नाही जरी ‘सई’ तरी ...

Submitted by ऋन्मेऽऽष on 16 September, 2014 - 03:26

..

सई आवडत असेल तर खालील पोलवर आपले मत नोंदवायला विसरू नका.

http://www.maayboli.com/node/50843

.................

मी बोलतो मराठी, मी वाचतो मराठी.. मी ऐकतो मराठी, मी चालतो मराठी.. अरे मी तर जगतो मराठी !

साहजिकच आहे, मी चित्रपटही बघतो मराठी ..
त्यामुळे वयात येतानाची माझी ड्रिमगर्ल एखादी मराठी हिरोईनच असणे यात नवल वाटण्यासारखे काही नव्हते. पण तरीही, तशी ती कोणी नव्हती. कदाचित ड्रिमगर्ल, स्वप्नसुंदरी, वा तरुणांच्या हृदयाची धडकन बनण्यासाठी जे मटेरीअल लागते त्याचा कुठेतरी समकालीन मराठी हिरोईनींमध्ये अभाव होता. तरीही हिंदीतल्या कुठल्याही बिपाशा वा मल्लिकावर माझ्या जिगर का तुकडा ओवाळून टाकण्याऐवजी मी वाट बघणे पसंद केले. आणि एक दिवस लवकरच "सनई चौघडे" वाजले...

तिला मी त्या आधीही पाहिले होते. कदाचित एखाद्या मालिकेत वा एखाद्या जाहीरातीत. तेव्हा आठवत नव्हते. पण "आयुष्य हे चुलीवरल्या कढईतले कांदेपोहे" हे हिट गाणे या सिनेमातले आहे, केवळ याच उत्सुकतेपोटी बघायला घेतलेल्या चित्रपटाने मला सुरुवातीपासून शेवटपर्यंत खिळवून ठेवायचे कारण तीच होती. नॉनग्लॅमरस पेहरावात एक ग्लॅमरस भुमिका साकारायचे शिवधनुष्य त्यात तिला पेलायचे होते. ते तिने कसे काय पेलले याची समीक्षा करणे क्रिटीक्स लोकांचे फावल्या वेळातले उद्योग, पण माझ्यासाठी मात्र त्यानंतर तो सिनेमा कांदेपोहे या गाण्याच्या जोडीने सई ताम्हाणकरचा म्हणूनही लक्षात राहिला. येस्स! सई ताम्हाणकर!!

दुसरी स्मिता पाटील होणे नाही, संयत अभिनयाच्या जोडीला अदाकारीची ती उंची कोणी गाठणे नाही, पण तरीही सईमध्ये त्या दिवशी मला "नमकहलाल" मधील स्मिता पाटील दिसली. अध्येमध्ये डोकाऊन गेली. नमकहलाल हा टोटली अमिताभचा चित्रपट असूनही त्यातील स्मिता पाटील मला भावली होती. इथे तर हा मला सईचाच सिनेमा वाटला.

माझे कॉलेजचे शेवटचे वर्ष होते ते! मी तिच्या नावातही गोंधळ घालायचो! कधी सई ताम्हाणकर बोलायचो, तर कधी सई परांजपे! हसेही व्हायचे! याच कारणाने मला ती आवडते यावर कोणी विश्वास ही ठेवायचा नाही! एकाअर्थी बरेच होते ते, पण त्यानंतर ती गायबली ...

माझ्या आठवणीतून नाही पण कदाचित मराठी चित्रपटसृष्टीतून .. मधल्या काळात तिचे काय कोणते चित्रपट आले गेले हे बघायला मला गूगाळावेच लागेल, पण तसे मला करायचे नव्हते. माझ्या आठवणीतील सईच्या प्रतिमेला मला धक्का बसू द्यायचा नव्हता. तिला एखाद्या बंडल चित्रपटात दुय्यम दर्जाची भुमिका करताना मला बघायचे नव्हते. तसा एकदा योगही आला होता. तिचा एक "पिकनिक" म्हणून चित्रपट केबल टिव्हीवर लागलेला. पण त्यात माझी नेहमीची सई दिसून राहिली नाही म्हणून मी लागलीच तो चॅनेल बदलल्याचे आठवतेय ..

