश्वास ही ठेवायचा नाही! एकाअर्थी बरेच होते ते, पण त्यानंतर ती गायबली ...
माझ्या आठवणीतून नाही पण कदाचित मराठी चित्रपटसृष्टीतून .. मधल्या काळात तिचे काय कोणते चित्रपट आले गेले हे बघायला मला गूगाळावेच लागेल, पण तसे मला करायचे नव्हते. माझ्या आठवणीतील सईच्या प्रतिमेला मला धक्का बसू द्यायचा नव्हता. तिला एखाद्या बंडल चित्रपटात दुय्यम दर्जाची भुमिका करताना मला बघायचे नव्हते. तसा एकदा योगही आला होता. तिचा एक "पिकनिक" म्हणून चित्रपट केबल टिव्हीवर लागलेला. पण त्यात माझी नेहमीची सई दिसून राहिली नाही म्हणून मी लागलीच तो चॅनेल बदलल्याचे आठवतेय ..
आमच्या पुढच्या भेटीला जवळपास चार वर्षे जावी लागली. मधल्या काळात "राडा रॉक्स" चित्रपटानिमित्त तिच्याबाबत वादग्रस्त गॉसिपिंग झाली, पण माझ्या मनाच्या एका निवांत कोपर्यात दडलेले सईचे स्थान काही त्याने हलले नाही.
आणि मग एक दिवस जिथे तिथे चोहीकडे सईचे फोटो झळकायला लागले...
येस्स! तेच ते फेमस लाल बिकीनीतले फोटो! चित्रपट - नो एंट्री पुढे धोका आहे!
त्या लालभडक बिकिनीमध्येही ती कुठेही वल्गर वाटत नव्हती आणि म्हणूनच चित्रपटाचे प्रमोशन करायला ते फोटो फिरत होते. माझ्यामते हे जे काही कसब आहे ते हिंदीतील कतरिना कैफ या नटीलाच जमून जावे. पण त्या चित्रपटातील तिची भुमिकाही कदाचित कतरीनासारखीच शोभेची बाहुली म्हणून असावी. कारण त्या चित्रपटाचे पुढे काय झाले ते मला समजले नाही. सईसाठी म्हणून तो बघायचा होता, प्रदर्शित व्हायच्या आधीच मित्रांनाही त्या द्रुष्टीने पटवून झाले होते. पण काही चित्रपट पहिल्या प्रयोगालाच किंवा त्या आधीच पडतात तसेच काहीसे त्याचे झाले. एक टुक्कार(?) चित्रपट न बघितल्याची खंत अशी कधी राहिली नाही, पण आठवणीत राहिला तो तिचा लाल बिकिनीतला फोटो, जो अगदी आजही "ग्लॅमरस मराठी हिरोईनचा मापदंड" म्हणून व्हॉटसअॅप सारख्या सोशल साईटसवर फिरत असतो.
अजूनही सई हि माझी सर्वात आवडती नटी होती, पण तरीही तिला "माझी ड्रिमगर्ल" हे पद देण्यास काहीतरी कमी पडतेय असे मला वाटत होते. आणि मग एके दिवशी रिक्षा सिग्नलला थांबलेली असताना एका चित्रपटाच्या पोस्टरवर नजर पडली. आधीही त्या चित्रपटाबद्दल मित्रांकडून ऐकले होते. हा कट्ट्यावरच्या यारीदोस्तीचा आणि त्यांच्यातील दुनियादारीचा चित्रपट आहे म्हणत जायचा प्लानही ठरला होता. सई त्यात आहे हे सुद्धा ऐकून माहीत होते पण तरीही हुरहुर अशी लागली नव्हती, जी तो पोस्टर बघून लागली. दुनियादारीच्या त्या पोस्टरवर मला सई नाही तर बॉबीमधील डिंपल कपाडिया दिसत होती. येस्स! हिच तर आहे माझी ड्रिमगर्ल! माझ्या ईतर कोणत्याही मित्राने तिच्यावर आपला हक्क सांगायच्या आधीच मी माझा रुमाल तिथे टाकला होता.
