मायबोली गणेशोत्सव २०१३ : उपक्रम "चारोळ्यांच्या भेंड्या"

फक्त दोनच शब्द
ठरवून बोलले ठेवणीचे
बाकी सारं आलबेल आहे...
पण कोडं सुटेना मनीचे...

मनाची कोडी असतात
खुपच सोप्पी
आपण उगाच खेळतो
त्यान्च्याशी लपाछपी.

'पत्र सांगते गुज मनीचे'
मस्त पाकृ करुया
हायकू झाले, प्रचिही झाले
आता चला चारोळ्या रचुया

उगाच काही च्या काही

_________________________
अर्र्र्र्र! हे बाद आहे!
तरीही ठेवते

लपाछपी खेळण्यातच
खरी गंमत आहे,
आणि राज्य घेण्यातच
खरी हिम्मत आहे.

भावना खेळतात लपाछपी
मनाचा कप्पा ओलावतो
तुला मात्र नेमक्या सापडतात त्या
हा 'धप्पा' मला हेलावतो

_________________
पुन्हा बाद!
मी खेळतच नाही बुवा

आणि राज्य घेण्यातच
खरी हिम्मत आहे.
>>
वाह!

रिये, धन्यवाद!

हिम्मत कशाला हारतेस
होणार नाहीस बाद
तुझ्याही चारोळ्या येऊदेत
देऊ आम्ही दाद

(हे रीया साठी)

भारीये

आम्ही मायबोलीकर,
आमची प्रिय हि साईट,
वेगवेगळ्या चारोळ्या रचून,
करतो आम्ही हाईट.

संपादित

तरी करतोच आहे काळजी चिमण्या कळ्यांची
जरी डसण्यास आले स्पर्श शिशिराचे मुळांशी
सुकाया लागल्या शाखा, पिकाया पानजाळी
उरी कवळून आहे स्वप्न हिरवे पावसाळी

पानगळीतुन हिरवे फुटते
नियम निसर्गाचा अतूट
शिशिराच्या मिठीत शिरता
आधी रंगांची लयलूट..

****
खपवून घ्या..

वाह इब्लिसदादा! आप भी?

चांगली आहे की. खपवता कशाला?

मस्त आहेत दोन्ही चारोळ्या

शिशिराच्या मिठीत शिरता
आधी रंगांची लयलूट.. >>

मस्त!

रंगू माजे रंगू कधी येशील घरी?
साठ्ली किती भांडी जरा बगशील तरी?
चायपानी देते, गडे आटप धुणी
तुज्याबिगर हात्! जिनगानी सुनी!

मस्त.

..

बाद झाली वाटतं..

सुनीच्या जिनगानीत आला सुन्या
ष्टोरी का व्हिलन सुनीका बापू बन्या
दिवस महिन्याचा हिशोब सांगी कन्या,
धूमधडाक्यात लगीन लावले, बन्याबापू का पोपट बन्या

(एडीटः व्हिलन ऐवजी बन्याबापू टाकलाय शेवटल्या ओळीत.)

__/\__

अहो, के. अंजली, राहू द्या की. चालणार आहेत एकाहून अधिक आलेल्या.

इब्लिस

स्वातीतै काढून टाकली मी ती. अर्धवट सुचली मग काय..

नवीन पोपट जुनाहि झाला
आता फेमस रिक्षावाला
बाप्पा गेले जरि गावाला
विसरतील ना या त्रासाला

रंगात रंगूनी रंगीत झाली झाडे
अन पानफुलांची रंग ल्याली कवाडे
तो पाहून त्यांना हसतो स्निग्ध असा की
>>
अभिसारिका मी, वाहवले त्याजकडे

अंजली,
सुचली तशी पूर्ण केलिये तुमची. राहू द्यायला हवी होती.

विसराल ना, या त्रासाला?
पोपट रिक्षा फेव्हिकॉलला.
पण पुढल्या वर्षी लौकर यावे,
माफ कराव्या मर्कट लीला !

इब्लीस छान केलीत पूर्ण तुम्ही.. आवडली..

फक्त इथे तो" मी सर्वेश्वर किंवा देव या अर्थाने घेतलेला इतकासाच फरक..