आमच्या पुढच्या भेटीला जवळपास चार वर्षे जावी लागली. मधल्या काळात "राडा रॉक्स" चित्रपटानिमित्त तिच्याबाबत वादग्रस्त गॉसिपिंग झाली, पण माझ्या मनाच्या एका निवांत कोपर्‍यात दडलेले सईचे स्थान काही त्याने हलले नाही.

आणि मग एक दिवस जिथे तिथे चोहीकडे सईचे फोटो झळकायला लागले...

येस्स! तेच ते फेमस लाल बिकीनीतले फोटो! चित्रपट - नो एंट्री पुढे धोका आहे!

त्या लालभडक बिकिनीमध्येही ती कुठेही वल्गर वाटत नव्हती आणि म्हणूनच चित्रपटाचे प्रमोशन करायला ते फोटो फिरत होते. माझ्यामते हे जे काही कसब आहे ते हिंदीतील कतरिना कैफ या नटीलाच जमून जावे. पण त्या चित्रपटातील तिची भुमिकाही कदाचित कतरीनासारखीच शोभेची बाहुली म्हणून असावी. कारण त्या चित्रपटाचे पुढे काय झाले ते मला समजले नाही. सईसाठी म्हणून तो बघायचा होता, प्रदर्शित व्हायच्या आधीच मित्रांनाही त्या द्रुष्टीने पटवून झाले होते. पण काही चित्रपट पहिल्या प्रयोगालाच किंवा त्या आधीच पडतात तसेच काहीसे त्याचे झाले. एक टुक्कार(?) चित्रपट न बघितल्याची खंत अशी कधी राहिली नाही, पण आठवणीत राहिला तो तिचा लाल बिकिनीतला फोटो, जो अगदी आजही "ग्लॅमरस मराठी हिरोईनचा मापदंड" म्हणून व्हॉटसअ‍ॅप सारख्या सोशल साईटसवर फिरत असतो.

अजूनही सई हि माझी सर्वात आवडती नटी होती, पण तरीही तिला "माझी ड्रिमगर्ल" हे पद देण्यास काहीतरी कमी पडतेय असे मला वाटत होते. आणि मग एके दिवशी रिक्षा सिग्नलला थांबलेली असताना एका चित्रपटाच्या पोस्टरवर नजर पडली. आधीही त्या चित्रपटाबद्दल मित्रांकडून ऐकले होते. हा कट्ट्यावरच्या यारीदोस्तीचा आणि त्यांच्यातील दुनियादारीचा चित्रपट आहे म्हणत जायचा प्लानही ठरला होता. सई त्यात आहे हे सुद्धा ऐकून माहीत होते पण तरीही हुरहुर अशी लागली नव्हती, जी तो पोस्टर बघून लागली. दुनियादारीच्या त्या पोस्टरवर मला सई नाही तर बॉबीमधील डिंपल कपाडिया दिसत होती. येस्स! हिच तर आहे माझी ड्रिमगर्ल! माझ्या ईतर कोणत्याही मित्राने तिच्यावर आपला हक्क सांगायच्या आधीच मी माझा रुमाल तिथे टाकला होता.

पहिल्या दिवसाचा पहिलाच शो मला बघायचा होता, पण सर्व मित्रांना जमवण्याच्या दुनियादारीत तिसर्‍या आठवड्यातच तो योग आला. मधले दिवस कसे गेले याची तुम्ही कल्पनाच करू शकता. पण मराठी चित्रपट तिसर्‍या आठवड्यात म्हणजे थिएटर पार रिकामे असेल आणि "मै, सई और दुनियादारी" म्हणत निवांत चित्रपटाचा आनंद घेता येईल या माझ्या कल्पनाविलासाला तडा गेला जेव्हा तिकिटबारीलाच हाऊसफुल्लच्या बोर्डाला मिरवताना पाहिले. थिएटरच्या बाहेर सईचा आणि चित्रपटातील इतर कलाकारांचा भलामोठा किंग साईज पोस्टर लावला होता. त्याबरोबर फोटो काढून घेण्यासाठी जी झुंबड उडाली होती ती पाहता ओठांवर स्माईल, मनात इर्ष्या आणि डोक्यात राग एकाच वेळी दाटून येणे अनुभवत होतो. भावना संमिश्र होत्या खर्‍या पण आपापल्या जागा राखून होत्या.