पहिल्या दिवसाचा पहिलाच शो मला बघायचा होता, पण सर्व मित्रांना जमवण्याच्या दुनियादारीत तिसर्या आठवड्यातच तो योग आला. मधले दिवस कसे गेले याची तुम्ही कल्पनाच करू शकता. पण मराठी चित्रपट तिसर्या आठवड्यात म्हणजे थिएटर पार रिकामे असेल आणि "मै, सई और दुनियादारी" म्हणत निवांत चित्रपटाचा आनंद घेता येईल या माझ्या कल्पनाविलासाला तडा गेला जेव्हा तिकिटबारीलाच हाऊसफुल्लच्या बोर्डाला मिरवताना पाहिले. थिएटरच्या बाहेर सईचा आणि चित्रपटातील इतर कलाकारांचा भलामोठा किंग साईज पोस्टर लावला होता. त्याबरोबर फोटो काढून घेण्यासाठी जी झुंबड उडाली होती ती पाहता ओठांवर स्माईल, मनात इर्ष्या आणि डोक्यात राग एकाच वेळी दाटून येणे अनुभवत होतो. भावना संमिश्र होत्या खर्या पण आपापल्या जागा राखून होत्या.
अगोदरचा शो संपताच मला सर्वात पहिले आत शिरायचे होते कारण सईची एंट्री मला चुकवायची नव्हती. पण पुनश्च एका लेटलतीफ मित्रासाठी दुनियादारी करत थांबावे लागल्याने तो अनर्थ घडलाच. आत गेलो तर अंकुश चौधरीच्या एंट्रीचा सीन चालू झाला होता आणि पब्लिक टाळ्या मारत होते. मी सुद्धा त्यात थोडाफार सामील झालो, पण तरीही मला माझी खरी उर्जा राखून ठेवायची होती ती सईच्या एंट्रीला एक कचकचून शिट्टी वाजवायला, पण.......
पण ती आली, तिला पाहिले आणि पाहतच राहिलो... तोंड उघडले ते उघडेच राहिले.. शिट्टी राहिली बाजूला, श्वासापुरती हवा आत शिरली अन श्वास रोखूनच राहिला!
टिकटिक वाजते डोक्यात, धडधड वाढते ठोक्यात.. यापेक्षा समर्पक शब्द नसावेत.. नक्कीच गीतकाराला सईवर चित्रित झालेले ते द्रुष्य बघूनच हे शब्द सुचले असावेत हे मी खात्रीने सांगतो!
अगदी पोस्टरवर पाहिलेले तशीच ती माझ्यासमोर सारे दृष्टीपटल व्यापून टाकणार्या कॅनव्हासवर पसरली होती! सिंपल मे डिंपल! त्यानंतर पुढचा पुर्ण सिनेमा सईसाठीच बघितला गेला. अगदी स्वताला स्वप्नीलच्या जागी ठेऊन बघितला गेला. व्हिल्लन साई झालेल्या जितेंद्र जोशीबरोबर तिला बघताना अक्षरशा राग येत होता. जेव्हा ती श्रेयसला, "माझा बच्चू आहेस तू" असे म्हणाली तेव्हा एक मोरपीस माझ्या गालांवरून फिरले होते. शेवटी स्वप्निल तिला पुळचटासारखा सोडून जात होता तेव्हा त्याचाही एवढा राग आला होता.. असे वाटले उठून त्याला सांगावे अबे जा ना, भाड मध्ये गेली तुझी दुनियादारी, आता भांड त्या दुनियेशी आणि मिळव "आपल्या सईला" परत....
स्वताला स्वप्निलच्या जागी बघणे मला सोपे गेले कारण तसा तो देखील माझ्या आवडत्या अभिनेत्यांपैकी एक आहे. शेवटी तो मरतो तेव्हा मला वाईट वाटले नाही. का माहीत नाही पण तेव्हा मी त्या श्रेयसच्या भुमिकेतून बाहेर आलो आणि ऋन्मेष बनून सईला धीर देऊ लागलो, काही हरकत नाही सई मी आहे अजून... त्या शेवटच्या म्हातारपणाच्या द्रुष्यात सुद्धा सई इतकी तजेलेदार आणि सुंदर दिसत होती की लेडी देवानंदच जणू.. किंवा रेखानंतर खूबसुरत तीच!
