मायबोली गणेशोत्सव २०१३ : उपक्रम "चारोळ्यांच्या भेंड्या"

रथी महारथी एकदम फॉर्मात आहेत. वाचायला खूपच मजा येते आहे.

आज आणि इथेच
करायचेत हिशेब चुकते
ताळा कधीच जुळला नव्हता
हे कळले आहे नुकते

कसा उंबरा मनाला..
असे बांधिले चौखूर,
सातपुड्याच्या लेकीपायी
कशी सह्याद्रीला हुरहूर!

सॉरी सॉरी मयेकर, माझी चारोळी बाद. असंही नीट जमलंच नव्हतं, म्हणायचंय ते लिहायला

सॉरी कशाला साजिरा? मी, तुमच्यासाठी आणि स्वातीसाठी फुल्टॉस द्यायचं काम करतोय. नाहीतर तुम्ही लोक कधी लिहिता?

किती विनय तो!

विनय नाय ओ. आता सवय झाली.

वा वा! छान चाल्लीये जुगलबंदी!!
वाचतीये

मग कळू लागल्या तार्‍यांच्याही कक्षा
मग अमर्याद दर्याचे दिसले काठ
मग डोळ्यांमधली इंद्रधनुष्ये विझली
घेतले जुंपुनी आयुष्यास मुकाट

आहे मुकाट कॅनव्हास,
पॅलेट झोंबे बेरंगाशी;
खिडकीबाहेर सूर्यास्त
नि ब्रश भांडे वंचनेशी!

(आधी मयेकरांच्या ओळीतले 'आहे' घेतले होते. नवीन चारोळी आल्यावर 'मुकाट' घातले. आता हा विनय नसून क्राफ्ट आहे. :फिदी:)

तरीच दोन मिनिटांच्या आत कॅन्व्हास मुका झाला.
(आणि मी विनय मयेकरांचा म्हणत होते..... :P)

हो हो. मयेकर मूळातच विनयी असल्याने संशय आलाच होता. पण तरी आता सवय झाल्याने संशय आला. म्हणजे नव्याने आला. पुढे चला. मी केवढं स्टफ दिलंय. ब्रश, भांडे (/भांडं), वंचना, नि. नाहीतर कसल्या तुमच्या लास्ट ओळी. ह्याऽऽ.

(घोर) वंचना अशी जाहली,
पॅलेटची पाऽर चवच गेली..
समोर मांडली "फीस्ट" "मेस"ची
लोणच्याची बाटली, रूमवर विसरली..

मस्त चाललीय जुगलबंदी.. लगे रहो

ओ,
आमच्या पॅलेटचं बघा.
भुका लागायल्यात हितं.

स्वाती, तुमची रचना वाचून इंदिरा संतांची 'अजंठा' आठवली.
कवितेचा शेवट-
आणि हात मोजू लागतात
तीन कप पाणी
सहा चमचे साखर
असा काहीसा आहे.

मयेकर,
मी ट्यांजण्ट मार्लाय की नै?
थिक्डं या पघू?

इब्लिस, जेवण होतंय तोवर इंदिराबाई चहा करतायत, तो घ्या.

हो का? पूर्ण कविता हाताशी असेल तर शेअर करू शकाल का?

>> तोवर इंदिराबाई चहा करतायत, तो घ्या.

रूमवर माझ्या आहे एक..
पिवळ्या पुस्तकांचा बारदाना
फाटक्या वह्यांच्या खाली,
ऑफव्हाईट कलरची वेदना!

कोणीतरी अ‍ॅडमिनला सांगून या आयडीला मायबोलीत लिहायला सांगा बे! ऑफ व्हाइट काय! कलर काय!

'त्या' बाईंनी चहा सोडा, चरणांचे तीर्थ दिले तरी भरून पावलो म्हणावे वाटते बर्‍यांचदा..
पण ते असो.
चहा पिऊन भर्पूर भुका मारल्यात आजवर.. अगेन ट्यांजंट.
आलोच जेवण करून

>>btw, this response was a total deja vu <<

चित्रे गुरू असल्यावर अस्लंच भंपक कायतरी होणार. अ‍ॅडमिनला सांगून फायदा नाही

'ऑफ व्हाईट ला नावं ठेवताय? चित्रेंना स्मरून 'वेदना-ऑफ-व्हाईट-कलर' वर करून दाखवा चला.

आहा!
साजिर्‍या, पप्पी दे दो म्याण!

वेदना होईलच, जर तीनदा उन्मुक्त झालो
"मुक्तते"साठी तळमळून मित्रांची गादी उस्कटलो..
मित्र, गादी, गादी की मित्र, अनेक राजे गादीवर बसले,
वेदना सहन करीत 'दोस्तीची कस्म' निभावले?

इब्लिस आणि साजिरा, गेट अ रूम यू टू.

बाप्रे इब्लिस, आज नाईट मारावी लागणार दिस्तंय. बाकी कुठंही (नेहमीच्या अड्ड्यांवर) जात नसाल तर आहे आपली तयारी

निभावलेस कसे सांग एकदा सारे
चुलीस पेटत्यास घातले किती तारे
किती दळून पीठ काढलेस स्वप्नांचे
तरी पिलांस शिकविले उडावया का रे?

ग्रेट आहे (वेदना) !