अगोदरचा शो संपताच मला सर्वात पहिले आत शिरायचे होते कारण सईची एंट्री मला चुकवायची नव्हती. पण पुनश्च एका लेटलतीफ मित्रासाठी दुनियादारी करत थांबावे लागल्याने तो अनर्थ घडलाच. आत गेलो तर अंकुश चौधरीच्या एंट्रीचा सीन चालू झाला होता आणि पब्लिक टाळ्या मारत होते. मी सुद्धा त्यात थोडाफार सामील झालो, पण तरीही मला माझी खरी उर्जा राखून ठेवायची होती ती सईच्या एंट्रीला एक कचकचून शिट्टी वाजवायला, पण.......

पण ती आली, तिला पाहिले आणि पाहतच राहिलो... तोंड उघडले ते उघडेच राहिले.. शिट्टी राहिली बाजूला, श्वासापुरती हवा आत शिरली अन श्वास रोखूनच राहिला!
टिकटिक वाजते डोक्यात, धडधड वाढते ठोक्यात.. यापेक्षा समर्पक शब्द नसावेत.. नक्कीच गीतकाराला सईवर चित्रित झालेले ते द्रुष्य बघूनच हे शब्द सुचले असावेत हे मी खात्रीने सांगतो!

अगदी पोस्टरवर पाहिलेले तशीच ती माझ्यासमोर सारे दृष्टीपटल व्यापून टाकणार्‍या कॅनव्हासवर पसरली होती! सिंपल मे डिंपल! त्यानंतर पुढचा पुर्ण सिनेमा सईसाठीच बघितला गेला. अगदी स्वताला स्वप्नीलच्या जागी ठेऊन बघितला गेला. व्हिल्लन साई झालेल्या जितेंद्र जोशीबरोबर तिला बघताना अक्षरशा राग येत होता. जेव्हा ती श्रेयसला, "माझा बच्चू आहेस तू" असे म्हणाली तेव्हा एक मोरपीस माझ्या गालांवरून फिरले होते. शेवटी स्वप्निल तिला पुळचटासारखा सोडून जात होता तेव्हा त्याचाही एवढा राग आला होता.. असे वाटले उठून त्याला सांगावे अबे जा ना, भाड मध्ये गेली तुझी दुनियादारी, आता भांड त्या दुनियेशी आणि मिळव "आपल्या सईला" परत....

स्वताला स्वप्निलच्या जागी बघणे मला सोपे गेले कारण तसा तो देखील माझ्या आवडत्या अभिनेत्यांपैकी एक आहे. शेवटी तो मरतो तेव्हा मला वाईट वाटले नाही. का माहीत नाही पण तेव्हा मी त्या श्रेयसच्या भुमिकेतून बाहेर आलो आणि ऋन्मेष बनून सईला धीर देऊ लागलो, काही हरकत नाही सई मी आहे अजून... त्या शेवटच्या म्हातारपणाच्या द्रुष्यात सुद्धा सई इतकी तजेलेदार आणि सुंदर दिसत होती की लेडी देवानंदच जणू.. किंवा रेखानंतर खूबसुरत तीच!

चित्रपट संपवून बाहेर आलो तेव्हा माझ्या डोक्यात नुसती टिकटिक वाजत होती.. पाऊस पडत नव्हता तरी अंग ओलेचिंब झाल्यासारखे वाटत होते.. राहून राहून ओठांवर याच ओळी येत होत्या.... नाही जरी "सई" तरी.. भिजले अंग, पाण्याने .. सोचू तुम्हे पलभर भी, बरसे सावन जोमाने .. माझी अवस्था माझ्या मित्रांनी नेमकी हेरली, आणि त्याच दिवशी या ऋन्मेषला एक नवीन नाव पडले... ए रिशी पकूऽऽर ..!!