चित्रपट संपवून बाहेर आलो तेव्हा माझ्या डोक्यात नुसती टिकटिक वाजत होती.. पाऊस पडत नव्हता तरी अंग ओलेचिंब झाल्यासारखे वाटत होते.. राहून राहून ओठांवर याच ओळी येत होत्या.... नाही जरी "सई" तरी.. भिजले अंग, पाण्याने .. सोचू तुम्हे पलभर भी, बरसे सावन जोमाने .. माझी अवस्था माझ्या मित्रांनी नेमकी हेरली, आणि त्याच दिवशी या ऋन्मेषला एक नवीन नाव पडले... ए रिशी पकूऽऽर ..!!
>>>>>>>>>>>>>>>>>>>>>>>>>>>>>>>>>>>>>
>>>>>>>>>>>>>>>>>>>>>>>>>>>>>>>>>>>>>
सई !
स ई .. दोन अक्षरे..
आणि तिच्याबद्दल आता माझे दोन शब्द!
सईला मी माझी ड्रिमगर्ल म्हटले की ओघाने तिच्या सौंदर्याबद्दल हक्काने बोलणे आलेच. तिची शरीरयष्टी आणि हेल्दी फिगर पाहता ते मला विद्या बालन वा सोनाक्षी सिन्हाच्या पठडीतील वाटते. तथाकथित सौंदर्याच्या निकषात आणि फिगरच्या मोजमापात बसत नसूनही आकर्षक.. निव्वळ आकर्षक नव्हे तर सोबत अपील करणारे, खुणावणारे. तिच्या किंचित चौकोनी / षटकोनी चेहर्यातील वेगळेपण न जाणवते तर नवलच. त्या चौकटीला साजेसेच असे टपोरे डोळे. दातांची कमान उलगडत होणार्या खळखळाटातही हातचे राखून केलेले हास्य. तिच्या केसांच्या कुरळेपणात अडकण्याच्या भितीने त्याबद्दल लिहायचे टाळतो. मधुबाला आणि माधुरी यांनाच सौंदर्याचा बेंचमार्क मानणार्यांना कदाचित तिचे सौंदर्य मानवणार नाही, पण व्हू केअर्स!
सईसारखी हिरोईन मराठी चित्रपटसृष्टीत या आधी झाली नसल्यामुळे तिची तुलना हिंदी चित्रपटसृष्टीतील अभिनेत्रींशी करायचा मोह आवरत नाही. मग ते तिचे सौंदर्य असो वा अभिनय. तिच्या कारकिर्दीच्या सुरुवातीकडे नजर टाकल्यास मला ती बरेचदा कंगना राणावत सारखी वाटते. कंगना हिंदीमध्ये ज्या पठडीतले सिनेमे करते ते मराठीत सईचे देखील हक्काचे क्षेत्र आहे, बनू शकते. अर्थात गरज आहे तसे धाडसी सिनेमे मराठीत बनण्याची. पण तरीही मला वाटते सईमध्ये मराठी चित्रपटसृष्टीची प्रियांका चोप्रा बनण्याची क्षमता आहे. तिच्याप्रमाणेच नायिकाप्रधान सिनेमा एकहाती खेचण्याची क्षमता आहे. मल्टीस्टारर चित्रपटांमध्येही ती ज्या फ्रेममध्ये असते तेव्हा त्या चौकटीच्या कडेला उभे राहूनही बरेचदा ती प्रेक्षकांचा फोकस स्वतावर खेचून घेते. हो, तिच्यावर थोडीफार गॉसिपिंग होते, पण ते करावे अशी मराठी चित्रपटसृष्टीमध्ये तीच आहे आणि हेच तिला मराठीतील लेडी शाहरूख खान बनवून जाणार आहे. यू कॅन हेट हर, यू कॅन लव हर, बट यू कॅन नॉट इग्नोर हर .. पण इथेही तेच.. कंगना ते प्रियांका, व्हाया कतरीना, हा प्रवास करण्यासाठी तिला मराठी चित्रपट दिग्दर्शक आणि निर्मात्यांची देखील साथ मिळायला हवी आणि इन्शाल्लाह एक ना एक दिवस ते नक्की होईल, बोलो आमीन !
