टीनएज प्रेमाची गोष्ट : टाईमपास (टीपी)

बहुतेक कोकणातले अब्राह्मण लोक ळ ला ल म्हणतात

बहुतेक कोकणातले अब्राह्मण लोक ळ ला ल म्हणतात >> हो. आगरी, कोळी, भंडारी या समाजात शिवाय काही मुस्लिमांच्यात देखील ळ ऐवजी ल म्हणतात.

आगरी समाजामध्ये तर ड चा पण र होतो. मी रडूआलागलो ऐवजी ते "मी लरू लागलो" म्हणतात

प्रत्येक बोलीभाषेची एक खासियत असते, तसंच हेपण.

(मराठी भाषा दिवसाचा असा एक मराठी बोलीभाषांचा उपक्रम केला होता. त्यामध्ये असे अनेक वेगवेगळे भास्।एचे प्रयोग बघायला मिळाले होते.

प्रत्येक बोलीभाषेची एक खासियत असते>>>>>>>>> ओह. बोलीभाषा आणि तिची खासियत असं काही असतं??? सरळ सरळ अशुद्ध आणि चुकीचं मराठी आहे हे असं म्हणावं झालं.

अशुद्ध आणि चुकीचं मराठी
>> कुठल्या बेसवर ठरवायचं हे?

सरळ सरळ अशुद्ध आणि चुकीचं मराठी आहे हे असं म्हणावं झालं. >>

सहज आठवलं म्हणून नागपुरकडचे ळ ला ड म्हणतात.
माझी एक शत्रू कडल म्हणते कळलंला

सस्मित, सीरीयसली बोलताय की उपरोधाने ते समजले नाही. असो.

<बोलीभाषा आणि तिची खासियत असं काही असतं??? सरळ सरळ अशुद्ध आणि चुकीचं मराठी आहे हे असं म्हणावं झालं.>

>>बोलीभाषा आणि तिची खासियत असं काही असतं??? सरळ सरळ अशुद्ध आणि चुकीचं मराठी आहे हे असं म्हणावं झालं

छे याला अशुद्ध आणि चुकीचे असे नाही म्हणता येणार.

अब्राह्मण अशासाठी म्हणले की कोकणस्थ ब्राह्मणांकडून कधी असा उच्चार ऐकल्याचे आठवत नाही म्हणुन, पण याचा अर्थ हे शुद्ध किंवा ते अशुद्ध असे नाही.

असो यावर खुप मोठा वाद चालू होण्याचे टाळावे हि (किंवा ही ?) विनंती.

@रिया : दादा ? दादागिरी केली म्हणुन का ?

अब्राह्मण अशासाठी म्हणले की कोकणस्थ ब्राह्मणांकडून कधी असा उच्चार ऐकल्याचे आठवत नाही म्हणुन, पण याचा अर्थ हे शुद्ध किंवा ते अशुद्ध असे नाही.<<< त्या वाक्यामधे अब्राह्मण शब्दाऐवजी ब्राह्मणेतर असा शब्द वापरायला हवा होता.

कोकणस्थांची एक खास चित्पावनी अशी बोली असते, ती ऐकली तरी बरेच शुद्धवाले बेशुद्ध होतील.

नंदिनी सुचना बरोबर आहे ! धन्यवाद !

बहुतेक कोकणातले अब्राह्मण लोक ळ ला ल म्हणतात >> हो. आगरी, कोळी, भंडारी या समाजात शिवाय काही मुस्लिमांच्यात देखील ळ ऐवजी ल म्हणतात.

>>>>>>>>

हो म्हणतात खरे, तसेच हे शुद्ध अशुद्ध या वादातही पडायचे नाही, पण असे बोलणार्‍यांना सरसकट अब्राह्मण हा शब्द वापरल्याने कोकणात ब्राह्मण किती, ळ ला ल बोलणारे किती, अन जे ब्राह्मणही नाहीत आणि ळ ला ल हि बोलत नाहीत असे किती याची टक्केवारी जाणून घ्यायची उत्सुकता लागलीय.