>>>>>>>>>>>>>>>>>>>>>>>>>>>>>>>>>>>>>

sai 1.jpg

>>>>>>>>>>>>>>>>>>>>>>>>>>>>>>>>>>>>>

सई !
स ई .. दोन अक्षरे..

आणि तिच्याबद्दल आता माझे दोन शब्द!

सईला मी माझी ड्रिमगर्ल म्हटले की ओघाने तिच्या सौंदर्याबद्दल हक्काने बोलणे आलेच. तिची शरीरयष्टी आणि हेल्दी फिगर पाहता ते मला विद्या बालन वा सोनाक्षी सिन्हाच्या पठडीतील वाटते. तथाकथित सौंदर्याच्या निकषात आणि फिगरच्या मोजमापात बसत नसूनही आकर्षक.. निव्वळ आकर्षक नव्हे तर सोबत अपील करणारे, खुणावणारे. तिच्या किंचित चौकोनी / षटकोनी चेहर्‍यातील वेगळेपण न जाणवते तर नवलच. त्या चौकटीला साजेसेच असे टपोरे डोळे. दातांची कमान उलगडत होणार्‍या खळखळाटातही हातचे राखून केलेले हास्य. तिच्या केसांच्या कुरळेपणात अडकण्याच्या भितीने त्याबद्दल लिहायचे टाळतो. मधुबाला आणि माधुरी यांनाच सौंदर्याचा बेंचमार्क मानणार्‍यांना कदाचित तिचे सौंदर्य मानवणार नाही, पण व्हू केअर्स!

सईसारखी हिरोईन मराठी चित्रपटसृष्टीत या आधी झाली नसल्यामुळे तिची तुलना हिंदी चित्रपटसृष्टीतील अभिनेत्रींशी करायचा मोह आवरत नाही. मग ते तिचे सौंदर्य असो वा अभिनय. तिच्या कारकिर्दीच्या सुरुवातीकडे नजर टाकल्यास मला ती बरेचदा कंगना राणावत सारखी वाटते. कंगना हिंदीमध्ये ज्या पठडीतले सिनेमे करते ते मराठीत सईचे देखील हक्काचे क्षेत्र आहे, बनू शकते. अर्थात गरज आहे तसे धाडसी सिनेमे मराठीत बनण्याची. पण तरीही मला वाटते सईमध्ये मराठी चित्रपटसृष्टीची प्रियांका चोप्रा बनण्याची क्षमता आहे. तिच्याप्रमाणेच नायिकाप्रधान सिनेमा एकहाती खेचण्याची क्षमता आहे. मल्टीस्टारर चित्रपटांमध्येही ती ज्या फ्रेममध्ये असते तेव्हा त्या चौकटीच्या कडेला उभे राहूनही बरेचदा ती प्रेक्षकांचा फोकस स्वतावर खेचून घेते. हो, तिच्यावर थोडीफार गॉसिपिंग होते, पण ते करावे अशी मराठी चित्रपटसृष्टीमध्ये तीच आहे आणि हेच तिला मराठीतील लेडी शाहरूख खान बनवून जाणार आहे. यू कॅन हेट हर, यू कॅन लव हर, बट यू कॅन नॉट इग्नोर हर .. पण इथेही तेच.. कंगना ते प्रियांका, व्हाया कतरीना, हा प्रवास करण्यासाठी तिला मराठी चित्रपट दिग्दर्शक आणि निर्मात्यांची देखील साथ मिळायला हवी आणि इन्शाल्लाह एक ना एक दिवस ते नक्की होईल, बोलो आमीन !

आभारी आहे,
ऋन्मेऽऽष उर्फ रिशी पकूऽऽर !

(लेख क्रमांक १)

विषय: 
Groups audience: 
Group content visibility: 
Public - accessible to all site users

ऋन्मेऽऽष | 28 August, 2015 - 10:30
एक तर तद्दन भिकार शीर्षक. तेही मराठीत सुचेना. आणि जे तद्दन भिकार अमराठी शीर्षक सुचलंय, ते शुद्ध लिहिता येईना !

