चला अनुभवूया एक संगीतमय सकाळ - "रे सख्या" चा प्रकाशन सोहळा

------------

रविवार दिनांक २७ ऑक्टोबर रोजी, डोंबिवली येथील सावित्रीबाई फुले सभागृहात रंगणार आहे सुरांची मैफल आणि कौतुकाची बाब म्हणजे ह्यात "वैभव जोशी, नचिकेत जोशी, ज्ञानेश पाटील, मयुरेश साने" हे चार मायबोलीकर मित्र आपल्या शब्दांनी आणि "केतन पटवर्धन" हा आपला मायबोलीकर मित्र स्वरांनी रंगत आणणार आहे.

केतनचं ह्या सुरमयी जगातलं पदार्पण मायबोलीकर मित्रांच्या साथीने होतय हे आपल्या मायबोली परिवारासाठी नक्कीच अभिमानास्पद आहे.

ते पाच जण स्टेजवर एक "मैफल गटग" करणार आहेत, आपण त्यांचं कौतुक करायला उपस्थित राहून आपलंही एक गटग करुयात. काय म्हणता?

कार्यक्रमाची संपूर्ण माहिती खाली देत आहे:-

कार्यक्रम स्वरूप: "रे सख्या" ह्या अल्बमचे वैभव जोशी आणि कौशल इनामदार ह्या प्रमुख पाहुण्यांच्या उपस्थितीत प्रकाशन आणि त्यानंतर गीतकार आणि गायकांच्या साथीने रंगणार आहे शब्द सुरांची मैफल.

कार्यक्रमाचे ठिकाण: सावित्रीबाई फुले सभागृह, डोंबिवली (पूर्व)

(स्टेशनपासून तसं लांब आहे पण रेल्वे स्टेशन मधून कल्याण दिशेच्या पुलाने बाहेर पडल्यास, तिथून सभागृहा पर्यंत रिक्षा सहज मिळतात)

दिनांक: रविवार - २७ ऑक्टोबर २०१३

वेळ: सकाळी ११ वाजता

गीतकार: वैभव जोशी, नचिकेत जोशी, ज्ञानेश पाटील, मयुरेश साने आणि वा.ना. सरदेसाई

संगित संयोजन: कमलेश भडकमकर आणि सागर साठे

गायक: केतन पटवर्धन, डॉ.मृदूला दाढे जोशी, मंदार आपटे, मुग्धा हसबनीस, केतकी भावे जोशी

प्रमुख पाहुणे: कौशल इनामदार आणि वैभव जोशी

कार्यक्रमाचे पासेस डोंबिवलीत खालील ठिकाणी उपलब्ध आहेत:- विनीत बुक डेपो - डोंबिवली प., पै यांच्या "फ़्रेन्डस लायब्ररीच्या" सर्व शाखा.

पासेस करीता व अधिक माहितीसाठी नचिकेत जोशी, केतन पटवर्धन किंवा माझ्याशी संपर्क साधला तरी चालेल.

मग काय म्हणताय, येताय ना आपल्याच परिवारातल्या सदस्यांचं कौतुक करायला? कारण कार्यक्रम विनामुल्य असला तरी ही मैफल मात्र अमुल्य असणार ह्यात शंकाच नाही.