आभारी आहे,
ऋन्मेऽऽष उर्फ रिशी पकूऽऽर !
(लेख क्रमांक १)
आपल्या ग्लॅमरस लूकमध्ये
आपल्या ग्लॅमरस लूकमध्ये प्रयोग करत त्यातील वेगवेगळे पैलू लोकांसमोर आणणारी सई ही मराठी चित्रपटसृष्टीतील एकमेव अभिनेत्री आहे. >> नको एवढा हायपर होऊ..पण तू दिलेली उपमा तिथं नै फिट होत असं म्हणतेय मी.. आय मिन आय टू लव्ह अक्षय कुमार याचा अर्थ असा थोडी ना कि मी त्याला त्याच्या खिलाडी ७८६ किंवा बॉस चित्रपटामधे पन सहन करु..जे आहे ते आहे..हि लुक्स ग्रेट पण म्हणुन कशातही त्याला सहन नै करता येत मला..
सई जरा बारीक असती तर आणखी छान
सई जरा बारीक असती तर आणखी छान दिसली असती त्यात हे कबूल (जयाप्रदा वगैरे टाईप)
पण तरीही कमी का असेना छानच दिसतेय.
डिफरंट लूक आहे. आवडला मला खरेच
ना रे.. इतकी काही सुटलेली नै
ना रे..
इतकी काही सुटलेली नै ती..अशीही छानच दिसते..
मला सोनाक्षी सुद्धा आवडते..
पण तरी मला वाटते कि सुंदरता तुम्ही काय करता यावर सुद्धा अवलंबुन आहे.. त्यात ती जरा कमी पडते अस माझ मत.. बाकी चालुदे..
सई आवडते पण त्या गाण्यात नाही
सई आवडते पण त्या गाण्यात नाही आवडली...बाकी त्या सिनेमा चा ट्रेलर आवडलाय सध्या तरी..
गाण्यात छान दिसते सई. तिची
गाण्यात छान दिसते सई. तिची तुलना ऐश बरोबर करू नये. ऐश पेक्षा सई नाजूक दिसते. शिवाय पाँड्स पावडरी सारखीच फ्रेश आणी तरतरीत. जणू काय एखादे जाईचे फूलच. ऐश त्यामानाने सुंदर प्लॅस्टिकची बाहुली दिसते. अर्थात इथे ऐश फॅन्स ना दुखविणे हा हेतु नाही.
सारखीच फ्रेश आणी तरतरीत. जणू
सारखीच फ्रेश आणी तरतरीत. जणू काय एखादे जाईचे फूलच.>>>> कशाला जाईच्या फुलाचा अपमान करुन र्हायले विकु
ऐश पेक्षा सई नाजूक दिसते >>
ऐश पेक्षा सई नाजूक दिसते >> कसे काय ?
ऐश पेक्षा सई नाजूक दिसते.
ऐश पेक्षा सई नाजूक दिसते. शिवाय पाँड्स पावडरी सारखीच फ्रेश आणी तरतरीत. जणू काय एखादे जाईचे फूलच. ऐश त्यामानाने सुंदर प्लॅस्टिकची बाहुली दिसते. अर्थात इथे ऐश फॅन्स ना दुखविणे हा हेतु नाही.>>>>>>ओहोहो! आम्ही नाय दुखावलो, कारण आम्हाला मायतीये कुठे इन्द्राचा ऐरावत ( ऐशु) आणी कुठे शामभटाची........
आज किनै सईबाई येनार हायती तूहिरेच्या प्रमोशनसाठी दिल दोस्ती मध्ये. काल कैवल्यने दार उघडले ( म्हणजे आज दार उघडेल तो ) आणी समोर साक्षात, मुर्तीमन्त विथ गावरान लुक्स सईबाई खान्द्यावर धोपटी टाकुन उभारल्या होत्या. ( माझ्या मामाची सोलापुरी भाषा, मामा नन्तर पुण्यात आला तरी सोलापुरीच बोलायचा))
आजकाल पिक्चर चालतील की नाय अशी शन्का असेल तर येतात आपले दिल दोस्ती, होसुमीयाघ, जुयेरेगा मध्ये प्रमोशनसाठी. नशीब खन्डोबात येत नाहीत.