>>>>

हाच जाज्वल्ल्य मराठीभिमान आपण जेव्हा मराठी चित्रपटांची नावे ईंग्लिशमध्ये असतात तेव्हा दाखवता का स्मित

>>

त्याचा इथे काही संबंध नाही. कारण त्यामुळे 'ही' चा 'हि' का केला ह्याचं स्पष्टीकरण मिळत नाही.

अवांतर :

ट्रेलर बघितलं .
तेजस्विनी अगोदर चान्गली वाटायची , आवडायची - आता वाईट वाटत तिच्याकडे बघून .

ऋ म्हणतो ते काही खोट नाही - स्वप्निल मराठीतला शाखा आहे . त्याच्यासारखेच आणखी किती वर्श कॉलेजकुमाराचे रोल करणार ?

पण त्या आधी धडधडणार्‍या हृदयाला काबूत ठेवायला छाताडावर एक हात ठेवा>>>> बायकानी/ मुलीनी काय कराव?

विकु खो खो मग प्रियकराशी लग्न झाले कि ह्या सिनेमाचा सिक्वेल काढायचा का काय? मी हिरे!!
>>>
लग्नानंतर मुलीचे अडनाव बदलायलाच हवे का?
(घ्या चर्चेला विषय) Proud

बायकानी/ मुलीनी काय कराव?

काही करायची गरज नाही. त्यांचे हृदयच मुळात स्वप्नील जोशीने चोरलेले आहे. न रहे हृदय, न रहे धडधड.

रश्मी , त्यांनी आपापल्या डोळ्यांवर हात ठेवावेत....गच्च.

अरे काय पण तो नवा फोटो दिलाय श्या...बलदंडाधिकारी.

काही करायची गरज नाही. त्यांचे हृदयच मुळात स्वप्नील जोशीने चोरलेले आहे. न रहे हृदय, न रहे धडधड.>>>>>नssssssssssssssssही, नही, नही. ये आरोप मुझे सख्त नामन्जुर है. मेरे दिल्का चोर स्वप्निल नही है, वो ओगी है.:इश्श:

ओके रश्मी, मी कार्टून बघत नाही त्यामुळे कल्पना नसते.
तरी छोटा भीम थोडाफार माहीत आहे. ते देखील आधी वाटायचे की महाभारतातल्याच बालपणीच्या भीमाचे कार्टून आहे.

सई ताम्हणकर अत्यंत निगर्वी आहे. मराठी माणसाच्या कूपमंडूक प्रवृत्तीने तिला दर्जाहीन ठरवलेले आहे. हाच मराठी माणूस इतर भाषिक स्त्रियांचे व्हिडिओज बघत असतो.

हाच जाज्वल्ल्य मराठीभिमान आपण जेव्हा मराठी चित्रपटांची नावे ईंग्लिशमध्ये असतात तेव्हा दाखवता का स्मित >>> अरे 'चेकमेट' वगैरे चाललेच की. कारण ते लख्ख इंग्रजीत होते. इथे तीन्ही शब्द मराठीतही आहेत व त्याचा अर्थ मराठीत वेगळाच आणि टोटली चुकीचा/वेगळा होतो म्हणून टीका. उद्या 'तो आणि शी' अश्या धेडगुजरी इंग्रजी नावाचा पिक्चर काढला तर लोकांनी काय अर्थाने घ्यावा? Happy

फारेण्ड Proud

नाही पण तरी ही तू ही रे हे नाव हिंदी तच आहे ना रे .. अर्धेमुर्धे कुठे आहे?

आणि मध्ये तो एलिझाबेथ एकादशी चित्रपट आलेला , त्या नावाला काय म्हणाल?

एलिझाबेथ एकादशी नाव आवडले होते कारण 'एलिझाबेथ आणि एकादशी' किंवा 'एलिझाबेथची एकादशी' असे दोन योग्य अर्थ निघतात; ते नाव यथार्थ वाटते.

मराठीत "तू हि रे" चा काही अर्थ लावता येत नाही. मला ते पुस्तकाचे नाव वाटते - विशेषतः केटलिन जेन्नरच्या आत्मचरित्राच्या मराठी अनुवादाचे नाव वाटते. "तू हि रे"चा सिक्वेल "तू अहि रे" निघाला नाही म्हणजे मिळवली. सई ह्या सिनेमात इच्छाधारी नागीण आहे का??