अवांतर - जे लोक ळ ला ल बोलतात ते ल ला काय बोलतात?

हो नंदिनी कोकणस्थांची चित्पावनी बोली आहे हे हल्ली काही वर्षेच मला माहिती झालेय, गोव्याकडच्या बऱ्याच चित्पावनांना ती येते, ती खूप वेगळीच आहे, बऱ्याच पिढ्यांपूर्वी ती बोलत असावेत बहुतेक, पण बहुतेकांना ती नाही माहिती, साधारण गोवा किंवा कारवर कोकणीशी जवळ जाणारी मला वाटली.

मै 'फ' को 'फ' बोलता हु...

जे लोक ळ ला ल बोलतात ते ल ला काय बोलतात?>>>>

"ल" म्हणतात.

रच्याकने, ती मराठी भाषा दिवसाच्या उपक्रमाची लिंक मिळत नाहीये.

http://www.maayboli.com/node/33091

मी कोब्रा आहे पण कोकणस्थांची अशी चित्पावनी बोली आहे हे मला माहीतच नव्हते. अत्ताच समजले

हा सिनेमा न आवडण्याची कारण म्हणजे पाहिलं तर त्यात ब्राम्हणांची उडवलेली थट्टा आणि लहान वयात अभ्यास सोडून प्रेम-बिम करत बसण. दोन्ही चुकीचंय....!!!

अश्या सिनेमांनी लहानपणीच मनावर बिंबवल जातंय कि जीवनात अभ्यास, चरित्र, विवेक, करियर, घरच्या मोठ्यांचा आदर हे महत्वाचं नाही, तर प्रेम करण (गर्लफ्रेंड/बॉयफ्रेंड असण) महत्वाच आहे आणि असच वागायचं असत. आणि हे संपूर्ण समाजाला घातक आहे.

मधुरा अगदी अचुक वर्णन !
दृकश्राव्य हे फार मोठे प्रभावी माध्यम आहे, त्यामधे दाखवल्या जाणार्‍या गोष्टींचे अनुकरण फार मोठ्या प्रमाणावर केले जाते (उदा. एक दुजे के लिये चित्रपटानंतर झालेल्या आत्महत्या, इ.)
गेले अनेक वर्षांपासुन चित्रपटांमधे चांगल्या गोष्टींना कमी महत्व आणि वाईट गोष्टींना जास्त महत्व आलेले आहे.

अश्या सिनेमांनी लहानपणीच मनावर बिंबवल जातंय कि जीवनात अभ्यास, चरित्र, विवेक, करियर, घरच्या मोठ्यांचा आदर हे महत्वाचं नाही, तर प्रेम करण (गर्लफ्रेंड/बॉयफ्रेंड असण) महत्वाच आहे आणि असच वागायचं असत. आणि हे संपूर्ण समाजाला घातक आहे.<<<< दुनियादारीमध्य असं अज्जिइब्ब्बाअत दाखवलं नव्हतं की नाही, मधुरा????

मधुराताई,

तुमची वरची पोस्ट वाचुन

दुनियादारीमध्ये कसे लोक कोलेजात जाऊन हाणामारी करतात, मित्राला "टाईमपास" म्हणून मुलीला पटवायला लावतात, दारु-शिग्रेट पितात, मुलगीदेखील सिग्रेट ओढते, कॉलेजमध्ये गुरुजनांचा आदर करतात, लग्नातून मुलीला पळवतात अशी अनेक सामाजिक मुल्ये दाखवणारी दृश्ये आहेत, तशी या चित्रपटातदेखील असायला हवी होती ना!

लहान वयात अभ्यास सोडून प्रेम-बिम करत बसण>>
हे ही बरोबरच! दुनियादारीत सगले कॉलेजवयीन आहेत(जरी त्यातील एकही तसा वाटत नाही ), तरीही करियर, रोजगार, उच्च शिक्षण आदि भानगडींमध्ये न पडता कस्से मस्तपणे पोरगी पटवणे, राडेबाजी इत्यादी दुनियादारीचे धडे गिरवत असतात.