नशीब खन्डोबात येत नाहीत.
नशीब खन्डोबात येत नाहीत.
यायला हरकत नाही जिथे बानुच्या 'डोक्यात जातो' तिथे 'हे' पण जाऊ शकतात.
काल कैवल्यने दार उघडले (
काल कैवल्यने दार उघडले ( म्हणजे आज दार उघडेल तो ) >>>>
म्हणजे कालच्या भागाच्या
म्हणजे कालच्या भागाच्या शेवटी आजची झलक दाखवली. कैवल्य दार उघडतो आणी समोर सई असते.
जिथे बानुच्या 'डोक्यात जातो'
जिथे बानुच्या 'डोक्यात जातो' तिथे 'हे' पण जाऊ शकतात.>> बानूच्या कोण डोक्यात जातो?
बानूच्या कोण डोक्यात जातो?>>>
बानूच्या कोण डोक्यात जातो?>>> स्वप्नील गेला की काय?:फिदी: पण मलाही या वाक्याचा अर्थ कळला नाही.
"डोक्यात जातो" हा वाक्प्रचार
"डोक्यात जातो" हा वाक्प्रचार बानूच्या तोंडच्या (जुन्या) भाषेत कसा, असा तो मुद्दा आहे.
ओके भास्कराचार्य. मी पाहत
ओके भास्कराचार्य. मी पाहत नाही आता त्यामुळे माहीत नव्हता संदर्भ.
रश्मी
कोठार्यांनी जय मल्हार सिरियलच लव्ह स्टोरी टाईप बनवलीय त्यामुळे त्यात काहीही दाखवत असतात.
जय मल्हार मधल्या अनेक चुका मी
जय मल्हार मधल्या अनेक चुका मी काढू शकते पण आजी ओरडते माझी देवाला असं काही म्हणल्यावर म्हणून गप्पच बसते.
बावळट सिरिअल आहे ती
अरे ओ, सई ताम्हणकरवरचा धागा
अरे ओ, सई ताम्हणकरवरचा धागा आहे हा, विषयाला धरुन बोला.
रीये, तुच माझी मैत्रिण
रीये,
तुच माझी मैत्रिण गं...
पार्डन मि फॅार माय वर्डस पण टप्पर शिरेल आहे ती...
फालतु एकदम...
आज YZ सिनेमाच्या प्रमोशनसाठी
आज YZ सिनेमाच्या प्रमोशनसाठी सई ताम्हणकर आली होती,छान दिसत होती,मुक्ता बर्वे आणि पर्ण पेठे या दोघीही आल्या होत्या ,त्याही छान दिसत होत्या.
असा रात्री बेरात्री अपरात्री
असा रात्री बेरात्री अपरात्री मध्यरात्री सईचा धागा वर काढून काय चांगली दिसत होते करू नका हो आधीच ईथे श्रावण चालू आहे जगू द्या सुखाने...
का जीव तोळा तोळा तुझ्यासाठी
का जीव तोळा तोळा तुझ्यासाठी झुरतो...
सई ताम्हणकर..
जिओ मिर्ची म्युजिक अवार्डस मराठी .. कलर्स मराठीवर आता मी सईला हे गाताना बघितले. सोबत तेजस्विनी पंडीत..
अफाट .. अचाट .. अतर्क्य .. अविश्वसनीय .. शब्दच नाहीत !
यूट्यूबवर विडिओ आहे का याचा शोधायला हवे. दुर्दैवाने काही तांत्रिक कारणाने आठवडाभर मी ते शोधू शकत नाहीये. पण त्यानंतर नक्की शोधतो. सईच्या चाहत्यांनी चुकवू नये असे काही आहे ते
का जीव तोळा तोळा तुझ्यासाठी
का जीव तोळा तोळा तुझ्यासाठी झुरतो...
सई ताम्हणकर..
जिओ मिर्ची म्युजिक अवार्डस मराठी .. कलर्स मराठीवर आता मी सईला हे गाताना बघितले. सोबत तेजस्विनी पंडीत..