'राखी गुलजार' म्हणायचं आहे ना तुम्हाला ? राखी गुलजार आणि राखी सावंत ह्यांच्यात 'रक्षाबंधन' आणि 'व्हॅलेण्टाईन्स डे' इतका फरक आहे ! >>> Rofl

सईबाईंचं सुंदरा बघताना अक्षरशः यातना होतात. काय देह, काय मेकप, काय कपडे आणि काय त्या डान्स स्टेप्स. अ‍ॅशला कॉपी करण्यासाठी एक टक्का काहीतरी तिच्यासारखं असावं लागतंय. चांगल्या गाण्याची पूर्ण वाट लावलीये.
बदामी च्या त्या लोकेशनवर सई बाई टोटल गंडलेल्या दिसतात.
अधिक माहितीसाठी: http://marathistars.com/videos/sundara-an-advertisement-song-from-tu-hi-re/

मराठीत "तू हि रे" चा काही अर्थ लावता येत नाही. >>>>> नाहीच बहुधा ते हिंदीच शीर्षक ठेवले आहे. छान प्रयोग Happy

..

सई ताम्हणकर अत्यंत निगर्वी आहे. >> काल याला +७८६ द्यायचे निसटले होते. आता देतो, सहमत. चला हवा येऊद्या मध्ये ही नुकतेच तिला पाहिलेले तेव्हाही हे जाणवलेले.

..

एलिझाबेथ एकादशी नाव आवडले होते कारण 'एलिझाबेथ आणि एकादशी' किंवा 'एलिझाबेथची एकादशी' असे दोन योग्य अर्थ निघतात; ते नाव यथार्थ वाटते.
>>>>
प्रश्न यथार्थतेचा नाहीये तर भाषेचा आहे.
एलिझाबेथ का नाही खटकली मराठी चित्रपटाचे नाव म्हणून?

अ‍ॅशला कॉपी करण्यासाठी >>> खरे तर अ‍ॅश आणि सईची तुलना नाही होऊ शकत. टाईपच वेगळा आहे दोघींचा. त्यापेक्षा सईची तुलना राणी मुखर्जीशी चांगली होईल. साथिया चित्रपटाचा मराठीत रिमेक, सई आणि स्वप्निलला घेऊन बनवला तर धमाल बनेल. त्यातील शाहरूखचा गेस्ट रोल मात्र यात अंकुशला द्यायचा.

असो, गाणे शेअर केल्याबद्दल धन्यवाद,
यात सई पॉण्डस पावडरचा तो छोटासा, सुंदरसा अन नाजूकसा डबा वाटत आहे, ज्यातून फुलांचा मंद सुगंध दरवळतो Happy

तो विडीओ बघताना खरचं त्रास होतो..
तशी ती बरी आहे पण यात इतकी भयंकर का दाखवलीये काय माहिती ?

यात सई पॉण्डस पावडरचा तो छोटासा, सुंदरसा अन नाजूकसा डबा वाटत आहे, ज्यातून फुलांचा मंद सुगंध दरवळतो >> तू मजाक करतोयस ना ? खर्र खर्र सांग बर..

तिनं तेलुगू चित्रपटात असते तसा ड्रेस का घातलाय ?
वातावरण तर गावातल वाटतय मग इतकी रंगरंगोटी..

अरे देवा.. प्रभु देवाच्या पहिल्या तेलूगू चा दुसर्‍या बॉलीवूड चा तिसरा रिमेक वगैरे तर नव्हे हा Uhoh

तू मजाक करतोयस ना ? खर्र खर्र सांग बर..
>>>
मजाक कसला त्यात..
आपल्या ग्लॅमरस लूकमध्ये प्रयोग करत त्यातील वेगवेगळे पैलू लोकांसमोर आणणारी सई ही मराठी चित्रपटसृष्टीतील एकमेव अभिनेत्री आहे. दुसरी असेल तर सांगा !

Pages