मला अजुन एकदा हा पिक्चर बघायला हवा, श्रेयनामावलीत कुठे बिग्रेड वगैरेचा उल्लेख तर केला नाही ना? :खिखि:

रच्याकने, टीपी पण झी चीच निर्मिती आहे ना?

राहुल, सुन्तुन्या , नंदिन,

दुनियादारीतहि हे होतंच....मी कुठे नाही म्हणतीये? पण कमीतकमी ते कॉलेज मध्ये तरी होते न....आणि त्यात मिनुला झालेला त्या प्रेम प्रकरणाचा त्रासही त्यात दाखवलेला आहे.

टाईमपास मधल्या दगडू आणि प्राजक्ताच वय पाहिलंत का??? ते दोघे १८+ पण नव्हते. आणि दुनियादारीत प्रकर्षाने दोस्ती दाखवली होती आणि टाईमपास मध्ये लहानवयातलं प्रेम.

खरय महेश दादा.....

गेले अनेक वर्षांपासुन चित्रपटांमधे चांगल्या गोष्टींना कमी महत्व आणि वाईट गोष्टींना जास्त महत्व आलेले आहे.>>>>>+११११११११

अश्या सिनेमांनी लहानपणीच मनावर बिंबवल जातंय कि जीवनात अभ्यास, चरित्र, विवेक, करियर, घरच्या मोठ्यांचा आदर हे महत्वाचं नाही, तर प्रेम करण (गर्लफ्रेंड/बॉयफ्रेंड असण) महत्वाच आहे आणि असच वागायचं असत. आणि हे संपूर्ण समाजाला घातक आहे. >>
वरवर पाहता , तुमच लॉजिक बरोबर आहे . पण हाच न्याय लावायचा झाला तर आधी सगळ्या मराठी/हिंदी सिरीयल बंद करायला लागतील . आणी बाजीगर , डर , अंजाम यांनाही टीव्ही वर दाखवायला बंदी केली पाहिजे.

टापा आणि दुदा दोन्ही वास्तववादी चित्रपट आहेत, जे समाजात घडतेय तेच दाखवलेय. फरक कुठे पडतो तर ज्याच्यात्याच्यासाठी समाज म्हणजे जे त्यांच्या आजूबाजुला घडते, कानावर पडते, नजरेस दिसते. म्हणून प्रत्येकाने अनुभवलेला समाज वेगळा असू शकतो.

तळटीप - वरील मुद्दा फक्त प्रेमबिम यारीदोस्ती अन भाईगिरी संदर्भात आहे.

पण हाच न्याय लावायचा झाला तर आधी सगळ्या मराठी/हिंदी सिरीयल बंद करायला लागतील . आणी बाजीगर , डर , अंजाम यांनाही टीव्ही वर दाखवायला बंदी केली पाहिजे.
==> अगदी बरोबर

>>जे समाजात घडतेय तेच दाखवलेय
==> काही गरज नाहीये प्रत्येक घडणारी गोष्ट दाखवायची. आधीच घडते तर आहे, मग असे दाखवून अजुन घडायला पाहिजे का ? फक्त या चित्रपटाबद्दल नाही तर जनरल म्हणत आहे.

>जे समाजात घडतेय तेच दाखवलेय>>>

शिनमा वाल म्हणत्यात जे समाजात घडत ते दाखिवतो आणि समाज म्हणतो तरुण पिढी सिनेमा/ शिरेली पाहून बिघडते. हे दुष्टचक्र आहे.
बाकी पिक्चर आवडला पण काही गोष्टी खटकल्या.

अभिषेक,

>> जे समाजात घडतेय तेच दाखवलेय

समाजात इतर चांगल्या गोष्टी बऱ्याच असतात. त्या कधी पडद्यावर प्रकर्षाने येत नाहीत.

आ.न.,
-गा.पै.