अफाट .. अचाट .. अतर्क्य .. अविश्वसनीय .. शब्दच नाहीत ! >>> +१
टोटल सरप्राइज आयटम होता माझ्यासाठी हा. दोघींनीही सॉलीड सादर केलं गाणं..
लहान मूल सतत मैगी किंवा रसना
लहान मूल सतत मैगी किंवा रसना डोळ्या समोर दिसले टीव्ही वरती की हट्ट करते तेच आवडते म्हणून तसेच काहीसे ह्या ललने (?) विषयी सतत चित्रपट आणि टीव्ही शोज पाहून होत असावे
बाकी सौंदर्याची व्याख्या डिफर्स फ्रॉम पर्सन टू पर्सन
टोटल सरप्राइज आयटम होता
टोटल सरप्राइज आयटम होता माझ्यासाठी हा. दोघींनीही सॉलीड सादर केलं गाणं.. +१
ऋन्म्या ला या गाण्याविषयीच सांगायला इकडे आले तर हा पठ्ठ्या ऑलरेडी बघून वितळलाय.
वितळण्या विरघळण्यासारखा मला
वितळण्या विरघळण्यासारखा मला मुद्दाम ईथे येऊन सांगण्यासारखा परफॉर्मन्स होता हे तरी आपल्या पोस्टवरून ईथल्या चार अरसिक लोकांना समजेल..
खरेच सरप्राईजिंग आयटम होता.
सई मला मराठी चित्रपटसृष्टीची प्रियांका चोप्रा वाटते यावर तिने पुन्हा शिक्कामोर्तब केले..
मला ति तेजस्विनी पंडीत ...
मला ति तेजस्विनी पंडीत ... खुप आवडते...
काय दिसते...कसली मस्त पर्सनॅलिटी आहे...!!! खुपच सुंदर आहे ती..
मला नेहमी वाटत की तिला तिच्या पर्सनॅलिटी प्रमाणे रोल नाहीत मिळत / मिळाले...!!
केव्हा केव्हा मला ती द डार्क नाईट मधील कॅटवुमन सारखी वाटते...
Ka jiv tola tola colors
Ka jiv tola tola colors Marathi award awesome son…: http://youtu.be/uNzBAk24y_0
दोघींनीही सॉलीड सादर केलं
दोघींनीही सॉलीड सादर केलं गाणं >>> मस्तच झालं.
धुरळा धमाल आहे
धुरळा धमाल आहे
स्टारकास्ट तगडी आहे. आणि सर्वांनीच तगडा अभिनय केला आहे. सगळ्यांनी बेअरींग पर्रफेक्ट पकडले आहे.
शेवट काय ते समजले होतेच. तरी सीन टू सीन पिक्चर बघायला मजा येत होती.
सईसाठी चार शब्द तर जरूर लिहावे. आधीही मला तिच्या अभिनयक्षमतेबद्दल शंका नव्हतीच. पण ग्लॅमरस ईमेजमध्ये जरा अडकली होती. अर्थात अशी कोणीतरी असणे गरजेचेही होते मराठी चित्रपटसृष्टीसाठी. पण आता तिच्या अभिनयक्षमतेला न्याय मिळेल अश्या भुमिका ती करू लागलीय आणि काय कमालीचा अभिनय करू लागली आहे.
सुरुवातीच्या दृश्यात तिला संवाद जास्त नव्हते. पण नजरेतूनच ईतका जबर अभिनय करत होती की संवाद कमी असल्याचेही खटकले नाही. आणि मग जेव्हा तिचा रोल सेंटरला आला आणि संवाद सुरू झाले तेव्हा ते ही ठसकेबाजपणे बोलत खाऊन टाकला पिक्चर.
तिचा बुरगुंडा झाला ग्ग बाई चा प्रचार फार आवडला. रिवाईंड करून दोनदा पाहिला तो सीन
मला सई ईतर कोणापेक्षाही जास्त आवडते म्हणून तिच्याबद्दल चार शब्द. पण अंकुश चौधरी, सिद्धार्थ जाधव, प्रसाद ओक, सो कूल, आपला ट्टॉक अमेय वाघ आणि अगदी अलका कुबल या सगळ्यांच्या चाहत्यांनीही चित्रपट आवर्जून पाहावा.
Pages